Di Nɔmba Dɛm 6:23 - Krio Fɔs Oli Baybul

²³ fɔ tɛl Erɔn ɛn in bɔypikin dɛn se, we dɛn wan blɛs di Izrɛlayt dɛn, na so dɛn fɔ se:

Di Nɔmba Dɛm 6:23 Referans Kwoze

1 Kronikuls 23:13

Amram in bɔypikin dɛm na bin Earɔn ɛn Mozis. PAPA GƆD bin pik Erɔn fɔ de kɔnsikret di tin dɛn we oli pas ɔl, ɛn in ɛn in bɔypikin dɛn fɔ de bɔn insɛns ɛn minista to PAPA GƆD ɛn tek in nem de blɛs sote go.

Ditarɔnɔmi 21:5

Bikɔs na di Livayt dɛn PAPA GƆD we na dɛn PAPA GƆD dɔn pik fɔ mek sakrifays fɔ pipul sin ɛn pre fɔ blɛsin, na dɛn fɔ tɔk di kes; wetin dɛn se, nɛf kɔt.

Di Ibru Pipul Dɛn 7:1

Mɛlkizidɛk na bin kiŋ na wan ples we nem Selɛm ɛn nain Gɔd, we pas ɔl, bin pik fɔ mek sakrifays fɔ pipul sin. Wɛn Ebraam bin kɔmɔt fɛt na wan wa we i bin kil plɛnti kiŋ dɛn, na Mɛlkizidɛk go mit am na rod ɛn blɛs am.

Jɛnɛsis 48:20

So i blɛs dɛn da de de. I se, “Di Izrɛlayt dɛn go yuz una nem dɛn we dɛn de gi blɛsin. Dɛn go se lɛ PAPA GƆD mek yu tan lɛkɛ Ifrem ɛn Manasɛ.” So Jekɔb put Ifrem bifo Manasɛ.

Jɔn In Sɛkɛn Lɛta 1:3

Mek Gɔd wi Papa, ɛn in Pikin, Jizɔs Krays, blɛs wi, sɔri fɔ wi, ɛn gi wi kol at; mek ɔl dɛn tin ya bi to wi we no ɛn biliv wetin tru ɛn lɛk wi kɔmpin mɔtalman.

Jɛnɛsis 47:7

Na da tɛm de Josɛf kɛr in papa, Jekɔb go sho am to di kiŋ. Jekɔb blɛs di kiŋ,

Pita In Fɔs Lɛta 1:2

Na Gɔd, we na wi Papa, dɔn pik una, lɛkɛ aw i bin dɔn plan, ɛn Gɔd in Spirit dɔn mek una bi Gɔd yon pipul, so dat una go du wetin Jizɔs Krays tɛl una fɔ du, ɛn di day we Jizɔs Krays day na di krɔs go mek una klin na Gɔd yay. A de pre mek Gɔd sho una aw i gud ɛn mek i gi una kol at mɔ ɛn mɔ.

Di Ibru Pipul Dɛn 7:7

Wi no fɔ tru se, di pɔsin we de blɛs pas di wan we i blɛs.

1 Kɔrint 1:3

Mek Gɔd, we na wi Papa, ɛn Masta Jizɔs Krays sho una aw i gud ɛn gi una kol at.

Lɛta Fɔ Rom 1:7

So a de rayt to una ɔl na Rom we Gɔd lɛk ɛn we i dɔn kɔl fɔ bi in yon pipul. Mek Gɔd we na wi Papa ɛn Masta Jizɔs Krays sho una aw i gud ɛn gi una kol at.

Jɔshwa 8:33

Ɔl di Izrɛlayt dɛn, di trenja dɛn ɛn di wan dɛn we bɔn de, wit bigman fɔ di famili dɛn ɛn di bigman dɛn fɔ di neshɔn, bin tinap na di tu say fes to fes wit di man dɛn we de mek sakrifays fɔ pipul sin ɛn PAPA GƆD in Ak ɔf di Kɔvinant de midul. Sɔm pan dɛn bin tinap gi dɛn bak to Mawnt Gɛrizim we di ɔda wan dɛn yon bak bin tɔn to Mawnt Ebal. Dat na wetin Mozis we na bin PAPA GƆD in wokman bin dɔn tɛl dɛn fɔ blɛs di Izrɛlayt dɛn.

Ditarɔnɔmi 10:8

Mozis kɔntinyu fɔ mɛmba di Izrɛlayt dɛn wetin ɛn wetin bin dɔn apin. I se na da tɛm de, PAPA GƆD bin se na di Livayt fambul dɛn nɔmɔ fɔ tot di Ak ɔf di Kɔvinant, mek sakrifays fɔ pipul sin, ɛn tek PAPA GƆD in nem blɛs di ɔda fambul dɛn, so PAPA GƆD go du gud tin dɛn fɔ dɛn, ɛn na so dɛn de du.

Jɛnɛsis 47:10

Jekɔb blɛs di kiŋ bak ɛn se gudbay.

Ditarɔnɔmi 33:1

Na di blɛsin dis dis we Mozis bin blɛs di Izrɛlayt dɛn bifo i day.

Jɛnɛsis 24:60

Dɔn dɛn blɛs Ribɛka wit dɛn wɔd ya so. Dɛn se, “Wi sista, PAPA GƆD go wit yu ya. Lɛ PAPA GƆD gi yu bɔku pikin, ɛn mek yu jɛnareshɔn dɛn kɔnka ɔl dɛn ɛnimi dɛn!”

Ɛksodɔs 39:43

Mozis ɛgzamin ɔl tin ɛn si se dɛn du jɛs wetin PAPA GƆD tɛl dɛn fɔ du. So Mozis blɛs dɛn.

Di Nɔmba Dɛm 6:22

PAPA GƆD tɛl Mozis

1 Kiŋ 8:55

I tinap ɛn bigin blɛs ɔl di Izrɛlayt dɛn lawd lawd wan. I se,

2 Kronikuls 30:27

Ɛn di man we de mek sakrifays fɔ pipul sin ɛn di Livayt dɛm grap ɛn blɛs di pipul dɛm, ɛn Gɔd yɛri dɛn vɔys, ɛn dɛn prea kam na di oli say we i tap na ɛvin.