Di Nɔmba Dɛm 6:18 - Krio Fɔs Oli Baybul

¹⁸ We i dɔn dɔn, na di Tɛnt in domɔt usay dɛn kin mit PAPA GƆD de di Nazirayt fɔ shev di ia nain ed we i bin dɛdiket to PAPA GƆD. I fɔ tek di ia we i shev put am na di faya we de ɔnda di sakrifays fɔ di pis sakrifays.

Di Nɔmba Dɛm 6:18 Referans Kwoze

Apɔsul Dɛn Wok 21:24

Una ɔl go du dɛn tin we dɛn de du fɔ mek dɛn klin na Gɔd in yay, ɛn yu fɔ pe fɔ dɛn, so dat dɛn go ebul shayn dɛn ed. If yu du dat, ɔlman go no se wetin pipul bin de tɔk bɔt yu nɔ tru, dɛn go no se yusɛf de kip di Lɔ we Gɔd gi Mozis.

Di Nɔmba Dɛm 6:9

PAPA GƆD se if pɔsin day usay di Nazirayt de we go mek di ia nain ed nɔ oli, we i de du di sɛrimɔni di sɛvin de, i fɔ shev di ia nain ed.

Apɔsul Dɛn Wok 18:18

Pɔl bin de wit di Kristiɛn dɛn na Kɔrint, i bin te de. Pɔl, Akwila, ɛn Prisila dɛn kɔmɔt Kɔrint go Siria; na bot kɛr dɛn go. Bifo Pɔl lɛf fɔ go, i prɔmis Gɔd fɔ du sɔntin na Sɛnkria so i kɔt in ia nain ed lɛkɛ aw dɛn Ju pipul kin du wɛn dɛn prɔmis Gɔd fɔ du sɔntin.

Lɛta Fɔ Ɛfisɔs 1:6

I mek in wangren Pikin we i lɛk, gi wi dis big blɛsin ya fɔ natin.

Apɔsul Dɛn Wok 21:26

Di ɔda de, Pɔl ɛn di man dɛn du di tin dɛn we fɔ mek dɛn klin na Gɔd yay. Dɔn dɛn ɔl go na Gɔd in Os fɔ mek pipul no di tɛm we dɛn fɔ tap fɔ du dɛn tin we fɔ mek dɛn klin na Gɔd yay, we dɛn go mek sakrifays fɔ dɛn.

Lyuk 17:10

Semwe so, wɛn una dɔn du ɔl wetin una masta tɛl una fɔ du, una fɔ se, ‘Wi nɔto bɛtɛ wokman; wi jɛs du wetin wi bin gɛt fɔ du nɔmɔ.’”

Di Nɔmba Dɛm 6:5

I tɛl am se, di tɛm we di pɔsin na Nazirayt, we i dɔn gi insɛf to PAPA GƆD, i nɔ fɔ mek reza bled tɔch in ed. I fɔ bi oli te di tɛm we i tek di vaw fɔ, dɔn ɛn i fɔ lɛf di ia nain ed fɔ gro lɔŋ wan.

Apɔsul Dɛn Wok 21:23

Yu fɔ du wetin wi de tɛl yu fɔ du naw. Fo man de ya we bin dɔn prɔmis Gɔd fɔ du sɔntin.

Di Nɔmba Dɛm 6:17

I fɔ gi di baskit wit bred we nɔ gɛt yist ɛn sakrifays di man ship as pis sakrifays to PAPA GƆD togɛda wit di tin dɛn fɔ di gren sakrifays ɛn di drink sakrifays.