Di Nɔmba Dɛm 25:13 - Krio Fɔs Oli Baybul

¹³ Sote go, in ɛn in jɛnareshɔn go bi man dɛn we go de mek sakrifays fɔ pipul sin dɛn bikɔs i gɛt maynd nɔ fɔ gi mi bad nem ɛn so i ebul beg fɔ mek a padin di Izrɛlayt dɛn.

Di Nɔmba Dɛm 25:13 Referans Kwoze

Di Ibru Pipul Dɛn 2:17

Na dat mek, i bin tan lɛkɛ aw in brɔda dɛn tan pan ɔltin, so dat i go sɔri fɔ dɛn ɛn wok fɔ Gɔd wit ɔl in at, lɛkɛ di edman we de mek sakrifays fɔ pipul sin, we i bi, so dat i go padin ɔl Gɔd in pipul dɛn sin.

Pita In Fɔs Lɛta 2:5

Una fɔ tan lɛkɛ ston we gɛt layf ɛn una fɔ mek Gɔd tek una bil di os we in Spirit de bil, na de una go mek sakrifays to Gɔd. Una go de du Gɔd in wok nɔmɔ, dat na fɔ de mek dɛn sakrifays we Gɔd in Spirit tɛl una fɔ mek, we go mek Gɔd satisfay fɔseka di wok we Jizɔs Krays dɔn du.

Jɛrimaya 33:22

Lɛkɛ aw pɔsin nɔ go ebul kɔnt di tin dɛn we de ɔp di klawd, ɛn lɛk aw pɔsin nɔ go ebul kɔnt di sansan na di si, na so a go mɔltiplay Devid we na mi wokman, in disɛndant dɛm, ɛn di Lɛvitikal man we de mek sakrifays fɔ pipul sin dɛn we de minista to mi, dɛn disɛndant dɛn.”

Jɛrimaya 33:18

ɛn di Lɛvitikal man we de mek sakrifays fɔ pipul sin dɛn nɔ go ɛva de dɛn nɔ gɛt pɔsin bifo mi fɔ mek bɔn sakrifays, sid ɔfrin ɛn fɔ de mek sakrifays sote go.”

Di Sam Dɛm 106:31

Pipul go de mɛmba dis tin ya we Finɛas du sote go.

Ɛksodɔs 40:15

dɔn yu anɔynt dɛn lɛkɛ aw yu anɔynt dɛn papa, fɔ lɛ dɛnsɛf go de sav mi as man dɛn we de mek sakrifays fɔ pipul sin. Dɛn ɛn dɛn jɛnareshɔn na dɛn go de sav mi te go.”

Rɛvɛleshɔn 1:6

ɛn i dɔn mek wi kam ɔnda Gɔd in rul ɛn bi pipul we de mek sakrifays to Gɔd we nain Papa. Jizɔs Krays gɛt ɔna ɛn pawa sote go. Emɛn.

Jɔn In Fɔs Lɛta 2:2

Na bikɔs Krays sakrifays insɛf mek Gɔd de padin wi sin dɛn, ɛn nɔto wi yon sin dɛn nɔmɔ Gɔd de padin, i de padin ɔlman sin.

Pita In Fɔs Lɛta 2:9

Bɔt una na lɛkɛ wan neshɔn, Gɔd dɔn pik una, una na pipul we de mek sakrifays to Gɔd ɛn we de wok fɔ Gɔd we na una Kiŋ; una na neshɔn we dɔn gi unasɛf to Gɔd, una na Gɔd in yon pipul dɛn we i pik fɔ tɔk bɔt di wɔndaful wok dɛn we i de du. Na Gɔd pul una kɔmɔt na dak briŋ una kam nain wɔndaful layt.

Di Ibru Pipul Dɛn 7:11

Lɔntɛm Gɔd bin put di Lɔ na Mozis in an fɔ gi di Izrɛl pipul dɛn, da tɛm de sɔm pan Livay in fambul dɛn na bin man dɛn we de mek sakrifays fɔ pipul sin na Izrɛl. If dɛn man lɛkɛ Erɔn we bin de mek sakrifays fɔ pipul sin, bin ebul wok fɔ mek ɔl wetin Gɔd want bi, natin nɔ bin fɔ mek ɛni ɔda man we de mek sakrifays fɔ pipul sin kam, we go du di sem kayn wok we Mɛlkizidɛk insɛf bin du.

Jɔn 2:17

Di lanin bɔy dɛn mɛmba wetin Gɔd in Buk se, “O Gɔd, a de day wit di lɛk we a lɛk yu os, i dɔn so grip mi dat i nɔ go lɛf mi igen.”

Ayzaya 61:6

Bɔt dɛn go kɔl una PAPA GƆD in man we de mek sakrifays fɔ pipul sin dɛm, pipul dɛn go tɔk bɔt una se una na wi GƆD in minista dɛm; una go it di neshɔn dɛn jɛntri, ɛn una go ɛnjɔy insay dɛn jɛntri.

Di Sam Dɛm 69:9

Di lɛk we a lɛk yu os dɔn tɔn bon na mi trot ɛn ɔl di kɔs we dɛn de kɔs yu de tɔn pan mi.

