Di Nɔmba Dɛm 24:7 - Krio Fɔs Oli Baybul

⁷ Dɛn go ebul ful dɛn bokit dɛn wit wata; ɛn di sid dɛn we dɛn plant go gɛt beberebe wata. Dɛn kiŋ dɛn go tɔf pas Egag; dɔn dɛn go gɛt mɔ ples fɔ rul.

Di Nɔmba Dɛm 24:7 Referans Kwoze

1 Kronikuls 14:2

Devid si se PAPA GƆD dɔn mek am kiŋ oba Izrɛl, ɛn in kindɔm bin gɛt ay rɛspɛkt fɔseka in pipul, Izrɛl.

2 Samiɛl 5:12

Dat mek Devid biliv se fɔ tru tru PAPA GƆD dɔn mek i sidɔm as kiŋ fɔ Izrɛl ɛn dɔn mek i de rul fayn fɔseka PAPA GƆD yon pipul we na di Izrɛlayt dɛn.

Rɛvɛleshɔn 17:1

Wɛn ɔl dat dɔn, wan pan di sɛvin enjɛl dɛn we bin ol wan pan di sɛvin kɔp dɛn, kam tɔk to mi, i se, “Kam, mek a go sho yu aw dɛn go pɔnish da uman we liv fri layf we ɔlman no; di uman na da tɔŋ we dɛn bil klos dɛn plɛnti riva.

Jɛrimaya 51:13

Ey, yu we tap nia bɔku riva dɛm, yu we jɛntri bad bad wan, yu yon dɔn dɔn, di trɛd we ol yu layf dɔn kɔt.

Rɛvɛleshɔn 19:16

Wan nem bin rayt pan in klos ɛn pan in lɛg, dat na “Kiŋ we de rul oba ɔl dɛn kiŋ, ɛn Masta oba ɔl dɛn masta.”

Rɛvɛleshɔn 17:15

Di enjɛl tɛl mi igen se, “Dɛn wata we yu si di uman we liv fri layf sidɔm pan, na ɔl dɛn difrɛn difrɛn kɔntri, ɛn ɔl dɛn difrɛn difrɛn pipul, wayt ɛn blak, we de tɔk ɔl dɛn difrɛn difrɛn laŋwej.

Rɛvɛleshɔn 11:15

Dɛn di enjɛl we mek sɛvin blo in trɔmpɛt. Na de a yɛri plɛnti vɔys de tɔk lawd wan na ɛvin se, “Na Gɔd we na wi Masta ɛn Mɛsaya we i sɛn kam na dis wɔl dɔn gɛt di pawa naw fɔ rul, ɛn i go rul sote go!”

Jɔn 1:49

Natanyɛl se, “Ticha, yu na Gɔd in Pikin! Yu na di Kiŋ na Izrɛl!”

Daniɛl 2:44

Ɛn dɛn tɛm dɛn de we di kiŋ dɛn go de rul, PAPA GƆD na ɛvin go briŋ in yon kindɔm we nɔ go ɛva fɔdɔm, ɛn in pawa nɔ go go na ɔda pipul an; ɛn I go brok ɔl dɛn kindɔm we bin dɔn de bifo am pyɛt pyɛt, ɛn dɔn dɛn kpatakpata wan; in go tinap sote go;

Ayzaya 48:1

Lisin dis, yu Jekɔb in os, yu we dɛn de kɔl Izrɛl, we Juda na yu dadi, we de swɛ wit PAPA GƆD in nem ɛn se yu biliv pan di Gɔd na Izrɛl, bɔt nɔ bin de tɔk tru ɔ wetin rayt.

Ayzaya 9:7

Fɔ in gɔvamɛnt in bɛtɛ wan ɛn fɔ kol at, dat go de sote go, na Devid in tron ɛn nain kindɔm, fɔ bigin di kindɔm ɛn mek i tinap wit jɔstis ɛn fɔ waka tret wit PAPA GƆD, frɔm naw, sote go. Na PAPA GƆD Ɔlmayti in pawa go du dat.

Ayzaya 2:2

Di tɛm go kam we di mawnten na PAPA GƆD in os go bi di mawnten we ay pas ɔl dɛn mawten dɛm ɛn go ay pas ɔl dɛn il dɛm, ɛn ɔlman go go de,

Di Sam Dɛm 68:26

Una prez PAPA GƆD na di grup we una de! Una prez PAPA GƆD usay ɔlman na Izrɛl gɛda.

Di Sam Dɛm 18:43

Yu sev mi frɔm dɛn wan we nɔ de yɛri mi wɔd ɔda pipul de lisin to mi fɔrina dɛn ɔl de obe mi.

Ɛzra 4:20

Jerusɛlɛm bin dɔn gɛt pawaful kiŋ dɛn we bin de rul te rich to di wɛst pat na Riva Yufretis, ɛn dɛn bin de pe taks, dyuti ɛn ɔda mɔni dɛn to am.

1 Kiŋ 4:21

Sɔlɔmɔn rul ɔl di kindɔm dɛn frɔm Riva Yufretis, to Filistia te rich na di bɔda fɔ go Ijipt. Ɔl dɛn kɔntri ya bin de ɔnda Sɔlɔmɔn ɛn bin de pe taks to am ɔl di tɛm we i bin de rul.

Di Nɔmba Dɛm 24:20

We Belam si Amalɛk, i se “Pan ɔl dɛn neshɔn dɛn na Amalɛk na di fɔs wan; bɔt nain go pwɛl pas dɛn ɔl

Di Sam Dɛm 89:27

I se, in PAPA GƆD, go trit Devid lɛk in fɔs-bɔy-pikin we gɛt ɔlkayn rayt, i go mek am fɔ pas ɔl dɛn ɔda kiŋ na dis wɔl.

1 Kiŋ 5:1

Kiŋ Ayrɛm na Taya na bin Devid in gud, gud padi. Wɛn i yɛri se dɛn dɔn anɔynt Sɔlɔmɔn fɔ tek in papa Devid in ples as kiŋ, i sɛn in ambasedɔ dɛn to am.

Ɛsta 3:1

Leta ɔn Kiŋ Zaksis promot Eman, di Agagayt man we na Amadetha in bɔypikin. I mek am bɔs fɔ ɔl di ɔda bigman dɛn we de wit am.

Di Sam Dɛm 72:11

Dɛn ɔl ɛn dɛn pipul na di wanol wɔl go kam baw to di Kiŋ ɛn rɛdi fɔ du wetin i want.

Ayzaya 30:25

Ɛn pan ɔl dɛn ay ay mawnten ɛn ɔl dɛn ay il, watasay dɛn go de we wata de rɔn, di de we dɛn go kil bɔku pipul, we di tawa dɛn go fɔdɔm.