Di Nɔmba Dɛm 28:11 - Krio Fɔs Oli Baybul

¹¹ Di fɔs de na ɛvri mɔnt na fɔ mek sakrifays. Di sakrifays fɔ bi tu yɔŋ man kaw, wan man ship ɛn sɛvin yɔŋ man ship we ol wan ia. Dɛn ɔl nɔ fɔ gɛt wan bɔt.

Di Nɔmba Dɛm 28:11 Referans Kwoze

Di Nɔmba Dɛm 10:10

Dɛn igen, ɛnitɛm we una gɛt gladi-gladi, dɛn tɛm we una kin gɛt ɔlide ɛn we una kin mek smɔl tin fɔ sɛlibret di Nyu Mun, una blo di trɔmpɛt dɛn we una de bɔn animal as sakrifays ɛn mek pis sakrifays, so dat a go de mɛmba una. Na mi na PAPA GƆD we na una GƆD.

Izikɛl 46:6

Di nyu mun de, i go ɔfa wan yɔŋ man kaw we nɔ gɛt ɛni bɔt, ɛn siks ship pikin, ɛn wan manship we nɔ gɛt ɛni bɔt.

Lɛta Fɔ Kɔlɔse 2:16

So una nɔ mek ɛnibɔdi tɛl una wetin una fɔ it ɔ wetin una fɔ drink; us pati kla de dɛn pan di ia fɔ pre to Gɔd; us de pan di mɔnt fɔ mek sɔntin fɔ mɛmba di nyu mun; us de pan di wik fɔ pre ɛn blo.

Ozie 2:11

Na so a go tek tɛm tap ɔl in ladida we i kin mek fɔ di ful mun fɛstival dɛn, di sɛvin de we na fɔ pre ɛn blo ɛn ɔl dɛn ɔda ɔlide dɛn.

Ɛzra 3:5

Dɔn igen dɛn mek di yuzhwal sakrifays we dɛn kin mek, dat na fɔ bɔn animal as sakrifays na faya ɛn di nyu mun fɛstival in yon sakrifays. Bak igen dɛn bin mek di ɔda sakrifays dɛn we dɛn bin de du ɛvri ia. Tɛm kin de we dɛn kin jɛs gi sakrifays to PAPA GƆD ɛnitɛm we dɛn fil fɔ.

2 Kronikuls 2:4

Una lisin, a de kam bil os fɔ ɔna PAPA GƆD we na mi Gɔd, in nem, ɛn dɛdiket am to am fɔ de bɔn insɛns dɛn we gɛt fayn sɛnt to am, ɛn fɔ de ɔfa bred we fɔ ɔfa to am, ɛn fɔ de mek bɔn sakrifays mɔnin ɛn ivin, di sabat de dɛm ɛn di nyu mun fɛstival dɛm, ɛn di fist dɛn we PAPA GƆD we na wi Gɔd dɔn pik, fɔ Izrɛl fɔ de mek, sote go.

1 Kronikuls 23:31

ɛn ɛnitɛm we dɛn de ɔfa bɔn sakrifays to PAPA GƆD, di oli de we dɛn kɔl de fɔ blo ɛn rɛst, dɛn nyu mun fɛstival ɛn di de dɛn we dɛn kin mek dɛn fist dɛn, bay ɔmɔs pipul dɛn go want, ɔltɛm bifo PAPA GƆD.

1 Samiɛl 20:5

Nain Devid tɛl am se, di nɛks de we na di Nyu Mun fɛstival, i fɔ de fɔ it wit di kiŋ so in go lɛk fɔ go ayd na di fil ɛn de de te ivintɛm na di de we mek tri.

Lɛta Fɔ Kɔlɔse 2:6

We una dɔn gri mek Jizɔs Krays bi una Masta, una fɔ gɛt wanwɔd wit am ɔltɛm.

Lɛta Fɔ Galeshya 4:10

Una gɛt sɔm de, ɛn mɔnt, ɛn ia we una de sɛlibret bikɔs una tink se Gɔd go satisfay wit una.

Emɔs 3:5

Bɔd de go na trap we dɛn nɔ sɛt fɔ kech am? Trap go fak fɔ kech we bif nɔ tɔch am?

Izikɛl 46:1

Na dis Papa Gɔd we na Gɔd se: di insay kɔt in get we fesin di ist go lɔk fɔ di siks de we dɛn de wok; bɔt i go opin di de fɔ blo ɛn rɛst, ɛn di de fɔ di nyu mun.

Ayzaya 66:23

Frɔm nyu mun to nyu mun, ɛn frɔm de fɔ blo ɛn rɛst to de fɔ blo ɛn rɛst, ɔlman go kam wɔship mi. Na so PAPA GƆD se.

