Di Nɔmba Dɛm 28:26 - Krio Fɔs Oli Baybul

²⁶ “Wɛn dɛn de gi PAPA GƆD dɛn sakrifays, di de we dɛn avɛst di fɔs tin dɛn we gro, ɛn dɛn de mek fɛstival fɔseka dat, dɛn fɔ mek ɔlman gɛda ɛn du di tin dɛn we oli. Dɛn nɔ fɔ du nɔn wok, da de de.

Di Nɔmba Dɛm 28:26 Referans Kwoze

Ɛksodɔs 34:22

“Una fɔ sɛlibret di avɛst fɛstival wɛn una bigin avɛst wit, dɔn una sɛlibret di las fɛstival we di ia de dɔn we una kin avɛst una frut ɛn di balans tin dɛn we una plant.

Ɛksodɔs 23:16

Di sɛkɛn ɔlide na di wan we briŋ di fɔs tin dɛn we una avɛst. Dat na dɛn sid we una plant. Di las wan na di ɔlide fɔ avɛst una frut dɛn we kin mek una slip na bafa.

Lɛvitikɔs 23:10

mek i tɛl di Izrɛlayt dɛn se, wɛn dɛn rich na di land we i de gi dɛn, ɛn bigin avɛst di tin dɛn we dɛn plant, di fɔs bɔndul pan di bali we dɛn pul, na fɔ gi di man we de mek sakrifays fɔ pipul sin;

1 Kɔrint 15:20

Pan ɔl dɛn wɔd ya, di wan we tru, na di wɔd we pipul de tɔk se Gɔd dɔn mek Krays rayz frɔm di grev fɔs, fɔ sho wi se, fɔ tru, Gɔd go mek dɛn wan we dɔn day rayz frɔm dɛn grev.

Jems 1:18

Gɔd mek in wɔd we tru gi wi dis nyu layf lɛkɛ aw i want, so dat wi kin pas ɔl dɛn ɔda pipul we i mek we wi dɔn bi in yon pikin dɛn.

Di Nɔmba Dɛm 28:18

Di fɔs de, dɛn ɔl fɔ kam togɛda ɛn du tin dɛn we oli. Dɛn nɔ fɔ du dɛn nɔmal wok we dɛn kin du ɛvride.

Di Nɔmba Dɛm 28:27

Dɛn fɔ bɔn tu yɔŋ man kaw, wan man ship ɛn sɛvin yɔŋ man ship as sakrifays we fɔ pul fayn sɛnt we go mek PAPA GƆD gladi.

Di Nɔmba Dɛm 29:1

“Na di fɔs de pan di sɛvin mɔnt, dɛn ɔl fɔ kam gɛda we dɛn go du tin dɛn we oli. Dɛn nɔ fɔ du nɔn wok. Na de we dɛn fɔ blo trɔmpɛt dɛn nɔmɔ.

Ɛksodɔs 12:16

Di fɔs de pan di fɛstival ɛn di las de, ɔlman fɔ gɛda fɔ wɔship PAPA GƆD. Una nɔ fɔ du ɛni wok dɛn de de, pas nɔmɔ fɔ mek it fɔ una ɔl fɔ it.

Lɛvitikɔs 23:8

Fɔ di sɛvin de, dɛn fɔ de mek ɔfrin na faya to PAPA GƆD; fɔ gɛda fɔ wɔship am di de we mek sɛvin ɛn dɛn nɔ fɔ du dɛn nɔmal wok we dɛn kin du ɛvride.