Di Nɔmba Dɛm 4:5 - Krio Fɔs Oli Baybul

⁵ We di kamp fɔ muf, Erɔn ɛn in bɔypikin dɛn fɔ pul di klos we kin kɔba di ak ɛn ɛŋ am pan am.

Di Nɔmba Dɛm 4:5 Referans Kwoze

Di Ibru Pipul Dɛn 9:3

Wɛn yu pas di sɛkɛn big tik kɔtin, wan ɔda pat bin de we dɛn kɔl “Di ples we Gɔd de pas ɛni ɔda ples.”

Matyu 27:51

Di tik tik kɔtin we bin ɛŋ na Gɔd in Os chɛr tu, frɔm ɔp sote kam dɔŋ. Di grɔn shek, dɔn di big ston dɛn brok.

Di Ibru Pipul Dɛn 10:20

Jizɔs sakrifays in bɔdi fɔ opin rod fɔ pipul fɔ gɛt nyu layf. In bɔdi tan lɛkɛ di tik kɔtin we bin ɛŋ insay, insay Gɔd in Os fɔ kɔba di ples we Gɔd de. (Da tik kɔtin de bin chɛr frɔm ɔp kam dɔŋ wɛn Krays day na di krɔs.)

Ayzaya 25:7

Ɛn na pan dis mawnten i go pwɛl di tin we kɔba ɔl di pipul dɛn na di wɔl, di vel we prɛd oba ɔl dɛn neshɔn na wɔl.

Di Nɔmba Dɛm 10:14

Di grup we de na Juda Kamp, na dɛn go fɔs wit dɛn bana lɛkɛ aw i fɔ bi. Nashɔn we na Aminadab in bɔypikin na bin dɛn lida.

Di Nɔmba Dɛm 4:15

PAPA GƆD tɛl dɛn se afta we Erɔn ɛn in bɔypikin dɛn dɔn kɔba ɔl wetin oli, ɛn we dɛn dɔn rɛdi fɔ muf di kamp, di Livayt dɛn we kɔmɔt na Koath in famili, na dɛn fɔ tot dɛn. Bɔt dɛn fɔ mek shɔ se dɛn nɔ tɔch ɛni pan di tin dɛn we oli ɔ nɔ so dɛn go day. Di Koathayt dɛn na di wan dɛn we fɔ tot di tin dɛn na di Tɛnt usay dɛn kin mit PAPA GƆD.

Ɛksodɔs 40:3

Put di Kɔvinant Bɔks usay di Tɛn Kɔmandmɛnt de na di Tɛnt, ɛn put di klos we yu de ɛŋ pan am.

Ɛksodɔs 36:35

Dɛn yuz fayn linin matirial blu, pɔpul ɛn rɛd wul, dɔn dɛn dizayn chɛryubim pan am.

Ɛksodɔs 40:5

Put di gold ɔlta fɔ bɔn insɛns bifo di Kɔvinant Bɔks, dɔn yu ɛŋ di klos na di Tɛnt in domɔt.

Lɛvitikɔs 16:2

I se Mozis fɔ tɛl in brɔda we na Erɔn se nɔto ɔltɛm i fɔ jɛs de go biɛn di do klos we ɛŋ insay di ples we oli pas ɔl, we na de di Ak ɔf di Kɔvinant in kɔba de, ɔ nɔ so i go day bikɔs in kin apia insay klawd ɛn sidɔm de.

Di Nɔmba Dɛm 4:4

PAPA GƆD se di wan dɛn we kɔmɔt na Koath in famili, na dɛn fɔ de sibɔt di tin dɛn we oli pas ɔl na di Tɛnt usay dɛn kin mit am.

Di Nɔmba Dɛm 7:9

Bɔt Mozis nɔ gi nɔn pan dɛn to di Koathayt dɛn bikɔs dɛn bin fɔ de tot di oli tin dɛn we dɛn rɛspɔnsibul fɔ, na dɛn sholda.

Ditarɔnɔmi 31:9

Mozis rayt PAPA GƆD in lɔ gi Livay in bɔypikin dɛn we na di man dɛn we de mek sakrifays fɔ pipul sin, ɛn de tot di Ak ɔf di Kɔvinant. Ɛn i gi ɔl di bigman dɛn na Izrɛl dɛnsɛf.

1 Samiɛl 6:19

Bɔt PAPA GƆD mek sɛvinti man na Bɛth Shɛmɛsh day, bikɔs dɛn wach insay PAPA GƆD in ak. Di pipul dɛn sɔri bad we PAPA GƆD trit dɛn so.

1 Kronikuls 15:15

So di Livayt dɛn tot PAPA GƆD in Ak na dɛn sholda wit di pol dɛn, lɛk aw Mozis bin tɛl dɛn traŋa se PAPA GƆD in lɔ se dɛn fɔ du.

1 Kronikuls 23:26

So, di Livayt dɛm nɔ go gɛt fɔ de tot di tabanakul igen ɔ ɛni pan di tin dɛm we dɛn de yuz de”-

2 Kronikuls 3:14

Di vel we i mek na wit blu, mov ɛn rɛd matirial dɛm ɛn fayn linin dɛn; i drɔ Chɛryubim pan am.