Di Nɔmba Dɛm 33:54 - Krio Fɔs Oli Baybul

⁵⁴ Dɛn fɔ vot fɔ ebul sheb di land gud. Di big grup fɔ gɛt big ples as prɔpati ɛn di smɔl grup fɔ gɛt smɔl wan. Ɔlman fɔ tek wetin i gɛt we dɛn vot. Dɛn fɔ sheb am bay us Izrɛlayt fambul dɛn blant.

Di Nɔmba Dɛm 33:54 Referans Kwoze

Jɔshwa 18:11

We Jɔshwa bin de fɛnɔt udat fɔ gɛt usay, di fɔs fambul we gɛt land pan dɛn sɛvin fambul we nɔ bin gɛt land yet na di Bɛnjamin fambul; dɛn gɛt di land we de bitwin di Juda ɛn di Josɛf fambul na di sawt, ɛn di Ifrem ɛn Wɛst Manasɛ na di nɔth.

Di Nɔmba Dɛm 35:8

Di siti dɛn we una de gi di Livayt dɛn fɔ bi bay di prɔpati we di Izrɛlayt dɛn gɛt bay di fambul we dɛn blant, dat na fɔ tek plɛnti siti na di fambul we gɛt plɛnti in an ɛn sɔm nɔmɔ na di fambul we gɛt smɔl in an.

Jɔshwa 13:6

ɛn ɔl di pipul dɛn we de frɔm Libanɔn Mawnten te rich Misrɛfɔt-Maim. I se di Sidonian dɛnsɛf i go drɛb fɔseka Izrɛl. I tɛl Jɔshwa igen se i fɔ sheb di land gi di Izrɛlayt dɛn jɛs lɛk aw i bin tɛl an.

Jɔshwa 14:2

Dɛn bin balɔt fɔ sheb di land gi di nayn fambul ɛn af di Manasɛ fambul we mek nayn ɛn af bikɔs na so PAPA PAPA GƆD bin tɛl Mozis fɔ du.