Di Nɔmba Dɛm 6:15 - Krio Fɔs Oli Baybul

¹⁵ togɛda wit di tin dɛn fɔ gren sakrifays ɛn drink sakrifays, wan baskit wit bred we nɔ gɛt yist dat na kek we dɛn tek gud flawa mek dɔn dɛn miks am wit ɔyl ɛn wefa we dɛn put ɔyl pantap.

Di Nɔmba Dɛm 6:15 Referans Kwoze

Lɛvitikɔs 2:4

Wɛn di sid ɔfrin we dɛn de briŋ na wan we dɛn bek na pɔt, fɔ miks di bred we nɔ gɛt yist wit ɔyl ɔ rɔb ɔyl pan di flat kek lɛk biskit we yu mek.

Ɛksodɔs 29:2

Bek bred we nɔ gɛt yist, ɛn kek wit ɔliv ɔyl we insɛf nɔ gɛt yist, dɔn mek wefa ɛn put ɔyl pan am. Na fayn wit flawa yu fɔ yuz bek dɛn.

Di Nɔmba Dɛm 15:10

Dɛn fɔ gi am wit tri paynt wayn bak. I go bi sakrifays we dɛn mek na faya we go pul fayn sɛnt we go mek PAPA GƆD gladi.

1 Kɔrint 11:26

Sote di Masta kam bak, ɛnitɛm una de it dis bred ɛn drink dis wayn, una de mek pipul no se di Masta day fɔ mɔtalman.

1 Kɔrint 10:31

Wɛl, ɛnitin we una de du, if una de it ɔ una de drink, una fɔ mek Gɔd gɛt di prez fɔ ɔl.

Joɛl 2:14

I se nɔbɔdi nɔ no if i go sɔri fɔ dɛn, ɛn blɛs dɛn, if dɛn go gi PAPA GƆD we na GƆD, dɛn gren ɛn drink ɔfrin.

Joɛl 1:13

I se di man dɛn we de mek sakrifays fɔ pipul sin fɔ sɔri ɛn wɛr saklɔth fɔ sho se dɛn sɔri, dɛn fɔ kray as pipul we de sav na di ɔlta. I se dɛn fɔ go insay PAPA GƆD in os wɛr saklɔth fɔ slip. Dɛn we de wok fɔ PAPA GƆD! Bikɔs pipul nɔ ebul mek di gren ɛn drink ɔfrin igen na dɛn PAPA GƆD in os.

Joɛl 1:9

Dɛn nɔ go ebul mek ɔfrin to PAPA GƆD nain os igen wit di gren dɛn ɛn drink. Di man dɛn we de mek sakrifays fɔ pipul sin we de wok fɔ PAPA GƆD fɔ sɔri ɛn kray.

Ayzaya 62:9

bɔt na di wan dɛn we avɛst am, go it am ɛn prez PAPA GƆD, ɛn di wan dɛn we gɛda am, go drink am na di kɔtyad dɛn na mi oli ples fɔ wɔship.”

Lɛvitikɔs 9:4

wan man kaw ɛn wan man ship fɔ pis ɔfrin to PAPA GƆD, ɛn sid ɔfrin we miks wit ɔyl, bikɔs da de de PAPA GƆD go sho insɛf to dɛn.

Lɛvitikɔs 8:2

mek i tek Erɔn ɛn in bɔypikin dɛn wit dɛn klos dɛn, ɛn di ɔyl we fɔ yuz fɔ anɔynt dɛn, ɛn di man kaw fɔ di sin ɔfrin, ɛn tu man ship wit wan blay ful wit bred we nɔ gɛt yist;

Lɛvitikɔs 7:12

If i de du am bikɔs i wan fɔ tɛl PAPA GƆD tɛnki, dɛn i fɔ miks ɔyl wit kek we nɔ gɛt yist, wefa we insɛf nɔ gɛt yist bɔt we dɛn put ɔyl pan, ɛn ɔda kek we dɛn mek wit fayn flawa we dɛn miks gud wan wit ɔyl.

Di Nɔmba Dɛm 6:16

PAPA GƆD se, na di man we de mek sakrifays fɔ pipul sin fɔ gi dɛn to am. Di man fɔ mek di sin sakrifays ɛn di sakrifays we i de bɔn to PAPA GƆD.