Di Nɔmba Dɛm 24:17 - Krio Fɔs Oli Baybul

¹⁷ A de si am, bɔt nɔto naw: a de luk am, bɔt i de fa. Wan sta go kɔmɔt na Izrɛl in jɛnareshɔn ɛn i go bi kiŋ na Izrɛl. I go bit di Moabayt lida dɛn ɛn brok dɛn wan we de kak dɛn fɛda dɔŋ.

Di Nɔmba Dɛm 24:17 Referans Kwoze

Rɛvɛleshɔn 22:16

“Mi, Jizɔs dɔn sɛn mi enjɛl go tɛl una dɛn tin ya fɔ mek una tɛl dɛn Kristiɛn na dɛn chɔch. Mi na wan pan Devid in grampikin pikin dɛm ɛn mi na di mɔnin sta we de shayn brayt.”

Jɛnɛsis 49:10

Juda, kiŋ wok nɔ go kɔmɔt biɛn yu, yu jɛnareshɔn dɛn go rul te rich to di wan we mek dɛn bi kiŋ. Ɔl di ɔda neshɔn dɛn go obe am.

Rɛvɛleshɔn 11:15

Dɛn di enjɛl we mek sɛvin blo in trɔmpɛt. Na de a yɛri plɛnti vɔys de tɔk lawd wan na ɛvin se, “Na Gɔd we na wi Masta ɛn Mɛsaya we i sɛn kam na dis wɔl dɔn gɛt di pawa naw fɔ rul, ɛn i go rul sote go!”

Rɛvɛleshɔn 1:7

A de tɛl una se na midul klawd i go kam ɛn ɔlman go si am; dɛn pipul sɛf we bin chuk am go si am; pipul na ɔl dɛn kɔntri ɛn dɛn wan we de tɔk dɛn difrɛn difrɛn laŋwej na wɔl go sɔri bikɔs i de kam. Na so i go bi fɔ tru! Emɛn.

Pita In Sɛkɛn Lɛta 1:19

Dat mek wi biliv mɔ ɛn mɔ ɔl wetin dɛn prɔfɛt bin dɔn tɔk. I go gud if una tek dɛn wɔd ya lɛkɛ se dɛn na layt we de shayn na dak ples, ɛn mek da layt de shayn insay una at we bin dak, sote di big de kam, ɛn sote di mɔnin sta kam shayn insay una at.

Zɛkaraya 10:4

I se na pan dɛn i go pik lida dɛn we i go at fɔ du witawt dɛn bikɔs dɛn go trɔŋ lɛk di pɛg we de ol tɛnt, dɛn go fiba bo we dɛn de tek fɛt ɛn sɔm pan dɛn go bi kiŋ.

Di Sam Dɛm 45:6

We PAPA GƆD dɔn put yu fɔ rul, i tan lɛk nainsɛf de rul na fɔ sote go; yu dɔn de rul yu pipul fia wan ɛn di tik sɛf we yu de ol de sho dat.

Lyuk 1:78

Gɔd dɔn sɔri fɔ wi; i go mek di ali mɔnin san kam pan wi.

Di Ibru Pipul Dɛn 1:8

Bɔt wɛn Gɔd tɔk bɔt in Pikin, i se, “O Gɔd, yu go rul sote go! Ɛn yu de rul di rayt we.

Jud In Lɛta 1:11

Trɔbul de bifo dɛn! Na Ken in fut dɛn de fala ɛn fɔseka mɔni dɛn de mek di sem mistek we Belam bin mek, dɛn go day lɛkɛ aw Kɔra bin day wɛn i tɔn pan di wan we bin de oba am.

1 Kronikuls 18:2

Ɛn i bit Moab, ɛn di Moabayt dɛm tɔn Devid in slev dɛn, ɛn dɛm ɛn pe taks to am.

2 Samiɛl 8:2

Devid win di Moabayt dɛnsɛf. I mek di Moabayt dɛn lidɔm bay layn dɔn i kil tu pam tri na di layn te i dɔn. Leta ɔn, ɔl di Moabayt dɛn we Devid nɔ kil tɔn bɔy fɔ am ɛn de gi am ɛnitin we i aks fɔ.

