Di Nɔmba Dɛm 31:2 - Krio Fɔs Oli Baybul

² “Go fɛt di Midianayt dɛn fɔ wetin dɛn bin du di Izrɛlayt dɛn. Afta dat yu go day go mit yu pipul dɛn.

Di Nɔmba Dɛm 31:2 Referans Kwoze

Di Nɔmba Dɛm 27:13

We yu dɔn luk am dɔn, yusɛf go day lɛk yu brɔda, Erɔn,

Rɛvɛleshɔn 6:10

Dɛn bin de ala lawd wan se, “Masta, yu we yu pawa pas ɔl pawa, yu we tru ɛn yu we na yu wangren na Gɔd, aw lɔŋ igen wi fɔ wet bifo yu go jɔj dɛn pipul na wɔl ɛn pɔnish dɛn bikɔs dɛn bin kil wi?”

Di Jɔj Dɛm 2:10

We da jɛnareshɔn de day, di ɔda Jɛnareshɔn we kam nɔ bin no PAPA GƆD, ɛn dɛn nɔ bin no bɔt di wɔnda dɛn we i bin dɔn wok fɔ Izrɛl.

Rɛvɛleshɔn 19:2

I de tɔk tru ɔltɛm, ɛn i de jɔj tret! I dɔn kɔndɛm da fri uman we ɔlman no we in fri layf bin de pwɛl di wɔl, ɛn i dɔn mek i gɛt di pɔnishmɛnt we i fɔ gɛt bikɔs i bin kil dɛn wan we de wok fɔ Gɔd.”

Rɛvɛleshɔn 18:20

Mek ɔl dɛn wan we de na ɛvin gladi, mek ɔl Gɔd in pipul dɛn, in apɔsul dɛn, ɛn dɛn wan we de tɔk in mɛsej gladi bikɔs Gɔd dɔn pɔnish am fɔ di bad we i bin de du dɛn.

Di Ibru Pipul Dɛn 10:30

Wi no di pɔsin we se, “Na mi gɛt di rayt fɔ pɔnish pɔsin we de du bad, na mi go tɔn di bad gi am bak.” I tɔk igen se, “Gɔd we na di Masta go jɔj in pipul dɛn.”

Fɔs Lɛta Fɔ Tɛsalonayka 4:6

Wɛn i kam pan dis kayn tin, dat na, aw man fɔ biev to uman, i nɔ fɔ du in kɔmpin Kristiɛn bad. Wi bin dɔn wɔn una traŋa wan se Gɔd go pɔnish ɛnibɔdi we de du ɔl dɛn kayn tin ya.

Lɛta Fɔ Rom 13:4

Dɛn pipul we de rul, na Gɔd in wokman dɛn we de wok fɔ ɛp una. Bɔt if una du bad, una fɔ fred dɛn, bikɔs dɛn gɛt di pawa fɔ pɔnish una ɛn dɛn go pɔnish una. Dɛn tinap fɔ Gɔd we dɛn de jɔj ɛn pɔnish dɛn pipul we de du bad.

Lɛta Fɔ Rom 12:19

Mi padi dɛn, una nɔ fɔ tɔn bad gi ɛnibɔdi we du una bad, bɔt una fɔ lɛ Gɔd kɔndɛm di pɔsin. Dɛn rayt na Gɔd in Buk se, “Di Masta se, a go mek dɛn pipul we de du ɔda pipul bad, sɔfa fɔ di bad we dɛn de du.”

Apɔsul Dɛn Wok 13:36

Wɛn Devid dɔn du wetin Gɔd bin want am fɔ du, i day. Dɛn bɛr am klos in grampapa papa dɛn ɛn in bɔdi rɔtin.

Lyuk 21:22

bikɔs na di tɛm dat we Gɔd go pɔnish in pipul dɛn lɛkɛ aw dɛn prɔfɛt bin dɔn rayt.

Neum 1:2

PAPA GƆD want wi fɔ lɛk In nɔmɔ bikɔs i jɛlɔs bad; we i vɛks I kin pɔnish in ɛnimi dɛn. We i vɛks fɔ tru, i de dil wit ɔl udat ambɔg am.

Ayzaya 1:24

Fɔseka dat PAPA GƆD se, PAPA GƆD Ɔlmayti, di wan we de ay pas ɔlman na Izrɛl: “E! A go lus mi tɛmpa pan mi ɛnimi dɛn ɛn a go pe mi ɛnimi dɛn bak.

Di Jɔj Dɛm 16:24

We di pipul dɛn si Samsin, dɛn bigin prez dɛn gɔd ɛn de tɔk se, dɛn gɔd dɔn mek dɛn dɔn kech dɛn ɛnimi, di man we bin de nyakanyaka dɛn kɔntri ɛn dɔn kil dɛn bɔku.

Ditarɔnɔmi 32:35

Na mi gɛt rivɛnj ɛn na mi de pe pipul fɔ dɛn gud wok, fɔ di tɛm we dɛn go sket fɔdɔm; bikɔs di tɛm fɔ dɛn waala dɔn de rich, ɛn dɛn alaki wande kam lɛk briz.

Di Nɔmba Dɛm 31:3

So Mozis tɛl di pipul dɛn fɔ rɛdi dɛn wɛpɔn bikɔs sɔm pan dɛn de go fɛt di Midianayt dɛn fɔ sho se PAPA GƆD vɛks pan dɛn.

Di Nɔmba Dɛm 25:6

We dɛn ɔl de de na di Tɛnt usay dɛn kin mit PAPA GƆD in domɔt de kray bɔt wetin dɛn yɛri, nain wan Izrɛlayt man kɛr in Midianayt uman go insay in tɛnt.

Di Nɔmba Dɛm 20:26

Pul Erɔn in gawn ɛn wɛr am pan in bɔypikin Ɛlieza bikɔs na de Erɔn go day go mit in pipul dɛn.

Di Nɔmba Dɛm 20:24

“Erɔn go day na ya go mit in pipul dɛn. I nɔ go mas fut insay di land we a de gi di Izrɛlayt dɛn, bikɔs una ɔltu nɔ du wetin a tɛl una fɔ du we wata fɔ kɔmɔt na Mɛriba.

Ɛksodɔs 2:16

Wan man bi de Midian we bin de mek sakrifays fɔ pipul sin. I bin gɛt sɛvin gyal pikin. Dɛn bin go na di wɛl fut gɛt wata tɔn am na di dɛn papa in ship ɛn got dɛn de drink.

Jɛnɛsis 25:17

Ishmɛl ol wan ɔndrɛd ɛn tati-sɛvin ia we i day go mit in pipul dɛn.

Jɛnɛsis 25:8

Ebraam bin dɔn tɔn prɔpa olpa we i kik di bokit, dɔn dɛn bɛr am na dɛn famili grev.

Jɛnɛsis 15:15

Yusɛf go de te yu ol, bifo yu day, ɛn yu go day wit kolat.

Di Nɔmba Dɛm 25:1

Di tɛm we di Izrɛlayt dɛn bin tap na di Akeshia Vali, di man dɛn bigin gɛt biznɛs wit di Moabayt uman dɛn

Di Nɔmba Dɛm 31:1

Dɛn PAPA GƆD tɛl Mozis se,

Ditarɔnɔmi 4:22

I se in go gɛt fɔ de de tete in day bikɔs in nɔ fɔ krɔs Riva Jɔdan, bɔt se dɛn di pipul dɛn go krɔs Riva Jɔdan go kapchɔ di gud land;