Di Nɔmba Dɛm 23:9 - Krio Fɔs Oli Baybul

⁹ A de ay ɔp di il usay a kin si dɛn a kin wach dɛn gud usay a de so ɔp di il. A de si pipul dɛn we de to dɛnsɛf dɛn nɔ de biev lɛk ɔda pipul dɛn.

Di Nɔmba Dɛm 23:9 Referans Kwoze

Ditarɔnɔmi 33:28

So Izrɛl gɛt pis, nɔbɔdi nɔ de fɔ ambɔg am na di land we gɛt bɔku bɔku sid plant ɛn wayn, usay dyu de wata di grɔn.

Ditarɔnɔmi 32:8

We PAPA GƆD Ɔlmayti gi neshɔn dɛn prɔpati, we i de sɛpret difrɛn difrɛn pipul dɛn, i sho ɔlman usay dɛn fɔ de akɔdin to aw di difrɛn fambul dɛn na Izrɛl plɛnti.

Ɛksodɔs 33:16

I aks PAPA GƆD se aw i want in ɛn di pipul dɛn fɔ no se i lɛk dɛn. I se if i lɛk dɛn lɛ i de wit dɛn, bikɔs na dat go mek dɛn difrɛn frɔm di ɔda neshɔn dɛn na di wɔl.

Ɛsta 3:8

Wande, Eman tɛl di kiŋ se sɔm rɛfyuji dɛn de ɔlɔbɔt nain kindɔm; i se dɛn difrɛn pas ɔl di pipul de ɛn dɛn nɔ de du wetin di kiŋ se, so di kiŋ nɔ go gen natin if i tɔlaret dɛn.

Ɛzra 9:2

Dɛn se di Ju pipul dɛn de mared dɛn fɔrina ya dɛn gyal pikin dɛn, ɛn sɛf dɛn de mek dɛn bɔypikin dɛnsɛf mared di fɔrina dɛn gyal pikin dɛn. Dɛn we se dɛn gɔdli ɛn oli na dɛn dɔn miksɔp ɛn dɔti dɛnsɛf wit dɛn kaynaba tin ya. Infakt fɔ mek tin wɔs na di lida dɛn ɛn di bigman dɛn de bifo pan dis kaynaba dɔti gem.

Pita In Fɔs Lɛta 2:9

Bɔt una na lɛkɛ wan neshɔn, Gɔd dɔn pik una, una na pipul we de mek sakrifays to Gɔd ɛn we de wok fɔ Gɔd we na una Kiŋ; una na neshɔn we dɔn gi unasɛf to Gɔd, una na Gɔd in yon pipul dɛn we i pik fɔ tɔk bɔt di wɔndaful wok dɛn we i de du. Na Gɔd pul una kɔmɔt na dak briŋ una kam nain wɔndaful layt.

Taytɔs 2:14

I sakrifays in layf fɔ pul wi kɔmɔt pan di bad ɛn dɔti layf we wi bin liv, fɔ mek wi klin so dat wi go bi in yon pipul dɛn we want du wetin gud wit ɔl wi at.

2 Kɔrint 6:17

Di Masta se, “Una fɔ lɛf dɛn bad pipul ya, ɛn nɔ gɛt ɛnitin fɔ du wit dɛn. Una nɔ fɔ gɛt natin fɔ du wit ɛnitin we nɔ klin. If una yɛri mi wɔd, a go tek una lɛkɛ mi yon.

Emɔs 9:9

“A go gi ɔda ɛn shek di pipul na Izrɛl lɛkɛ sid na shifta. A go shifta dɛn ɔl ɛn pul ɔl di wan dɛn we na yuslɛs mɔtalman.

Jɛrimaya 46:28

PAPA GƆD se, nɔ fred, Yu Jekob we na mi wokman, bikɔs a de wit yu. A go nyakanyaka ɔl di neshɔn dɛm we a dɔn drɛb yu go, bɔt yu, a nɔ go nyakanyaka yu. A go disiplin una bay wetin una du, ɛn nɔn we nɔ de we a go lɛf una, ɛn nɔ pɔnish una.”

Jɛrimaya 49:31

PAPA GƆD se, “Una grap, una go atak wan neshɔn we de wit kol at, we gɛt sikiɔriti, na so PAPA GƆD se, we nɔ gɛt get ɔ ayɛn ba, neshɔn we nain wangren de to insɛf.

Mayka 7:14

Mayka beg PAPA GƆD fɔ lɛ i trit dɛn lɛk aw man we de mɛn ship kin trit di ship we i de mɛn. I se lɛ i tek dɛn go na Beshan ɛn Giliad we gɛt frɛsh gras we dɛn go it lɛk aw i bin de du fɔstɛm.