Di Nɔmba Dɛm 28:3 - Krio Fɔs Oli Baybul

³ Tɛl dɛn se na di sakrifays dis we dɛn fɔ gi PAPA GƆD: ɛvride, dɛn fɔ gi tu yɔŋ manship we ol wan ia ɛn nɔ gɛt wan bɔt.

Di Nɔmba Dɛm 28:3 Referans Kwoze

Lɛvitikɔs 6:9

mek i tɛl Erɔn ɛn in bɔypikin dɛn wetin i se fɔ bi we dɛn de mek bɔn sakrifays. I se di bɔn sakrifays fɔ de na di faya ples na di ɔlta ol nɛt te do klin, ɛn di faya na di ɔlta fɔ de kech.

Rɛvɛleshɔn 13:8

Ɔl dɛn pipul na di wɔl go pre to di wayl bif, pas nɔmɔ if dɛn nem bin rayt na di Ship we dɛn kil, in buk. Bifo Gɔd mek di wɔl, nain dɛn pipul we gɛt layf sote go dɛn nem bin dɔn rayt na di Ship in buk.

Jɔn 1:29

Di ɔda de Jɔn si Jizɔs de kam, nain i se, “Luk di Pɔsin we Gɔd sɛn fɔ padin mɔtalman sin!

Daniɛl 12:11

Frɔm di tɛm we dɛn go pul di bɔn sakrifays we nɔ de tap, dat na di bad bad tin we dɛn du, go bi wan tawzin, tu ɔndrɛd ɛn naynti de.

Daniɛl 11:31

In ami dɛn go kam dɛsikret di tɛmpul ɛn di barik, ɛn go tap di bɔn sakrifays we nɔ de tap ɛn du tin we PAPA GƆD nɔ lɛk we go briŋ trɔbul.

Daniɛl 8:13

Nain a yɛri wan Oli Wande tɔk; ɛn wan ɔda Oli wan tɛl di wan we bin de tɔk se, “aw lɔŋ dis vishɔn ya bɔt di sakrifays we dɛn de bɔn ɔltɛm, ɛn di sin dɛn we de pwɛl at, ɛn di tek we dɛn dɔn tek di ples we dɛn de pre, ɛn aw dɛn de mas mas di man na os ɔnda dɛn fut?”

Di Ibru Pipul Dɛn 9:6

Afta dɛn dɔn rɛdi di ples lɛkɛ dat, di man dɛn we bin de mek sakrifays fɔ pipul sin kin go insay di fɔs ples ɔltɛm we dɛn de go du Gɔd in wok.

Lɛvitikɔs 3:5

Dɔn di man dɛn we de mek sakrifays fɔ pipul sin, go bɔn dɛn na di ɔlta wit di yuzhwal bɔn sakrifays we de pan di wud na di faya; na ɔfrin we fɔ mek na faya lɛ i go pul fayn sɛnt we go mek PAPA GƆD gladi.

Di Nɔmba Dɛm 28:4

Fɔ mek wan yɔŋ ship na mɔnin ɛn di ɔda wan ivintɛm

Di Nɔmba Dɛm 28:10

Ɛnitɛm we di de we mek sɛvin de kam, dat na di de fɔ blo, na dis dɛn fɔ de mek as sakrifays wit di nɔmal sakrifays we dɛn de bɔn ɔltɛm ɛn in drink sakrifays.

Di Nɔmba Dɛm 28:15

Apat frɔm di sakrifays we dɛn de bɔn ɔltɛm wit in drink sakrifays, dɛn fɔ gi PAPA GƆD wan man got we fɔ bi sin sakrifays

Di Nɔmba Dɛm 28:23

Ɔl dɛn sakrifays ya fɔ ad to di sakrifays we dɛn kin bɔn ɛvri mɔnin.

Di Nɔmba Dɛm 28:24

Na so dɛn go de mek di it we na sakrifays na faya fɔ di sɛvin de to PAPA GƆD we go pul fayn sɛnt we go mek i gladi.

Di Nɔmba Dɛm 28:31

Dɛn fɔ mek dɛn ɔl wit dɛn drink sakrifays ɛn dɛn fɔ ad to di nɔmal sakrifays we dɛn kin bɔn ɛvride ɛn di sid sakrifays. Dɛn fɔ mek shɔ se nɔn pan di animal dɛn nɔ gɛt bɔt.

Di Nɔmba Dɛm 29:6

Ɔl dis ad to di sakrifays we dɛn kin bɔn ɛvri mɔnt ɛn ɛvride wit di sid sakrifays ɛn drink sakrifays we dɛn fɔ mek. Dɛn na sakrifays we dɛn de mek to PAPA GƆD na faya fɔ lɛ i pul fayn sɛnt fɔ mek i gladi.

Di Nɔmba Dɛm 29:11

Dɛn fɔ put wan got de fɔ sin sakrifays plɔs di ɔda sin sakrifays we dɛn de tek fɔ beg padin. Ɔl fɔ ad to di sakrifays dɛn we dɛn de bɔn ɔltɛm wit dɛn sid sakrifays ɛn dɛn drink sakrifays.

Di Nɔmba Dɛm 29:16

Dɛn fɔ put wan man got de as sin sakrifays. Dat fɔ ad to di sakrifays we dɛn de bɔn ɔltɛm wit dɛn sid sakrifays ɛn dɛn drink sakrifays dɛn.

1 Kronikuls 16:40

fɔ de mek sakrifays we de bɔn na faya to PAPA GƆD ɔltɛm, mɔnin ɛn ivin, bay wetin rayt na di lɔ we PAPA GƆD dɔn tɛl Izrɛl traŋa wan se, dɛn fɔ du.

2 Kronikuls 8:13

bay aw ɛvride dyuti kɔlfɔ, fɔ de mek sakrifays as aw Mozis bin dɔn tɛl dɛn traŋa wan fɔ de du fɔ di de fɔ blo ɛn rɛst, di nyu mun, ɛn di tri ebri ia fɛstival,- di Pasova fɛstival, di Avɛst fɛstival ɛn di Bafa fɛstival.

Ɛzra 3:5

Dɔn igen dɛn mek di yuzhwal sakrifays we dɛn kin mek, dat na fɔ bɔn animal as sakrifays na faya ɛn di nyu mun fɛstival in yon sakrifays. Bak igen dɛn bin mek di ɔda sakrifays dɛn we dɛn bin de du ɛvri ia. Tɛm kin de we dɛn kin jɛs gi sakrifays to PAPA GƆD ɛnitɛm we dɛn fil fɔ.

Emɔs 4:4

“Una go na Bɛthɛl lɛ una go du mɔ bad; una go bak na Gilgal ɛn go du wetin pas dat. Una mek di sakrifays we una kin mek ɛvri mɔnin, dɔn una pe una tayth ɛvri tri de.

Daniɛl 8:11

I mek insɛf big lɛk di man na os; i ɔpoz di lida na di ami na ɛvin, tap di ɛvride sakrifays we dɛn de mek to PAPA GƆD ɛn briŋ disgres to PAPA GƆD in os.