Di Nɔmba Dɛm 31:4 - Krio Fɔs Oli Baybul

⁴ I tɛl dɛn se ɔl di fambul dɛn na Izrɛl fɔ sɛn wan wan tawzin man fɔ go fɛt di wa.

Di Nɔmba Dɛm 31:4 Referans Kwoze

1 Samiɛl 14:6

Jonɛthan tɛl in bɔbɔ we kin tot in tin dɛn fɔ fɛt se lɛ dɛn go na dɛn ithɛn dɛn bes sɔntɛm PAPA GƆD go ɛp dɛn as PAPA GƆD de yuz bɔku pipul ɔ smɔl pipul if i wan fɔ ɛp pipul.

Di Jɔj Dɛm 7:2

PAPA GƆD tɛl Gidiɔn se nid nɔ de fɔ kɛr ɔl dɛn pipul dɛn de fɔ go fɛt di Midianayt dɛn, bikɔs we dɛn go win, dɛn go se na dɛn yon pawa ɛn trɛnk dɛn tek win; dɛn nɔ go prez in PAPA GƆD fɔ dat.

Lɛvitikɔs 26:8

Na fayv man nɔmɔ go win wan ɔndrɛd man, dɔn na wan ɔndrɛd man go win tɛn tawzin; ɔl dɛn ɛnimi dɛn we fɛt dɛn na wa go lɔs di wa.

Di Nɔmba Dɛm 31:3

So Mozis tɛl di pipul dɛn fɔ rɛdi dɛn wɛpɔn bikɔs sɔm pan dɛn de go fɛt di Midianayt dɛn fɔ sho se PAPA GƆD vɛks pan dɛn.

Di Nɔmba Dɛm 31:5

So na twɛlv tawzin man gɛda, wan wan tawzin frɔm ɔl di fambul dɛn na Izrɛl, wit ɔl dɛn wɛpɔn fɔ go fɛt di fɛt.