Di Nɔmba Dɛm 25:2 - Krio Fɔs Oli Baybul

² we kin de kɔl dɛn fɔ go na di sakrifays we dɛn bin de mek to dɛn yon gɔd dɛn. Di Izrɛlayt dɛn kin it ɛn ivin pre to dɛn gɔd dɛn de.

Di Nɔmba Dɛm 25:2 Referans Kwoze

1 Kɔrint 10:20

Dɛn nɔto ɛni bɛtɛ tin. A de tɛl una se wetin dɛn dɔn sakrifays to dɛn tin we mɔtalman mek fɔ pre to, na dɛbul dɛn de gi, nɔto Gɔd, ɛn a nɔ want mek una jɔyn wit dɛbul.

Ɛksodɔs 20:5

Una nɔ fɔ butu to ɛni lay lay gɔd fɔ wɔship am bikɔs mi GƆD we na una PAPA GƆD, a nɔ want wan rayval. A kin mek pikin, grampikin, gret ɛn gret gret grampikin dɛn sɔfa fɔ dɛn papa dɛn sin fɔ we dɛn et mi;

Ozie 9:10

PAPA GƆD se lɛk aw greps go gro na di ɛmti land we pɔsin nɔ go ebul tap, na so Izrɛl bin tan we i fɛn am. Ɛn lɛk aw di fɔs frut na fig tik kin rɔtin di fɔs tɛm we i bɔn, na so i bin si dɛn fɔstɛm-papa dɛn. Bɔt na so dɛnsɛf bin go na Mawnt Peɔ, go nɔnsɛns dɛnsɛf ɛn gi dɛnsɛf to Beal we mek PAPA GƆD et dɛn bad bad wan

Di Sam Dɛm 106:28

Dɛn put waala pan dɛnsɛf we dɛn grap go jɔyn di pegan dɛn gɔd Beal na Piɔ ɛn it di sakrifays it dɛn we dɛn de pul to dɛn gɔd dɛn we nɔ gɛt layf;

Jɔshwa 22:17

Dɛn aks dɛn se if di bad bad sin we dɛn bin kɔmit to PAPA GƆD we dɛn ɔl bin de na Pɛɔ we PAPA GƆD bin pɔnish dɛn bad bad wan we ɔlman fil an nɔ du fɔ lan dɛn lɛsin,

Rɛvɛleshɔn 2:14

Bɔt sɔm tin dɛn de we a blem una fɔ, sɔm pan una de du dɛn tin we Belam bin tɛl pipul fɔ du; na Belam bin sho Belak aw fɔ trap di Izrɛl pipul dɛn mek dɛn sin. I bin mek dɛn it it we dɛn bin dɔn gi dɛn tin we mɔtalman mek fɔ pre to, ɛn i mek dɛn wan we bin dɔn mared, liv fri layf.

1 Kiŋ 19:18

A dɔn kip sɛvin tawzin pipul dɛn na Izrɛl we nɔ wande wɔship Beal ɔ kis in lay lay gɔd.”

Jɔshwa 23:16

Jɔshwa se if dɛn lɛf di Kɔvinant we dɛn mek wit PAPA GƆD we na dɛn PAPA GƆD ɛn go wɔship ɔda gɔd dɛn, PAPA GƆD go vɛks bad bad wan ɛn mek dɛn ɔl day kɔmɔt na di gud land we i dɔn gi dɛn.

Jɔshwa 23:7

so dat dɛn nɔ go miks dɛnsɛf wit da neshɔn we lɛf wit dɛn. Dɛn nɔ fɔ wɔship dɛn gɔd dɛn ɔ tek dɛn nem fɔ swɛ ɔ ivin kɔl dɛn nem na dɛn mɔt,

Ditarɔnɔmi 32:38

we bin de it di fat na dɛn sakrifays dɛm, ɛn drink di wayn we dɛn kin mek drink ɔfrin?’ Lɛ dɛn grap ɛp una naw nɔ, lɛ dɛn protɛkt una.

Ɛksodɔs 23:24

Una nɔ fɔ butu to dɛn gɔd dɛn fɔ wɔship dɛn, ɛn una nɔ fɔ falamakata dɛn fɔ de wɔship lɛkɛ aw dɛn de wɔship. Una pwɛl pwɛl dɛn gɔd dɛn ɛn brok di ston pila dɛn we dɛn mek fɔ wɔship dɛn gɔd.

Ɛksodɔs 22:20

“Ɛnibɔdi we ɔfa sakrifays to ɛni gɔd apat frɔm mi PAPA GƆD we na PAPA GƆD, fɔ day.

Ɛksodɔs 32:6

Di pipul dɛn grap ali mɔnin di nɛks de ɛn bɔn animal as sakrifays ɛn ɔfa ɔda sakrifays fɔ pis; dɔn dɛn sidɔm naw fɔ it ɛn drink ɛn de mek lɔv.

Jɛrimaya 40:11

Semweso, wɛn ɔl di Ju dɛm we bin de na Moab, ɛn di wan dɛn we bin de wit dɛn Amɔnite dɛm, ɛn di wan dɛn na Idɔm ɛn ɔda say, yɛri se di kiŋ na Babilɔn dɔn lɛf sɔm pipul na Juda, ɛn dɔn pik Gɛdalaya we na Aikam in bɔypikin Shafan in grampikin fɔ bi Gɔvna oba dɛm,

Mayka 6:5

Mi pikin dɛn, una mɛmba wetin Belak, di kiŋ na Moab bin plan fɔ una ɛn aw Belam we na Beɔ in bɔypikin bin ansa am. Una mɛmba wetin bin apin na rod we una kɔmɔt Akesia fɔ go Gilgal. If una ebul mɛmba dɛn tin ya, una go mɛmba wetin PAPA GƆD du fɔ sev una.”