Di Nɔmba Dɛm 32:33 - Krio Fɔs Oli Baybul

³³ So Mozis gi di Gadayt, di Rubɛnayt ɛn af ɔf Manasɛ we na Josɛf in pikin in fambul dɛn, di ples usay Sayɔn we na di Amɔrayt dɛn kiŋ ɛn di ples usay Ɔg we na kiŋ na Beshan wit ɔl di siti dɛn we de rawnd dɛn.

Di Nɔmba Dɛm 32:33 Referans Kwoze

Jɔshwa 12:6

Na Mozis we na bin PAPA GƆD in wokman ɛn di Izrɛlayt dɛn bin kɔnka dɛn. Mozis bin sheb di land gi di Rubɛnayt, di Gadayt ɛn af pan di Manasɛ fambul dɛn.

Jɔshwa 22:4

I tɛl dɛn se PAPA GƆD we na dɛn PAPA GƆD dɔn du wetin I bin se in go du; I dɔn ɛp dɛn brɔda dɛn gɛt dɛn land. I se as we Mozis bin dɔn gi dɛn land na di ist pat to Riva Jɔdan, dɛn kin go bak na dɛn yon land.

Ditarɔnɔmi 29:8

Dɛn bin tek dɛn land gi di Rubɛn fambul, di Gadayt ɛn af pan di Manasɛ fambul dɛn.

1 Kronikuls 26:32

Kiŋ Devid pik am ɛn in brɔda dɛm, tu tawzin sɛvin ɔndrɛd man dɛm we ebu Papa os edman dɛm fɔ bi supavaysɔ to di Rubɛnayt dɛm, di Gadayt dɛm, ɛn di Manasɛ af trayb fɔ ɛnitin we kɔnsan PAPA GƆD ɔ fɔ di kiŋ biznɛs.

1 Kronikuls 12:31

Pan di af trayb pan di Manasɛ fambul na etin tawzin, we na dɛn dɛn pik fɔ kam mek Devid kiŋ.

1 Kronikuls 5:18

Di Rubɛnayt, di Gadayt ɛn di af Manasɛ fambul bin gɛt man dɛm we nɔ de fred natin, man dɛn we de fɛt wit big shild ɛn sɔd, bo ɛn aros ɛn dɛn na mastasabi man dɛm pan wa. Na bin dɛn fɔti fo tawzin, sɛvin ɔndrɛd ɛn siksti, bin de rɛdi fɔ fɛt.

Di Nɔmba Dɛm 34:14

bikɔs di Rubɛnayt, di Gadayt ɛn af ɔf Manasɛ in fambul dɛn dɔn gɛt dɛn yon prɔpati.

Di Nɔmba Dɛm 32:1

Di Rubɛnayt ɛn di Gadayt dɛn we bin gɛt bɔku animal dɛn fɔ mɛn, si se Jezɛ ɛn Giliad na fayn ples dɛn fɔ dɛn animal dɛn fɔ de.

Di Nɔmba Dɛm 32:32

Dɛn se dɛn go krɔs oba go na Kenan go fɛt fɔ PAPA GƆD bɔt dɛn yon prɔpati go de usay dɛn de so.

Jɔshwa 12:1

Mozis bin dɔn tinap bifo dɛn fɔ go fɛt tu kiŋ na di ist pat to Riva Jɔdan ɛn kapchɔ ɔl dɛn land dɛn we kɔmɔt frɔm Anɔn Vali ɔp na Riva Jɔdan, te rich Mawnt Amɔn.

Jɔshwa 14:3

Mozis bin ɔlrɛdi dɔn gi land oba Riva Jɔdan to tu ɛn af fambul, bɔt i nɔ gi di Livay fambul natin pan di land.

Jɔshwa 22:7

Mozis bin dɔn gi di land na di ist to Riva Jɔdan to af pan di Manasɛ fambul, ɛn i bin gi di ɔda af pan di Manasɛ fambul togɛda wit ɔda trayb dɛn, di land na di wɛst pat to di Riva Jɔdan. Bifo dɛn go, Jɔshwa blɛs dɛn.

1 Samiɛl 13:7

sɔm ivin rɔnawe, krɔs Riva Jɔdan go na Gad ɛn Giliad. Sɔl lɛf na Gilgal ɛn ɔl di sojaman dɛn we bin de wit am bin de fred.

Di Nɔmba Dɛm 34:15

I se dɛn tu ɛn af fambul de dɔn gɛt dɛn yon prɔpati, ist pat na di Riva Jɔdan we yu de go usay di san de grap.