Di Sam Dɛm 81:3

Blo di trɔmpɛt we mun ful, fɔ sho se tɛm dɔn rich fɔ bigin di sɛlibreshɔn;

Di Sam Dɛm 40:8

a de ɛnjɔy fɔ du wetin yu want a de kip yu lɔ na mi at so a go obe am.”

Di Sam Dɛm 40:6

Noto sakrifays ɛn ɔda tin dɛn yu want bɔt yu gi mi yes fɔ yɛri yu wɔd ɛn obe am; yu nɔ want dɛn animal we wi de bɔn to yu na ɔlta, ɛn ivin dɛn animal we wi de kil gi yu fɔ pul wi pan sin.

Nɛimaya 10:33

dis go mek bred de na di tebul; dɛn go ebul mek dɛn sakrifays we dɛn de pul gren ɛn dɛn sakrifays we na fɔ bɔn, fɔ dɛn sakrifays we dɛn kin mek di de we mek sɛvin we na fɔ blo, di Nyu Mun Fɛstival ɛn dɛn ɔda de dɛn we dɛn dɔn pik, fɔ dɛn sin sakrifays we na fɔ beg fɔ Izrɛl ɛn fɔ ɔl di ɔda tin dɛn we dɛn go gɛt fɔ de du na PAPA GƆD in os.

2 Kiŋ 4:23

Bɔt in man aks wetin mek i wan go to am da de de we nɔto di de fɔ pre ɛn blo ɛn nɔto di nyu mun ɔlide. Di uman ansa am se lɛ i nɔ wɔri bɔt dat.

Di Nɔmba Dɛm 28:19

Dɛn fɔ bɔn tu yɔŋ man kaw, wan man ship ɛn sɛvin yɔŋ man ship as sakrifays na faya to PAPA GƆD. Dɛn ɔl nɔ fɔ gɛt wan bɔt.

Lɛvitikɔs 1:3

If di animal we i de ɔfa, na pan di wan dɛn we i de mɛn, ɛn na bɔn i de bɔn am, i fɔ bi man wan we nɔ gɛt bɔt; na di Tɛnt we dɛn kin mit PAPA GƆD, in domɔt, dɛn fɔ ɔfa am so dat PAPA GƆD go gri fɔ tek am;

Lɛvitikɔs 1:9

bɔt dɛn go was in gɔt ɛn lɛg dɛn wit wata. Dɔn di man we de mek sakrifays fɔ pipul sin go bɔn am wanol wan; na bɔn sakrifays, na sakrifays we dɛn mek na faya ɛn i go pul fayn sɛnt we go mek PAPA GƆD gladi.

Lɛvitikɔs 1:13

bɔt fɔ was di gɔt ɛn di lɛg wit wata. Dɔn di man we de mek sakrifays fɔ pipul sin go bɔn di wanol wan na di ɔlta; na bɔn sakrifays, na sakrifays we dɛn mek na faya ɛn i go pul fayn sɛnt we go mek PAPA GƆD gladi.

1 Samiɛl 9:12

Dɛn ansa se i de bɔt dɛn tɛl dɛn fɔ ɔri as di Sia jɛs kam de bikɔs di pipul dɛn na di siti gɛt fɔ mek sakrifays da de de na di ples we dɛn kin go wɔship.

2 Kronikuls 8:13

bay aw ɛvride dyuti kɔlfɔ, fɔ de mek sakrifays as aw Mozis bin dɔn tɛl dɛn traŋa wan fɔ de du fɔ di de fɔ blo ɛn rɛst, di nyu mun, ɛn di tri ebri ia fɛstival,- di Pasova fɛstival, di Avɛst fɛstival ɛn di Bafa fɛstival.

Izikɛl 46:7

Fɔ di sirial ɔfrin i go gi wan ɛfa wit di man kaw, ɛn wan ɛfa wit di manship, ɛn ɔmɔs i ebul wit di ship pikin dɛm, togɛda wit wan tin ɔyl fɔ ich ɛfa.

Emɔs 8:5

Una kin tɔk na una at se ustɛm di nyu mun fɛstival go dɔn ɛn ustɛm di sabat de go dɔn lɛ una go bigin sɛl wetin una plant. Una kin de grɔmbul se mek di de mekes dɔn so dat una go bigin sɛl bak, we una go ova inchaj di pipul, kruk pan una mɛzhɔmɛnt ɛn rog una kostamɛnt dɛn,

2 Kronikuls 2:3

Ɛn Sɔlɔmɔn sɛn wɔd to Uram di kiŋ na Taya, Lɛk aw yu du fɔ mi papa ɛn sɛn sida tik fɔ am fɔ bil os fɔ insɛf fɔ tap insay, du so to mi.”

Di Sam Dɛm 81:4

na lɔ we PAPA GƆD gi Izrɛl di PAPA GƆD we wi papa Jekɔb bin de wɔship.