Di Nɔmba Dɛm 5:27 - Krio Fɔs Oli Baybul

²⁷ If di uman dɔn mek ɔda man tɔch am apat frɔm in mared man, wɛn i drink di wata we gɛt di swɛ, in bɛlɛ go at am dɔn i go bigin sɔfa. I nɔ go ɛva bɔn ɛn ɛni bɛlɛ we i gɛt go wes dɔn in pipul dɛn nɔ go wan natin fɔ du wit am.

Di Nɔmba Dɛm 5:27 Referans Kwoze

Jɛrimaya 42:18

“Bikɔs na dis PAPA GƆD Ɔlmayti we na Izrɛl dɛn Gɔd, se: lɛkɛ aw A kin mi put mi vɛksteshɔn ɛn mi wam at pan di wan dɛm we tap na Jerusɛlɛm, na semweso a go pul mi wan at pan una we una go na Ijipt. Dɛn go et una bad bad wan. Dɛn go fred, swɛ, kɔs ɛn provok una. Una nɔ go si dis ples igen.

Jɛrimaya 29:18

A go mek wa, bad bad aŋri ɛn siknɛs de biɛn dɛm, ɛn a go mek dɛn pipul fɔ fred na ɔl di kɔntri dɛm na di wɔl. Pipul go shem fɔ de wit dɛm, dɛn nem nɔ go gɛt rɛspɛkt, dɛn go provok dɛm ɛn go bi pipul dɛn we gɛt swɛ, ɔlsay usay a go drɛb dɛn go,

Zɛkaraya 8:13

I se pipul bin de yus dɛn nem we dɛn de swɛ ɔda pipul, bɔt naw na dɛn sem pipul de go yus nem fɔ blɛs pipul dɛn bikɔs in go sev dɛn ɛn i go mek pipul de kɔl Juda ɛn Izrɛl dɛn nem we dɛn wan blɛs ɔda pipul. I se, mek dɛn nɔ fred, lɛ dɛn pik ɔp zil nɔmɔ.

Jɛrimaya 44:12

A go kech di balans wan dɛm we lɛf na Juda we dɛnsɛf de mekɔp fɔ go Ijipt, ɛn dɛn ɔl go day; na Ijipt dɛn go day; dɛn go day na wa ɔ wit bad bad aŋri; frɔm di las wan to di wan we gɛt pawa pas dɛn ɔl, go day na wa ɛn wit bad bad aŋri; dɛn go tɔn tin we at fɔ luk, pipul dɛn go trit dɛn lɛk dɔg ɛn go tek dɛn nem fɔ swɛ ɛn go provok dɛm.

Jɛrimaya 29:22

Fɔseka dɛn, ɔl di wan dɛn we kɔmɔt ɛgzayl na Juda we de Babilɔn go de swɛ dis swɛ: “Lɛ PAPA GƆD mek yu tan lɛk Zɛdikaya ɛn Eab, we di kiŋ na Babilɔn bin ros na faya,”

Jɛrimaya 24:9

A go mek dɛn tin fɔ fred to ɔl di kɔntri dɛm na di wɔl. Pipul go shem fɔ de wit dɛm, dɛn nem nɔ go gɛt rɛspɛkt, dɛn go provok dɛm ɛn go bi pipul dɛn we gɛt swɛ, ɔlsay usay a go drɛb dɛn go.

Ayzaya 65:15

Una nem go lɛf to mi pipul we a dɔn pik, fɔ tek kɔs pɔsin, ɛn Papa Gɔd we na Gɔd go kil una; bɔt I go kɔl in wokman dɛn difrɛn nem.

Ditarɔnɔmi 28:37

Di pipul dɛn we de na di kɔntri we PAPA GƆD go skata dɛn, go wɔnda se wetin apin to pipul lɛkɛ dɛn; dɛn go tɔk bad bɔt dɛn ɛn go laf ɛn provok dɛn.

Pita In Sɛkɛn Lɛta 2:10

dɛn ticha we de fala dɛn at fɔ du dɔti tin wit dɛn bɔdi ɛn we nɔ de du wetin dɛn wan we de oba dɛn tɛl dɛn fɔ du, na dɛn mɔ Gɔd go pɔnish. Dɛn ticha ya dɛn at traŋa ɛn dɛn de du wetin dɛn ed gi dɛn fɔ du; dɛn nɔ de fred sɛf fɔ tɔk bad bɔt ɔl dɛn wan we de na ɛvin ɛn laf dɛn.

2 Kɔrint 2:16

Fɔ dɛn wan dɛn we de go ɛl, di sɛnt na sɛnt we de kil; bɔt fɔ dɛn wan we go sev, da sɛnt de na sɛnt we de gi layf. Udat ebul du wok lɛkɛ dis?

Lɛta Fɔ Rom 6:21

Wetin una bin gen wɛn una bin de du dɛn tin we una de shem fɔ du naw? Na day dɛn kayn tin de, de briŋ.

Ɛkliziastis 7:26

Di tin we a fred pas day na uman we na trap, uman we in at na trap ɛn nɛt, ɛn de fɔ grip ɔltin. Na pɔsin we de du wetin PAPA GƆD want nɔmɔ, in trap nɔ go kech, bɔt i go kech sina izi wan.

Di Nɔmba Dɛm 5:20

Bɔt if yu dɔn lɛf yu mared man ɛn gɛt biznɛs wit ɔda man,

Di Nɔmba Dɛm 5:28

If di uman nɔ gilti atɔl, di swɛ nɔ go ol am ɛn i go ebul fɔ bɔn pikin.

Di Sam Dɛm 109:18

I tan lɛk swɛ dɔn tɔn in klos we i de wɛr ɛvride; lɛ di swɛ de insay in bɛlɛ lɛk na wata i drink ɔ lɛk ɔyl we i rɔb fɔ sok in bɔdi.