Di Nɔmba Dɛm 26:64 - Krio Fɔs Oli Baybul

⁶⁴ Nɔn pan dɛn nɔ bin de di tɛm we Mozis ɛn Erɔn, di man we bin de mek sakrifays fɔ pipul sin, bin kɔnt di Izrɛlayt na di ɛmti land we pɔsin nɔ go ebul tap na Saynay.

Di Nɔmba Dɛm 26:64 Referans Kwoze

Di Ibru Pipul Dɛn 3:17

Udat na di pipul dɛn we Gɔd bin vɛks pan fɔ fɔti ia? Gɔd bin vɛks pan dɛn pipul we bin sin ɛn dɛn bin day na di dɛzat.

1 Kɔrint 10:5

Bɔt pan ɔl dat, Gɔd nɔ bin satisfay wit plɛnti pan dɛn, so di tɛm kam we dɛn dedebɔdi bin skata na di dɛzat.

Di Nɔmba Dɛm 14:29

na dis ɛmti land we pɔsin nɔ go ebul tap ya, dɛn dedebɔdi go le wans di pɔsin dɔn twɛnti ia ɔ dɔn pas twɛnti ia, we dɛn bin kɔnt ɛn we dɔn grɔmbul pan mi.

Di Nɔmba Dɛm 14:32

Bɔt fɔ dɛn, na di ɛmti land we pɔsin nɔ go ebul tap dɛn dedebɔdi go le.

Di Nɔmba Dɛm 26:63

Ɔl dɛn pipul ya na di wan dɛn we Mozis ɛn Ɛlieza di man we de mek sakrifays fɔ pipul sin, kɔnt we dɛn bin de na di flat grɔn na Moab nia Jɔdan, we yu krɔs kɔmɔt Jɛriko.

Di Nɔmba Dɛm 27:3

Dɛn tɛl am se dɛn papa day na di ɛmti land we pɔsin nɔ go ebul tap, bɔt nɔto bin wan pan Kora in kɔmpin dɛn we jɔyn gɛŋ fɔ mek rebɛl pan PAPA GƆD. Dɛn se dɛn papa day fɔ in yon sin ɛn nɔ lɛf ɛni bɔypikin.

Jɔshwa 5:4

Jɔshwa bin sakɔmsayz ɔl di man dɛn bikɔs, ɔl di man dɛn we dɛn bin sakɔmsayz, day na rod insay di fɔti ia we dɛn tek na rod na di ɛmti ples we pipul nɔ go ebul tap we dɛn bin kɔmɔ Ijipt.