Zɛkaraya 12:10

I se in go gi Devid in os ɛn ɔl udat de na Jerusɛlɛm, sɔri-at fɔ de pre fɔ pipul so dat wɛn dɛn luk di wan we dɛn chuk, dɛn go sɔri fɔ am lɛk aw mama de sɔri fɔ in waŋren pikin, ɛn kray bita kray pan am lɛk aw mama de kray pan in fɔs pikin.

Jɛrimaya 48:45

“Pipul dɛn we de rɔnawe de sidɔm nia Ɛshbɔn ɛlplɛs wan; bikɔs faya dɔn kɔmɔt na Ɛshbɔn, faya we kɔmɔt na Siɔn in os; i dɔn nyakanyaka Moab in fɔrɛd, we na bɔypikin dɛn we de kɔz kɔnfyushɔn, dɛn krawn.

Ayzaya 9:7

Fɔ in gɔvamɛnt in bɛtɛ wan ɛn fɔ kol at, dat go de sote go, na Devid in tron ɛn nain kindɔm, fɔ bigin di kindɔm ɛn mek i tinap wit jɔstis ɛn fɔ waka tret wit PAPA GƆD, frɔm naw, sote go. Na PAPA GƆD Ɔlmayti in pawa go du dat.

Ayzaya 15:1

Wetin PAPA GƆD se go apin to Moab. Bikɔs dɛn go ɛmti A go insay wan nɛt bɛtɛ nɔ go de fɔ Moab igen; bikɔs dɛn go ɛmti Kir insay wan nɛt bɛtɛ nɔ go de fɔ Moab igen

Di Sam Dɛm 110:2

PAPA GƆD go mek yu rul ɔda ples dɛn we nɔ de na Zayɔn; yu go tinap pantap yu ɛnimi dɛn ed.

2 Kiŋ 3:5

Bɔt wɛn Eab day, di kiŋ na Moab bigin barɔf pan di kiŋ na Izrɛl.

1 Samiɛl 14:38

Nain Sɔl kɔl di bigman dɛn nain ami ɛn tɛl dɛn se dɛn fɔ fɛn us sin dɛn sin da de de.

Di Nɔmba Dɛm 21:29

E Moab, una alaki! Di pipul dɛn na Kimɔsh, una dɔn dɔn! I dɔn mek in bɔypikin dɛn rɔnawe ɛn Kiŋ Sayɔn, di kiŋ fɔ di Amɔrayt dɛn dɔn kech ɔl in gyal pikin dɛn.

Di Ibru Pipul Dɛn 7:14

Wi no se na Juda in fambul layn wi Masta Jizɔs kɔmɔt; ɛn Mozis nɔ bin tɔk natin bɔt Juda in fambul dɛn wɛn i bin de tɔk bɔt dɛn man we de mek sakrifays fɔ pipul sin.

Di Nɔmba Dɛm 24:16

Na pɔsin we de yɛri wetin PAPA GƆD de se de tɔk dis mɛsej, we no bɔt PAPA GƆD Ɔlmayti, pɔsin we kin si aw PAPA GƆD want mek i si, pɔsin we de lidɔm bifo PAPA GƆD ɛn we PAPA GƆD de opin in yay.

2 Samiɛl 8:14

I put barik dɛn bak na Idɔm ɛn ɔl di Idɔmayt dɛn tɔn in bɔy. PAPA GƆD mek Devid bit ɛnisay we i go.

Jɛrimaya 48:1

PAPA GƆD tɔk bɔt Moab. Na dis PAPA GƆD Ɔlmayti we na Izrɛl dɛn Gɔd se: “Swɛ dɔn kech Nɛbo, bikɔs i nɔ gud fɔ natin igen! Kiriataim dɔn shem bikɔs dɛn dɔn kapchɔ am; dɛn dɔn nyakanyaka dɛn barik ɛn dɛn dɔn shem;