Di Nɔmba Dɛm 30:15 - Krio Fɔs Oli Baybul

¹⁵ If leta ɔn i chenj in maynd se i nɔ gri, nain fɔ blem fɔ we di uman nɔ kip to wetin i se.

Di Nɔmba Dɛm 30:15 Referans Kwoze

Lɛvitikɔs 5:1

We pɔsin sin, na dɛn tin ya fɔ bi. If ɛnibɔdi we dɛn aks fɔ go bi witnɛs go na kot fɔ gi ɛvidɛns, wɛda i si ɔ dɛn tɛl am, bɔt nɔ gri fɔ tɔk, da pɔsin de go bia wetin go apin to am.

Lɛta Fɔ Galeshya 3:28

Una ɔl we gɛt wanwɔd wit Jizɔs Krays dɔn bi wan: Ju pɔsin, pɔsin we nɔto Ju, slev, fribɔn, man ɛn uman; ɔl na wan bikɔs dɛn ɔl gɛt wanwɔd wit Krays.

Di Nɔmba Dɛm 30:12

If we di man yɛri, i put in fut dɔŋ ɛn se na magomago de kech am ɛn so in nɔ wan no, i nɔ go kip in prɔmis ɛn PAPA GƆD nɔ go mak di uman fɔ dat.

Di Nɔmba Dɛm 30:8

bɔt if we in man yɛri, i put in fut dɔŋ se di uman magomago, PAPA GƆD nɔ go mak am fɔ dat.

Di Nɔmba Dɛm 30:5

bɔt if we in papa yɛri, i tɔk pan am fɔ dat, dɛn ɔl wetin i se go bi fɔ natin; PAPA GƆD sɛf nɔ go mak am fɔ dat bikɔs in papa nɔ gri wit wetin i se.

Di Nɔmba Dɛm 30:14

Bɔt if di man nɔ se natin to am, dat sho se i gri wit am pan ɛni prɔmis we i mek. I de sho dis, we i nɔ se natin wɛn i yɛri bɔt dɛn.

Di Nɔmba Dɛm 30:16

Na dɛn lɔ ya, PAPA GƆD gi Mozis bɔt aw man fɔ de wit in wɛf ɔ aw papa fɔ trit in gyal pikin we stil tap nain os.