Di Nɔmba Dɛm 32:23 - Krio Fɔs Oli Baybul

²³ Mozis tɛl dɛn se if dɛn nɔ rɛdi fɔ du wetin dɛn se bɔt kɔntinyu fɔ sin bifo PAPA GƆD, dɛn fɔ no se dɛn go mɔs pe fɔ dɛn sin.

Di Nɔmba Dɛm 32:23 Referans Kwoze

Ayzaya 59:12

Bikɔs wi sin dɛn bɔku bifo yu, ɛn wi sin dɛn dɔn tɔk agens wi; bikɔs wi sin dɛn de wit wi, ɛn wi no wi sin dɛn:

Prɔvabs 13:21

Trɔbul nɔ de kɔmɔt biɛn bad pɔsin, bɔt bɛtɛ go fala di pɔsin we de waka tret na PAPA GƆD in yay.

Jɛnɛsis 44:16

Juda ansa se dɛn nɔ gɛt ɛnitin fɔ se. I se natin nɔ de we dɛn go du fɔ sho se dɛn nɔ tif in kɔp. I se na PAPA GƆD de pɔnish dɛn fɔ di bad dɛn we dɛn dɔn du. I se dɛn ɔl dɔn tɔn bak fɔ bi in slev dɛn, nɔto di wan nɔmɔ we dɛn fɛn di kɔp to.

Di Sam Dɛm 90:8

Wi sin dɛn de bifo yu. Yu de si dɛn ɛn ivin di wan dɛn we wi de tray fɔ ayd pan yu, yu de si dɛn ɔl.

1 Kɔrint 4:5

So una nɔ fɔ jɔj ɛnibɔdi bifo di rayt tɛm rich, dat na bifo di Masta kam. Dɛn tin we de na dak naw go kam na layt wande ɛn di Masta go mek ɔlman no wetin pipul bin de mekɔp na dɛn at fɔ du. Da tɛm de Gɔd go prez ɔl dɛn wan we fɔ gɛt prez.

Jɛnɛsis 4:7

If yu bin du wetin rayt, a nɔ bin fɔ tek yu sakrifays? Bɔt bikɔs yu nɔ du wetin rayt, sin de na yu domɔt de wet fɔ yu, bɔt yu fɔ tray nɔ fɔ kɔmit sin.”

Lɛta Fɔ Rom 2:9

Gɔd go mek ɔlman we de du bad, sɔfa ɔl kayn sɔfa, di Ju pipul ɛn dɛn pipul we nɔto Ju, dɛn ɔl go sɔfa if dɛn du bad.

Ayzaya 3:11

swɛ go fɔdɔm pan dɛm, dɛn wikɛd pipul. I go bad fɔ dɛm, bikɔs na wetin dɛn du dɛn go tɔn gi dɛm bak.

Di Sam Dɛm 140:11

Lɛ dɛn wan we jɛs de fɔ pwɛl pipul nɔ gɛt ples fɔ de, ɛn lɛ siriɔs trɔbul mit dɛn wan we lɛk fɔ atak pipul.

Di Sam Dɛm 139:11

If a se, a go ebul ayd we di ples dak, ɔ mek di layt nɔ shayn pan mi,

Jɛnɛsis 13:13

Di pipul dɛn we bin tap na Sɔdɔm bin wikɛd, ɛn bin de du bad bad tin we PAPA GƆD nɔ lɛk.

Jɔshwa 7:18

So Jɔshwa mek dɛn tinap bifo di ak wan bay wan ɛn na Ekan we na Zɛra in pikin we nem Zabdi, in yon pikin we nem Kami, PAPA GƆD bin pik.

Prɔvabs 5:22

Di bad tin we pɔsin de du na trap, ɛn na da vɛri trap de de kech am.

Jona 1:7

Ɔl di siman dɛn gri se fɔ luk grɔn mek dɛn go no udat mek dɛn de gɛt da kayn trɔbul de. We dɛn du am, i sho se na Jona mek wetin de bi, de bi.

2 Samiɛl 3:39

Devid se pan ɔl we nain na kiŋ, in nɔ ebul Zɛruaya in bɔypikin dɛn biznɛs. I se dɛn tu yaŋe yaŋe fɔ am bɔt pre se mek PAPA GƆD pe dɛn fɔ wetin dɛn de du.

1 Kiŋ 2:32

Di kiŋ se PAPA GƆD go pe Joab fɔ we i shɛd inosɛnt blɔd, bikɔs in papa Devid insɛf nɔ bin no se Joab go gɛt maynd fɔ atak tu ami kɔmanda dɛn ɛn kil dɛn, dat na Abna we na Nain bɔypikin we na bin kɔmanda fɔ di Izrɛl ami; ɛn Amasa we in na Jɛtha in yon bɔypikin, we insɛf na bin di kɔmanda fɔ Juda ami. I se dɛn bin bɛtɛ pas in di Joab.

1 Kiŋ 2:33

I se Abna ɛn Amasa dɛn sin go fɔdɔm na Joab in ed ɛn in jɛnareshɔn dɛn sote go. Bɔt as fɔ Devid ɛn in yon jɛnareshɔn ɛn in wanol famili, PAPA GƆD go mek pis de de sote go.

Prɔvabs 24:16

i lɛk ɔmɔs tɛm pɔsin we de waka tret na PAPA GƆD in yay fɔdɔm i de grap bak, bɔt wɛn bad pɔsin fɔdɔm, i nɔ de ɛva grap.