Di Nɔmba Dɛm 26:65 - Krio Fɔs Oli Baybul

⁶⁵ Bikɔs PAPA GƆD bin dɔn tɛl dɛn se dɛn go mɔs day na di ɛmti land we pɔsin nɔ go ebul tap; so nɔn nɔ bin lɛf pas Kelɛb we na Jɛfunɛ in bɔypikin ɛn Jɔshwa we na Nɔn in yon bɔypikin.

Di Nɔmba Dɛm 26:65 Referans Kwoze

Di Nɔmba Dɛm 14:38

Pan ɔl di man dɛn we bin go wach aw di land tan, na Jɔshwa we na Nɔn in bɔypikin ɛn Kelɛb we na Jɛfunɛ in bɔypikin nɔmɔ nɔ day.

Lɛta Fɔ Rom 11:22

Dat fɔ mek una si aw Gɔd gud, bɔt igen aw i kin ol pɔsin wit traŋa an. Gɔd kin ol dɛn pipul we bin biliv bɔt we dɔn tap fɔ biliv ɛn bigin du bad, wit traŋa an, bɔt i go gud to una if una stil de du dɛn tin we go mek i sho una aw i gud; bɔt if una nɔ du dɛn tin de, Gɔd go kɔt unasɛf kɔmɔt pan insɛf.

Di Nɔmba Dɛm 14:35

Na mi PAPA GƆD dɔn tɔk ɛn a go mɔs du wetin a se to dɛn bad pipul ya we dɔn plan fɔ ambɔg mi. Dɛn go day wan bay wan na dis ɛmti land we pɔsin nɔ go ebul tap we dɛn rich dɛn Watalo. Lɔnta.

Jud In Lɛta 1:5

Una bin no se, Gɔd we na di Masta bin pul di Izrɛl pipul dɛn kɔmɔt na Ijipt, bɔt aftawɔd i kil dɛn wan we nɔ bin biliv, bɔt a want mɛmba una bak bɔt dat naw. Ɛn igen a want mɛmba una bɔt

Ɛksodɔs 12:37

Di Izrɛlayt dɛn waka bay fut frɔm Ramisis sote dɛn go na Sɔkɔt. Di Izrɛlayt dɛn we waka na bɔt siks ɔndrɛd tawzin man dɛn apat frɔm di uman ɛn pikin dɛn.

Di Nɔmba Dɛm 14:26

PAPA GƆD tɔk to Mozis ɛn Erɔn

Di Nɔmba Dɛm 14:32

Bɔt fɔ dɛn, na di ɛmti land we pɔsin nɔ go ebul tap dɛn dedebɔdi go le.

Di Nɔmba Dɛm 27:3

Dɛn tɛl am se dɛn papa day na di ɛmti land we pɔsin nɔ go ebul tap, bɔt nɔto bin wan pan Kora in kɔmpin dɛn we jɔyn gɛŋ fɔ mek rebɛl pan PAPA GƆD. Dɛn se dɛn papa day fɔ in yon sin ɛn nɔ lɛf ɛni bɔypikin.

Di Nɔmba Dɛm 34:19

Na di nem dɛn dis: Kelɛb we na Jɛfunɛ in bɔypikin fɔ kɔmɔt na Juda in fambul layn;

Ditarɔnɔmi 1:36

pas Kelɛb we na Jɛfunɛ in bɔypikin, bikɔs in rɛspɛkt am ɛn de du ɔl wetin i se, so nain ɛn in jɛnareshɔn dɛn in go gi ɔl usay we i bin dɔn go na di land.

Jɔshwa 5:4

Jɔshwa bin sakɔmsayz ɔl di man dɛn bikɔs, ɔl di man dɛn we dɛn bin sakɔmsayz, day na rod insay di fɔti ia we dɛn tek na rod na di ɛmti ples we pipul nɔ go ebul tap we dɛn bin kɔmɔ Ijipt.

Di Sam Dɛm 37:9

Di bad pɔsin go day insay in bad, bɔt udat put in op pan PAPA GƆD, go gɛt di land we i prɔmis.