Di Nɔmba Dɛm 27:21 - Krio Fɔs Oli Baybul

²¹ I fɔ tinap bifo Ɛlieza we na di man we de mek sakrifays fɔ pipul sin dɔn in go yuz di Yurim ɛn aks PAPA GƆD wetin i want am fɔ du. Na we PAPA GƆD se dɛn fɔ go nain dɛn fɔ go ɛn we PAPA GƆD se dɛn fɔ kam, nain dɛn fɔ kam.

Di Nɔmba Dɛm 27:21 Referans Kwoze

1 Samiɛl 28:6

I aks PAPA GƆD wetin go bi bɔt PAPA GƆD nɔ ansa am. I nɔ yɛri PAPA GƆD in ansa na drim, we i yuz di Yurim ɛn Thumim ɛn di prɔfɛt dɛnsɛf nɔ se natin to am.

Jɔshwa 9:14

Bifo Jɔshwa dɛn aks PAPA GƆD wetin fɔ du, dɛn nɔ du dat; dɛn biliv dɛn ɛn grap go it pan di pipul dɛn tiŋs dɛn we dɛn kɛr go de.

Ɛksodɔs 28:30

Put di Yurim ɛn Thumim insay di pawch in pɔkit so dat dɛn go de na Erɔn in at we i de kam bifo PAPA GƆD. Erɔn fɔ de wɛr dis pawch ɔltɛm fɔ lɛ i go de no wetin PAPA GƆD mekɔp fɔ in pipul dɛn.

Nɛimaya 7:65

So di gɔvna tɛl dɛn se, dɛn nɔ fɔ it pan di sakrifays te wan ɔda man we de sakrifays fɔ pipul sin de, dɛn in go yuz di Yurim ɛn Thumim, dat na di tin dɛn we dɛn go yuz lɛkɛ udat de luk grɔn fɔ no wetin PAPA GƆD se bɔt dɛn.

Ɛzra 2:63

So di gɔvna tɛl dɛn se dɛn nɔ fɔ it pan di sakrifays te wan ɔda man de we de sakrifays fɔ pipul sin. In go yuz di Yurim ɛn Thumim, dat na di tin we dɛn kin yuz lɛkɛ yu de luk grɔn.

1 Samiɛl 30:7

Devid tɛl Abiata we na di man we de mek sakrifays fɔ pipul sin ɛn na Abimɛlɛk in bɔypikin fɔ briŋ di ifɔd. Abiata kɛr am go gi am,

1 Samiɛl 23:9

We Devid yɛri se Sɔl de plan bad fɔ am, i tɛl Abiata we na man we de mek sakrifays fɔ pipul sin fɔ kɛr di ifɔd go to am.

Di Jɔj Dɛm 20:23

So dɛn go bifo PAPA GƆD go kray te ivintɛm. Nain dɛn aks PAPA GƆD if dɛn fɔ go fɛt di Bɛnjaminayt dɛn we na dɛn brɔda dɛn bak. PAPA GƆD tɛl dɛn se dɛn fɔ go fɛt dɛn.

Di Jɔj Dɛm 20:18

Di Izrɛlayt dɛn go Bɛtɛl go aks PAPA GƆD se, us wan pan di fambul dɛn fɔs fɔ go atak di Bɛnjamin fambul. Nain PAPA GƆD tɛl dɛn se na di Juda fambul fɔs fɔ atak di Bɛnjamin fambul.

Di Jɔj Dɛm 1:1

Afta Jɔshwa day, di Izrɛlayt dɛn aks PAPA GƆD se uswan pan di fambul dɛn fɔs fɔ go atak di Kenanayt dɛn.

Ditarɔnɔmi 33:8

I tɔk bɔt di Livay fambul dɛn se, Mek PAPA GƆD gi di Livay fambul dɛn in Thumim ɛn in Yurim to di wan dɛn we dɛn at de to am gud gud wan Yu mek dɛn pas ɔlkayn trɔbul na Masa fɔ si uskayn pipul dɛn bi ɛn yu bin si dɛn na Mɛriba se dɛn na pipul dɛn we lɛk yu.

Di Nɔmba Dɛm 27:17

sɔmbɔdi we go kɛr dɛn go usay fɔ go ɛn briŋ dɛn kam usay dɛn fɔ de so dat PAPA GƆD in pipul dɛn nɔ go tan lɛk ship we nɔ gɛt udat de mɛn am.

Lɛvitikɔs 8:8

I put di pawch we na pɔkit insay di gawn we nainsay de dɛn gɛt fɔ put di Yurim ɛn Thumim

Di Nɔmba Dɛm 27:5

So Mozis tɛl PAPA GƆD bɔt dɛn kes

Di Nɔmba Dɛm 27:20

Gi am sɔm pan di pawa we yu gɛt so dat di wanol Izrɛlayt kɔmyuniti go du wetin i tɛl dɛn fɔ du.

Di Nɔmba Dɛm 27:22

Mozis du wetin PAPA GƆD se. I mek Jɔshwa tinap bifo Ɛlieza, we na di man we de mek sakrifays fɔ pipul sin ɛn di wanol kɔmyuniti.

1 Samiɛl 14:19

As Sɔl bin de tɔk to Aija, di nɔys na di Filistin dɛn kamp bin jɛs de lawd mɔ ɛn mɔ, so Sɔl tɛl Aija mek i nɔ wes in tɛm.

2 Samiɛl 21:1

Di tɛm we Devid na bin kiŋ, bad bad aŋri fɔdɔm na Izrɛl fɔ tri gud ia; dis mɔna Devid so i pre ɛn aks PAPA GƆD wetindu. PAPA GƆD tɛl am se na bikɔs Sɔl bin kil bɔku Gibiɔnayt so in ɛn in fambul dɛn de sɔfa fɔ dat.

Malakay 2:7

PAPA GƆD Ɔlmayti se, man we de mek sakrifays fɔ pipul sin fɔ de tɔk tin we go gi pipul sɛns, ɛn pipul fɔ de go to am fɔ advays.

Di Nɔmba Dɛm 27:2

Wande dɛn go mit Mozis ɛn Ɛlieza we na man we de mek sakrifays fɔ pipul sin, wit di bigman dɛn na Izrɛl na di Tɛnt usay dɛn kin mit PAPA GƆD in domɔt usay ɔlman de.

Ditarɔnɔmi 31:3

I se na PAPA GƆD we na dɛn PAPA GƆD insɛf go de bifo dɛn fɔ krɔs oba Riva Jɔdan, ɛn i go kil ɔl di neshɔn dɛn we de oba Riva Jɔdan, so dɛn go tek ɔl dɛn land; na Jɔshwa go bi dɛn lida datɛnde, jɛs lɛk aw PAPA GƆD bin dɔn se.