Di Nɔmba Dɛm 27:17 - Krio Fɔs Oli Baybul

¹⁷ sɔmbɔdi we go kɛr dɛn go usay fɔ go ɛn briŋ dɛn kam usay dɛn fɔ de so dat PAPA GƆD in pipul dɛn nɔ go tan lɛk ship we nɔ gɛt udat de mɛn am.

Di Nɔmba Dɛm 27:17 Referans Kwoze

Izikɛl 34:5

So dɛn bin skata skata bikɔs nɔn shɛpad nɔ bin de; ɛn dɛn bin kam bi it fɔ dɛn wayl bist dɛn.

Mak 6:34

Wɛn Jizɔs kɔmɔt insay di bot, i mit bɔku pipul de wet fɔ am; Jizɔs sɔri fɔ dɛn, bikɔs dɛn bin jɛs de lɛkɛ ship we nɔ gɛt pɔsin fɔ mɛn dɛn, so i bigin fɔ lan dɛn plɛnti tin.

1 Kiŋ 22:17

Maykaya ansa di kiŋ se in si ɔl di Izrɛlayt dɛn skata skata pantap dɛn mawnten lɛkɛ ship we nɔ gɛt pɔsin fɔ gayd dɛn; na de PAPA GƆD tɛl dɛn se dɛn nɔ gɛt gud lida so lɛ ɔlman go bak nain os.

Matyu 9:36

Wɛn Jizɔs si di krawd, i sɔri fɔ dɛn, bikɔs dɛn bin kɔnfyus ɛn dɛn nɔ bin ebul fɔ ɛp dɛnsɛf, jɛs lɛkɛ dɛn ship we nɔ gɛt shɛpad fɔ mɛn dɛn.

Zɛkaraya 10:2

Dɛn man we de lukgrɔn de tɔk nɔnsɛns, na soso lay ful dɛn man dɛn we biliv se dɛn de tɔk to dɛn god; di wan dɛn we de drim de drim laylay drim, ɛn de gi laylay intapritteshɔn. Dat de mek di pipul jɛs de go lɛk we kayt kɔt. Dɛn de gɛt prɔblɛm bikɔs nɔbɔdi nɔ de fɔ lid dɛn.

2 Kronikuls 1:10

Gi mi sɛns ɛn sabi fɔ rul dɛn pipul ya, bikɔs udat go ebul rul dɛn yu pipul we plɛnti so wit in yon sɛns nɔmɔ?”

Ditarɔnɔmi 31:2

I bin tɛl dɛn se in dɔn ol wan ɔndrɛd ɛn twɛnti ia da de de, ɛn i nɔ gɛt da trɛnk de igen lɛk fɔstɛm. I tɛl dɛn igen se PAPA GƆD we na dɛn PAPA GƆD bin tɛl am se, i nɔ go gri mek in Mozis krɔs Riva Jɔdan.

1 Kiŋ 3:7

“E PAPA GƆD we na mi PAPA GƆD! Yu dɔn mek yu savant bi kiŋ nain papa Devid in ples. Bɔt mi na smɔl pikin ɛn a nɔ sabi aw fɔ du di wok.

1 Samiɛl 18:13

Dis mek i pul Devid kɔmɔt nia am. I mek Devid kɔmanda ɛn gi am wan tawzin man fɔ de kɔmand so Devid bin gɛt fɔ de go fɛt.

1 Samiɛl 8:20

Wisɛf wan tan lɛk ɔda kɔntri we gɛt kiŋ fɔ rul dɛn so nain go lid wi fɔ go fɛt.”

Pita In Fɔs Lɛta 2:25

Una bin tan lɛkɛ ship we dɔn lɛf fɔ fala di man we de mɛn dɛn, so dɛn nɔ sabi rod igen, bɔt naw Gɔd dɔn briŋ una kam bak to di pɔsin we de mɛn una ɛn we de gyad una mek natin bad nɔ mit una.

Jɔn 10:9

Mi na di get. Ɛnibɔdi we pas tru mi fɔ go insay, go sev; di pɔsin go fri fɔ kam insay ɛn kɔmɔt na do fɔ go fɛn ɔl wetin i nid fɔ gɛt fɔ in layf.

Matyu 15:24

Jizɔs ansa se, “Na to dɛn pipul na Izrɛl we tan lɛkɛ dɛn ship we lɔs, na to dɛn nɔmɔ Gɔd sɛn mi.”

Matyu 10:6

Bɔt una go to dɛn pipul na Izrɛl, we tan lɛkɛ ship we dɔn lɔs.

Zɛkaraya 13:7

PAPA GƆD Ɔlmayti se, di sɔd dɛn fɔ rɛdi fɔ fɛt in lida dɛn we fɔ de wok wit am. I se we dɛn ambɔg di lida dɛn, di pipul dɛn go rɔnawe go ɔlɔbɔt, dɔn na di lili wan dɛn i go ebul dil wit.

2 Kronikuls 18:16

Maykaya ansa di kiŋ se in si ɔl di Izrɛlayt dɛn skata skata pantap dɛn mawnten lɛkɛ ship we nɔ gɛt pɔsin fɔ gayd dɛm; na de PAPA GƆD tɛl dɛn se dɛn nɔ gɛt lida, so lɛ ɔlman go bak nain os wit kolat.

2 Samiɛl 5:2

Dɛn se ivin we Sɔl na bin dɛn kiŋ, na Devid bin de lid dɛn sojaman dɛn fɔ go fɛt ɛn PAPA GƆD tɛl am se nain go gɛt fɔ lid di Izrɛlayt dɛn ɛn bi dɛn kiŋ.

2 Kiŋ 11:8

I se ɔlman fɔ de rawnd di kiŋ wit in wɛpɔn nain an we i de go ɔp ɛn dɔŋ, ɛn if ɛnibɔdi go nia dɛn, dɛn fɔ kil am. I se dɛn fɔ de nia di kiŋ ɛnisay we i de go.