Di Nɔmba Dɛm 6:19 - Krio Fɔs Oli Baybul

¹⁹ PAPA GƆD se afta di Nazirayt dɔn shev di ia nain ed we bin de sho se i dɔn gi insɛf to PAPA GƆD, di man we de mek sakrifays fɔ pipul sin fɔ put wan sholda pan di man ship we bwɛl, ɛn wan kek ɛn wefa we de na di baskit we bred we nɔ gɛt yist bin de, nain an.

Di Nɔmba Dɛm 6:19 Referans Kwoze

1 Samiɛl 2:15

Dɛn kin so du am dat ivin we di fat nɔ bɔn yet, we nain fɔ bi di sakrifays we PAPA GƆD fɔ gɛt, di bɔbɔ dɛn kin dɔn go aks di pɔsin we de bwɛl di bif fɔ gi di man dɛn we de mek sakrifays fɔ pipul sin dɛn yon. Di bɔbɔ dɛn kin se di man dɛn we de mek sakrifays fɔ pipul sin nɔ go tek bwɛl bif as i want fɔ go ros in yon, so na rɔ bif nɔmɔ i want.

Lɛvitikɔs 7:30

nainsɛf fɔ gi PAPA GƆD as ɔfrin we i de mek na faya; i fɔ kɛr di animal in fat wit di chɛst, ɛn i go wev am as spɛshal prɛzɛnt to PAPA GƆD.

Lɛvitikɔs 8:31

Fɔ dɔn di sɛrimɔni, Mozis tɛl Erɔn ɛn in bɔypikin dɛn se dɛn fɔ kɛr di bif go na di tɛnt we dɛn kin mit PAPA GƆD in domɔt fɔ kuk am ɛn it am de. I se dɛn fɔ it am wit di bred we de insay di blay we gɛt di ɔdineshɔn tiŋs dɛn ɛn as PAPA GƆD se, na Erɔn ɛn in bɔypikin dɛn nɔmɔ fɔ it am;

Lɛvitikɔs 8:27

i put dɛn ɔl na Erɔn in an ɛn na Erɔn in bɔypikin dɛn an ɛn dɛn wev dɛn to PAPA GƆD as spɛshal prɛzɛnt to am.

Lɛvitikɔs 7:28

PAPA GƆD tɛl Mozis se,

Di Nɔmba Dɛm 6:2

fɔ tɛl di Izrɛlayt dɛn se ɛni man ɔ uman we want tek vaw se i wan gi insɛf to PAPA GƆD as Nazirayt,