Di Nɔmba Dɛm 30:2 - Krio Fɔs Oli Baybul

² I se PAPA GƆD se wɛn ɛni man de mek prɔmis to PAPA GƆD ɔ wɛn ɛni man de swɛ ɔ mek plɛj fɔ se in go du sɔntin, i fɔ kip in wɔd ɛn du ɔltin we i se i go du.

Di Nɔmba Dɛm 30:2 Referans Kwoze

Di Sam Dɛm 50:14

Una fɔ de tɛl mi tɛnki, na dat fɔ bi una sakrifays to mi, we na PAPA GƆD we gɛt pawa pas ɔl,

Di Sam Dɛm 116:14

Usay in pipul gɛda na de a go du wetin a prɔmis se a go du.

Job 22:27

We yu pre to am, i go yɛri yu; datɛnde yu go du wetin yu prɔmis am se yu go du.

Apɔsul Dɛn Wok 23:12

So wɛn do klin, sɔm Ju pipul dɛn mit ɛn mek bagin. Dɛn swɛ se dɛn nɔ go it ɛn dɛn nɔ go drink natin sote dɛn kil Pɔl.

Apɔsul Dɛn Wok 23:21

Bɔt yu nɔ fɔ lisin dɛn bikɔs dɛn gɛt pas fɔti pipul we dɔn ayd we want kil Pɔl. Dɛn dɔn rɛdi fɔ du dat naw naw, bɔt dɛn de wet fɔ yɛri wetin yu go se.”

Neum 1:15

Lɔd o! Na wi tɛm dɔn kam so. Sɔmbɔdi de pantap di mawnten de ala se di Asirian dɛn yon dɔn dɔn, so una fɔ kɔntinyu wit una sɛlibreshɔn ɛn gi PAPA GƆD wetin una bin dɔn se una go gi am bikɔs i go nyamanyama di Asirian ɛn dɛn nɔ go ambɔg una igen

Prɔvabs 20:25

Tink gud bifo yu prɔmis PAPA GƆD sɔntin, ɔ nɔ so yu go rigrɛt tumara.

Di Sam Dɛm 116:18

Usay in pipul gɛda, na de a go du wetin a prɔmis se a go du,

Di Sam Dɛm 55:20

Mi kɔmpin kɔmɔt biɛn in padi dɛn; i nɔ bisin fɔ brok di wanwɔd we dɛn bin gɛt.

Di Sam Dɛm 22:25

Yu gi mi rizin fɔ prez yu ɛn a go prez yu usay ɔlman de. Ɔl udat gɛt fred fɔ yu go si se a du wetin a se. A go mek di sakrifays dɛn to yu as a bin se.

Lɛvitikɔs 5:4

Ɔ if pɔsin jɛs grap swɛ se in go du bad tin ɔ gud tin, dɛn kayn swɛ dɛn we pɔsin kin jɛs swɛ ɛn nɔ tink, ɛn mɛmba leta se in bin swɛ, i gilti fɔ ɛni swɛ we i swɛ..

2 Kɔrint 1:23

Gɔd na mi witnɛs i no wetin de na mi at! Na bikɔs a nɔ bin want fɔ mek una fil bad mek a bin mekɔp nɔ fɔ go to una na Kɔrint.

Di Sam Dɛm 76:11

Una nɔ jɛs mek prɔmis to PAPA GƆD bɔt du wetin una se; lɛ ɔl dɛn ɔda neshɔn dɛn briŋ prɛzɛnt fɔ am. Na PAPA GƆD we fɔ fred,

Apɔsul Dɛn Wok 23:14

Dɛn go to dɛn bigman we de mek sakrifays fɔ pipul sin ɛn di ɔda Ju bigman dɛn; dɛn tɛl dɛn se, “Wi dɔn swɛ se wi nɔ go it ɛn wi nɔ go drink natin sote wi kil Pɔl.

Matyu 23:18

Una de lan pipul se, ‘If pɔsin swɛ to di ɔlta na Gɔd in Os, i nɔ bawn fɔ du wetin i swɛ se in go du; bɔt if i swɛ to di tin dɛn we pipul de gi fɔ Gɔd in wok, i bawn fɔ du wetin i swɛ se in go du.’

Matyu 23:16

“I go bad fɔ una; una tan lɛkɛ blɛnyay pipul we de sho ɔda pipul rod! Una de lan pipul se, ‘If pɔsin swɛ to Gɔd in Os, di swɛ nɔ fos am fɔ du wetin i swɛ se in go du; bɔt if i swɛ to di gold we de na Gɔd in Os, i bawn fɔ du wetin i swɛ se in go du.’

Di Sam Dɛm 119:106

A dɔn swɛ se a go du tin tret wan ɛn a go kip da prɔmis de.

Di Sam Dɛm 56:12

A dɔn prɔmis se a go mek sakrifays fɔ tɛl PAPA GƆD tɛnki ɛn a go mɔs du dat.

Di Jɔj Dɛm 11:39

We di tu mɔnt dɔn, Jɛftha in gyal pikin kam bak to am ɛn i du wetin i bin prɔmis PAPA GƆD se in go du. Jɛftha in gyal pikin nɔ no man te i day. Dat dɔn bi kɔstɔm na Izrɛl

Di Jɔj Dɛm 11:11

So Jɛftha go wit di bigman dɛn na Giliad ɛn di pipul dɛn go mek am dɛn rula. Na bifo PAPA GƆD na Mizpa, Jɛftha tɛl di pipul dɛn ɔl in lɔ dɛn.

Di Nɔmba Dɛm 30:10

I se, PAPA GƆD se, we uman tap na os wit in mared man ɛn mek prɔmis ɔ swɛ ɔ plɛj,

Di Nɔmba Dɛm 21:2

Dat mek Izrɛl mek prɔmis to PAPA GƆD. Dɛn swɛ se, if PAPA GƆD lɛ dɛn ebul dɛn, dɛn go dɔnawe wit di Kenanayt dɛn ɛn pwɛl dɛn siti dɛn kpatakpata.

Ɛksodɔs 20:7

“Una nɔ fɔ tek PAPA GƆD we na una GƆD in nem mek ple ple bikɔs PAPA GƆD nɔ go tek am layt wit ɛnibɔdi we tek in nem mek ple ple.

Di Sam Dɛm 15:3

i nɔ de pwɛl in kɔmpin in nem, du bad to am ɛn nɔ miks pan koŋosa,

Di Nɔmba Dɛm 32:24

Mozis tɛl dɛn fɔ mek di siti dɛn fɔ dɛn uman ɛn pikin dɛn ɛn bil os fɔ dɛn animal dɛn as dɛn bin dɔn prɔmis.