Di Nɔmba Dɛm 24:6 - Krio Fɔs Oli Baybul

⁶ Dɛn fiba we gadin kin de na di ɛj na watasay lɛk alo tik we na PAPA GƆD plant am ɔ lɛk sida tik we de gro nia watasay.

Di Nɔmba Dɛm 24:6 Referans Kwoze

Di Sam Dɛm 1:3

Dis kayn man tan lɛkɛ we yu plant tik nia watasay, we de bia frut in rayt tɛm ɛn in lif dɛn nɔ de wida. I go bɛtɛ pan ɔl wetin i de du.

Ayzaya 58:11

Ɛn PAPA GƆD go gyad yu ɔltɛm, ɛn satisfay yu at wit gud tin dɛn, ɛn go mek yu bon dɛn tɔŋ; ɛn yu go tan lɛk gadin we dɛn de wata, lɛk wata we de bɔs kɔmɔt ɔnda grɔn, we in wata nɔ de dray.

Di Sam Dɛm 104:16

Di sida tik na Libanɔn, na PAPA GƆD insɛf plant am ɛn i de wata am gud.

Joɛl 3:18

Da de de, di mawnten dɛnsɛf go gɛt wayn bɔku ɛn di il dɛn go gɛt bɔku milk, ɔl di watasay dɛn na Juda go gɛt bɔku wata; ɛn wata sɛf go bɔs insay PAPA GƆD in os fɔ wata di Shitim Vali.

Izikɛl 47:12

Ɛn ɔl kayn tik dɛn we de provayd it fɔ it, go gro pan di bank dɛm, pan di tu say pan di riva. Dɛn lif nɔ go wida, ɛn dɛn nɔ go tap fɔ bia frut bɔt dɛn go bia frɛsh frut ɛvri mɔnt, bikɔs di wata we de wata dɛm de flo frɔm di ples we dɛn de pre to PAPA GƆD. Dɛn frut dɛn na fɔ it ɛn dɛn lif dɛn na fɔ mɛn udat sik.

Jɛrimaya 31:12

Dɛn go kam ɛn siŋ lawd lawd wan na di mawnten dɛn na Zayɔn, dɛn go gladi fɔseka di gud tin dɛn we PAPA GƆD de du fɔ dɛm, fɔseka di rɛs, di wayn ɛn di ɔyl, ɛn fɔseka di pikin ship ɛn kaw; dɛn layf go tan lɛkɛ gadin we dɛn dɔn wata, ɛn dɛn nɔ go lɛf to dɛnsɛf igen.

Jɛrimaya 17:18

Le dɛn wan dɛm we du mi bad, shem, bɔt nɔ mek a shem; le dɛn kɔnfyus; bɔt nɔ mek a kɔnfyus; lɛ di de fɔ ivul kam pan dɛm; ɛn nyakanyaka dɛn dɔbul!

Ayzaya 41:19

A go put sida, akeshia, matul ɛn ɔliv tik dɛn, na di dray ɛn ɛmti ples; A go put sayprɛs, plen ɛn payn tik dɛn togɛda na di dray ɛn ɛmti ples we pipul nɔ go ebul tap;

Sɔlɔmɔn In Siŋ Dɛm 6:11

A go go dɔŋ na di fam we dɛn plant almɔnd tik, fɔ si if dɛn plant dɛn de bɔs na di vali, fɔ si if di greps dɛn dɔn bigin bia, ɛn if di pomigranet dɛn dɔn de kɔmɔt.

Di Sam Dɛm 45:8

Yu klos dɛn ɔl de smɛl swit wit pafyum dɛn we dɛn mek wit Ma, Alo ɛn Kasia; pipul we de na say we dɛkɔret wit ayvri de ple myuzik we de mek yu fil fayn.

Jɛnɛsis 13:10

So Lɔt es in ed ɔp ɛn luk rawnd. I si se di flat grɔn na Jɔdan, sote go Zoa bin fayn ɛn gɛt plɛnti wata lɛkɛ da ples we PAPA GƆD mek fɔ Adam ɔ lɛkɛ di land na Ijipt. Dis na bifo PAPA GƆD dɔnawe wit Sɔdɔm ɛn Gomɔra.

Di Nɔmba Dɛm 24:5

Luk we di tɛnt dɛn we Izrɛl in jɛnareshɔn dɛn de fayn!