1 Kiŋ 19:14

I ansa se in bin gɛt bɔku zil fɔ PAPA GƆD we na PAPA GƆD Ɔlmayti in wok. I se di Izrɛlayt dɛn dɔn brok di Kɔvinant wit PAPA GƆD ɛn di ɔlta, ɛn kil in prɔfɛt dɛn, dɔn in waŋren we lɛf dɛn de fɛt fɔ kil insɛf.

1 Kiŋ 19:10

I ansa se in bin gɛt bɔku zil fɔ PAPA GƆD we na PAPA GƆD Ɔlmayti in wok. I se di Izrɛlayt dɛn dɔn brok di Kɔvinant wit PAPA GƆD ɛn di ɔlta, ɛn kil in prɔfɛt dɛn; dɔn in waŋren lɛf ɛn dɛn de fɛt fɔ kil insɛf.

2 Samiɛl 21:3

Devid aks di Gibiɔnayt dɛn wetin i fɔ du fɔ dɛn fɔ kol dɛn at so dat dɛn ɛn di Izrɛlayt dɛn we na PAPA GƆD in pipul go de lɛk wan.

1 Samiɛl 2:30

Di man we de tɔk fɔ PAPA GƆD se, na dat mek PAPA GƆD we na di PAPA GƆD we Izrɛl de wɔship se in bin dɔn se na Ilaɛl in famili ɛn dɛn jɛnareshɔn go bi di man dɛn we de mek sakrifays fɔ pipul sin te go, bɔt in de se i nɔ gɛt fɔ bi so igen, bikɔs na udat sho rɛspɛkt fɔ am, i go rɛspɛkt, bɔt udat de lili am, insɛf nɔ go bisin bɔt am.

Jɔshwa 7:12

I se dat mek Izrɛl sɛf dɔn tɔn tin we fɔ nyakanyaka we mek dɛn gɛt fɔ de rɔn pan dɛn ɛnimi dɛm. PAPA GƆD se in nɔ go de ɛp dɛn igen pas dɛn nyakanyaka di tin dɛn we dɛn tek na Jɛriko we de insay dɛn kamp.

Di Nɔmba Dɛm 16:46

Dɔn Mozis tɛl Erɔn mek i tek in pɔt fɔ bɔn insɛns, put insɛns insay wit faya we kɔmɔt na di ɔlta ɛn rɔn go to di pipul dɛn go beg PAPA GƆD fɔ padin dɛn sin. I tɛl am se PAPA GƆD dɔn bigin fɔ sho aw i vɛks ɛn bad bad sik dɔn bigin we go kil di pipul dɛn.

Ɛksodɔs 32:30

Di nɛks de Mozis tɛl di pipul dɛn se dɛn dɔn sin bad bad wan to PAPA GƆD, so in de go ɔp di mawnten bak to PAPA GƆD. I se sɔntɛm PAPA GƆD go fɔgiv dɛn sin.

Di Sam Dɛm 119:139

A kin brok zil, bikɔs mi ɛnimi dɛn nɔ bisin bɔt di lɔ.

1 Kiŋ 2:27

Sɔlɔmɔn sak Abiata pan di wok as man we de mek sakrifays fɔ pipul sin. Ɔl dis bi fɔ lɛ wetin PAPA GƆD bin se kam tru. I bin tɔk na Shaylo to Ilaɛl se in jɛnareshɔn nɔ go wok fɔ am igen as man dɛn we de mek sakrifays fɔ pipul sin.

Ɛksodɔs 29:9

Na so yu fɔ du fɔ Ɔden Erɔn ɛn in bɔypikin dɛn. Dɛn ɛn dɛn jɛnareshɔn dɛn fɔ de sav mi as man dɛn we de mek sakrifays fɔ pipul sin te dɛn day.

Di Nɔmba Dɛm 16:47

So Erɔn du wetin Mozis se ɛn rɔn go midul di pipul dɛn. Di bad bad sik fɔ kil dɛn bin dɔn bigin bɔt Erɔn gi PAPA GƆD di insɛns ɛn beg am fɔ padin di pipul dɛn sin dɛn.

Di Nɔmba Dɛm 25:14

Di Izrɛlayt we i kil wit di Midianayt uman nem Zimray. In na Salu in bɔypikin ɛn lida fɔ di Simiɔnayt fambul.

Nɛimaya 13:29

PAPA GƆD, duya, mɔs mɛmba se na dɛn man ya we de mek sakrifays fɔ pipul sin pwɛl wetin dɛn bin dɔn swɛ se dɛn go du, dɛn wok ɛn dɛn Livayt dɛn.

Malakay 2:8

I se bɔt di man dɛn we de mek sakrifays fɔ pipul sin, dɔn lɛf wetin dɛn fɔ du, dɛn dɔn lɛ pipul dɛn rɔŋ PAPA GƆD wit dɛn advays, ɛn dɔn nɔnsɛns di Kɔvinant we Livay bin mek.

Lɛvitikɔs 15:15

ɛn in naw go gi dɛn fɔ sakrifays, wan fɔ sin ɔfrin ɛn di ɔda wan fɔ di bɔn ɔfrin; dɔn i go beg PAPA GƆD fɔ padin am fɔ di wata we i de pul insay am.

Di Nɔmba Dɛm 17:12

Di Izrɛlayt dɛn tɛl Mozis se dɛn ɔl go day. Dɛn se dɛn dɔn fɔdɔm.