Di Nɔmba Dɛm 3:25 - Krio Fɔs Oli Baybul

²⁵ Na di Tɛnt usay dɛn kin mit PAPA GƆD, na di Gashɔnayt dɛn bin fɔ di sibɔt di Tɛnt ɛn di klos we de insay wit di wan we de na do, ɛn di doklos na di Tɛnt in domɔt usay dɛn kin mit PAPA GƆD.

Di Nɔmba Dɛm 3:25 Referans Kwoze

Ɛksodɔs 25:9

Yu fɔ mek am akɔdin to di plan we a go gi yu ɛn put ɔl wetin a se fɔ put de.

Fɔs Lɛta To Timoti 1:18

Timoti, mi pikin, a de fala dɛn mɛsej we Gɔd bin gi dɛn prɔfɛt bɔt yu, so dat wɛn yu yɛri dɛn yu go gɛt di maynd fɔ fɛt dis gud fɛt; dat na fɔ tap dɛn ticha we nɔ de lan pipul di tru tin. Na di wok dis we a gi yu fɔ du.

Lɛta Fɔ Kɔlɔse 4:17

Una tɛl Akipɔs se i fɔ si dat i du ɔl di wok we di Masta dɔn gi am fɔ du.

Mak 13:34

I go jɛs tan lɛkɛ we pɔsin de go patrol, i lɛf in os to in savant dɛn. I gi ɔlman in yon wok, dɔn i tɛl di wachman fɔ de wach.

2 Kronikuls 31:2

Ɛn Ɛzikaya mak aw di man we de mek sakrifays fɔ pipul sin ɛn Livayt dɛm fɔ divayd sɛkshɔn bay sɛkshɔn, ɔlman akɔdin to in wok di man we de mek sakrifays fɔ pipul sin ɛn di Livayt dɛm we fɔ bɔn ɔfrin, fo gi pis ɔfrin fɔ sav PAPA GƆD ɛn tɛn ɛn prez am na di get dɛn fɔ in kamp.

1 Kronikuls 23:32

Na so dɛn fɔ tek kia ɔf di tɛnt we dɛn de mit wit PAPA GƆD, ɛn di oli ples, ɛn dɛn go de ɛp Erɔn in bɔypikin dɛn fɔ du di wok na PAPA GƆD in os.

Di Nɔmba Dɛm 10:17

Dɛn skata di Tɛnt ɛn di Gashɔnayt ɛn Mɛrarayt dɛn tot am ɛn de biɛn dɛn.

Di Nɔmba Dɛm 7:7

I bin gi tu karej wit fo man kaw to di Gashɔnayt dɛn, bay di wok we dɛn gɛt fɔ du.

Di Nɔmba Dɛm 3:7

I se dɛn fɔ de wok fɔ Erɔn ɛn fɔ di wanol kɔmyuniti so di wok insay di Tɛnt usay dɛn kin mit am na dɛn go de du am.

Ɛksodɔs 40:28

I ɛŋ di klos na di Tɛnt in domɔt.

Ɛksodɔs 40:19

dɔn i prɛd di tin we fɔ kɔba di Tɛnt pantap, jɛs lɛkɛ aw PAPA GƆD bin dɔn tɛl am fɔ du.

Di Nɔmba Dɛm 1:50

bifo dat, i fɔ pik sɔm pan dɛn we go de inchaj ɔf di tɛnt we PAPA GƆD fɔ de, fɔ mek dɛn tek kia ɔf ɔltin we de insay de. Dɛn sɔpoz fɔ tot di tɛnt, wit ɔl wetin de insay am; tek gud kia ɔf am ɛn bil dɛn tɛnt dɛn rawnd am.

Di Nɔmba Dɛm 3:24

Di lida fɔ di Gashɔnayt dɛn na Ɛlayasaf we na Laɛl in bɔypikin.