Di Nɔmba Dɛm 6:20 - Krio Fɔs Oli Baybul

²⁰ Dɔn di man we de mek sakrifays fɔ pipul sin fɔ wev dɛn bifo PAPA GƆD as wev sakrifays; dɛn oli, so na di man we de mek sakrifays fɔ pipul sin gɛt dɛn, plɔs di chɛst we dɛn bin wev ɛn di lɛg dɛn we dɛn gi. Afta ɔl dis, di Nazirayt kin drink wayn naw.

Di Nɔmba Dɛm 6:20 Referans Kwoze

Ɛkliziastis 9:7

So, ɛnjɔy yu it, ɛn drink yu wayn wit gladi; bikɔs PAPA GƆD dɔn gri lɔntɛm se na so yu go du.

Di Nɔmba Dɛm 5:25

Di man we de mek sakrifays fɔ pipul sin fɔ pul da tin we di man gi bikɔs i de jɛlɔs, na di uman in an, wev am bifo PAPA GƆD ɛn kɛr am go na di ɔlta.

Jɔn 19:30

Jizɔs sɔk di viniga ɛn se, “A dɔn dɔn mi wok!”

Mak 14:25

A de tɛl una se, a nɔ go drink wayn igen sote di tɛm we a go drink di nyu wayn na di ples we Gɔd de rul.”

Matyu 26:29

A de tɛl una se, a nɔ go drink wayn igen sote di tɛm we a go drink di nyu wayn wit una na di ples we mi Papa de rul.”

Zɛkaraya 10:7

Di Izrɛlayt dɛn go tan lɛk sojaman dɛn ɔl at go gladi lɛk udat drink rɔm. Dɛn pikin dɛn go si wetin de apin ɛn dɛn at go swit da tɛm de, dɛn go prez PAPA GƆD.

Zɛkaraya 9:17

Di ples go fayn fɔ si, bɔbs! Yutman dɛn go plant bɔku tin we go mek layf bɛtɛ fɔ dɛn ɛn dɛn go mek wayn fɔ dɛn yɔŋgyal.

Zɛkaraya 9:15

PAPA GƆD Ɔlmayti go kɔba dɛn ɛn dɛn go nyamanyama ɛn kil kil ɔl dɛn ɛnimi. Dɛn go drink dɛn blɔd lɛk wayn ɛn dɛn go bɛlful lɛk we bol fulɔp, ɛn dɛn go sok lɛ di kɔna dɛn na dɛn ɔlta.

Ayzaya 35:10

Ɛn di wan dɛn we PAPA GƆD dɔn pe fɔ, go kam bak, ɛn dɛn go kam Zayɔn de siŋ; ɛn jɔy we go de sote go, go de na dɛn layf; dɛn go gɛt jɔy ɛn gladi gladi, ɛn sɔri ɛn pini, go rɔnawe.

Ayzaya 25:6

Na pantap dis mawnten PAPA GƆD Ɔlmayti go mek big pati fɔ ɔlman wit fat tin dɛn, wit wayn we gɛt kɛtɛkɛmu, fat tin dɛn we gɛt bif midul di bon ɛn wayn we gɛt kɛtɛkɛmu we dɛn tek tɛm pul, lɛ i nɔ miks.

Di Nɔmba Dɛm 18:18

Dɛn bif dɛn na una yon jɛs lɛk aw di chɛst we dɛn wev to mi ɛn dɛn rayt lɛg dɛn na una yon.

Lɛvitikɔs 23:11

ɛn in naw fɔ gi am lɛk se na spɛshal prɛzɛnt i de gi PAPA GƆD, so dat i go tek am; na di mɔnin afta dɛn dɔn blo, di man we de mek sakrifays fɔ pipul sin fɔ gi am lɛk spɛshal prɛzɛnt.

Lɛvitikɔs 10:15

Na dɛn gɛt di lɛg ɛn di chɛst we dɛn de wev as spɛshal prɛzɛnt to PAPA GƆD ɛn i fɔ bi dɛn yon na ɔl di jɛnareshɔn dɛn as na so PAPA GƆD se.

Lɛvitikɔs 9:21

bɔt Erɔn wev di chɛst ɛn di rayt lɛg as spɛshal prɛzɛnt bifo PAPA GƆD lɛk aw Mozis se.

Lɛvitikɔs 7:34

Di chɛst we dɛn wev ɛn di lɛg we dɛn gi, PAPA GƆD tek am na di pipul dɛn an ɛn gi dɛn to di man dɛn we de mek sakrifays fɔ pipul sin. Na dɛn fɔ de gɛt dɛn pat dɛn de sote go.

Lɛvitikɔs 7:31

Di man we de mek sakrifays fɔ pipul sin we de dyuti go bɔn di fat na di ɔlta bɔt di chɛst go bi fɔ Erɔn ɛn in fambul dɛn.

Lɛvitikɔs 7:30

nainsɛf fɔ gi PAPA GƆD as ɔfrin we i de mek na faya; i fɔ kɛr di animal in fat wit di chɛst, ɛn i go wev am as spɛshal prɛzɛnt to PAPA GƆD.

Lɛvitikɔs 7:32

Fɔ gi di rayt lɛg to di man we de mek sakrifays fɔ pipul sin as in yon prɛzɛnt pan di pis ɔfrin.

Di Nɔmba Dɛm 6:21

PAPA GƆD se na di lɔ dis we di Nazirayt bin mek to am. I se, ɛnibɔdi kin du ɛni ɔda tin bay wetin i ebul. Bɔt i fɔ mek shɔ se wetin i bin tek di vaw fɔ i du am bay wetin di Nazirayt dɛn lɔ se.