Di Nɔmba Dɛm 33:53 - Krio Fɔs Oli Baybul

⁵³ Dɛn fɔ mek shɔ se dɛn mek di land bi dɛn yon ɛn sɛtul de bikɔs a dɔn gi dɛn di land fɔ bi dɛn yon.

Di Nɔmba Dɛm 33:53 Referans Kwoze

Ditarɔnɔmi 11:31

I se dɛn go gɛt fɔ krɔs Riva Jɔdan go kapchɔ di land we na PAPA GƆD we na dɛn PAPA GƆD bin dɔn gi dɛn, ɛn dɛn fɔ tek an fɔ dɛnsɛf ɛn tap de.

Jɔshwa 21:43

PAPA GƆD bin dɔn prɔmis di Izrɛlayt dɛn fɔstɛmpapa dɛm se in go gi dɛn di land ɛn ɔl wetin i bin prɔmis, I du so. Di Izrɛlayt dɛn dɔn gɛt di land to dɛnsɛf.

Ditarɔnɔmi 32:8

We PAPA GƆD Ɔlmayti gi neshɔn dɛn prɔpati, we i de sɛpret difrɛn difrɛn pipul dɛn, i sho ɔlman usay dɛn fɔ de akɔdin to aw di difrɛn fambul dɛn na Izrɛl plɛnti.

Matyu 20:15

A nɔ gɛt rayt fɔ du wetin a want wit mi mɔni? Na jɛlɔs una de jɛlɔs dɛn fɔ wetin a pe dɛn?’”

Daniɛl 4:32

ɛn dɛn go drɛb yu kɔmɔt usay mɔtalman dɛn tap, ɛn yu go tap wit dɛn animal na di fil; ɛn dɛn go mek yu it gras lɛk kaw; yu go de so fɔ sɛvin ia, te yu lan se PAPA GƆD we ay pas ɔl, de rul mɔtalman in kindɔm ɛn i de gi udat i wan gi.”

Daniɛl 4:25

Di lɔ se, dɛn go drɛb yu kɔmɔt usay mɔtalman dɛn tap, ɛn yu go tap wit di bist dɛn na di fil; yu go it gras lɛk kaw, ɛn di ali mɔnin smɔl smɔl wata we de fɔdɔm frɔm di klawd go sok yu; ɛn yu go de so fɔ sɛvin ia, te yu no se PAPA GƆD we ay pas ɔl de rul mɔtalman dɛn kindɔm ɛn i de gi am to udat i wan gi.

Daniɛl 4:17

Dis jɔjmɛnt ya, na di wachman dɛm, we na di oli wan dɛm, dɔn pas am wit di lɔ, so dat di wan dɛn we de alayv go no se PAPA GƆD we ay pas ɔl, de rul mɔtalman dɛn kindɔm, ɛn i kin gi udat i wan gi, ɛn sɛf, kin put di pɔsin we de dɔŋ na layf, pantap wanol kindɔm.

Di Sam Dɛm 115:16

Nain waŋren de usay i de na ɛvin, bɔt i lɛf di wɔl gi mɔtalman.

Ditarɔnɔmi 7:17

Mozis se lɛ dɛn at nɔ tɛl dɛn se bikɔs di ɔda neshɔn dɛn plɛnti pas dɛn, di ɔda neshɔn dɛn go ebul bit dɛn.

Ditarɔnɔmi 17:14

Mozis tɛl di Izrɛlayt dɛn se, in no se we dɛn go dɔn sɛtul na di land we PAPA GƆD we na dɛn PAPA GƆD go dɔn gi dɛn, dɛnsɛf go want dɛn yon kiŋ lɛkɛ di ɔda neshɔn dɛn we de nia dɛn.

Jɔshwa 23:5

I se PAPA GƆD bin dɔn prɔmis dɛn se in go kil ɔl dɛn ɛnimi dɛn ɛn gi dɛn di land, ɛn PAPA GƆD na PAPA GƆD we nɔ de lay; i go mɔs drɛb di pipul dɛn ɛn gi dɛn di Izrɛlayt dɛn di land.

Jɛnɛsis 15:7

PAPA GƆD tɛl Ebram se, “Na mi na di PAPA GƆD, we pul yu kɔmɔt Ɔ we de na Babilonia, ɛn a go gi yu dis land fɔ mek i go bi yu yon.”

Ditarɔnɔmi 3:18

Da sem tɛm de, Mozis bin tɛl dɛn se PAPA GƆD dɔn gi dɛn da land de fɔ dɛn yon prɔpati so dɛn fɔ go kapchɔ di land. I se ɔl di gud fɛt man dɛn fɔ go bifo go krɔs Riva Jɔdan rɛdi fɔ fɛt.

Jɔshwa 1:6

PAPA GƆD tɛl Jɔshwa se i fɔ tinap lɛkɛ man, bikɔs nain go gɛt fɔ de bifo di pipul dɛn fɔ go kapchɔ di land we in PAPA GƆD bin dɔn swɛ to dɛn fɔstɛm-papa dɛn se, in go gi dɛn.