Di Nɔmba Dɛm 23:7 - Krio Fɔs Oli Baybul

⁷ So Belam tɔk di mɛsej we PAPA GƆD gi am. I se “Belak we na kiŋ na Moab pul mi kɔmɔt na Siria, di mawnten dɛn na di ist i tɛl mi se fɔ kam ib swɛ pan Izrɛl in jɛnareshɔn fɔ am fɔ kam mek di Izrɛlayt dɛn alaki.

Di Nɔmba Dɛm 23:7 Referans Kwoze

Ditarɔnɔmi 23:4

bikɔs dɛn nɔ bin gi di Izrɛlayt dɛn wata ɛn tin fɔ it we dɛn bin de kɔmɔt Ijipt, bifo dat, dɛn bin go tek Belam, Bɛɔ we kɔmɔt Pɛtɔ na Mɛsopotemia in pikin, ɛn pe am fɔ put swɛ pan dɛn.

Di Nɔmba Dɛm 24:3

ɛn i bigin tɔk dis mɛsej: I se, “Na Belam we na Beɔ in bɔypikin de tɔk dis mɛsej, na pɔsin we de si gud de tɔk dis mɛsej.

Di Nɔmba Dɛm 23:18

so Belam bigin fɔ tɔk in mɛsej. “Belak, Zipɔ in bɔypikin, grap, opin yu yes ɛn lisin;

Mayka 2:4

We da tɛm de kam, pipul go yuz dɛn mek ɛgzampul fɔ sho aw pɔsin de pe fɔ di bad we i du to ɔda pipul. Di pipul dɛn go mek siŋ bɔt dɛn lɛkɛ se na bɛrin dɛn gɛt: Ɔltin dɔn dɔn fɔ dɛn! PAPA GƆD dɔn pul dɛn land kɔmɔt na dɛn an I dɔn gi am to di wan dɛn we kapchɔ dɛn.

Di Sam Dɛm 78:2

A go pul parebul we a de tɔk, a go tɛl una bɔt wetin una nɔ bin no we apin lɔntɛm

Job 29:1

We Job bigin tɔk bak, i tɔk se;

Di Nɔmba Dɛm 24:23

Dɛn na dis mɛsej i tɔk; “Udat na dɛn pipul ya we kɔmɔt frɔm di Nɔth.

Di Nɔmba Dɛm 24:15

Nain i se: “Na Belam we na Beɔ in bɔypikin de tɔk dis mɛsej na pɔsin we de si gud de tɔk dis mɛsej.

Mak 12:12

Di bigman dɛn we de mek sakrifays fɔ pipul sin ɛn di Ju Lɔ ticha dɛn tray fɔ ol Jizɔs, bikɔs dɛn bin no se na pan dɛn Jizɔs pul di parebul. Bɔt dɛn fred di krawd, so dɛn lɛf Jizɔs go.

Matyu 13:33

Jizɔs pul ɔda parebul fɔ dɛn, i se, “Gɔd in rul tan lɛkɛ we uman tek smɔl yist ɛn miks am wit wan kitul flawa sote di do fɔ mek bred rayz.”

Prɔvabs 26:2

Swɛ nɔ de ol pɔsin fɔ wɔwɔ, i kin tan nɔmɔ lɛkɛ we kres bɔd de flay, flay ɛn nɔ gɛt say fɔ sidɔm.

Job 27:1

Job bigin tɔk bak. I se;

2 Samiɛl 23:9

Di ɔda sojaman we tɔf na Ɛlieza, dat na Doday we na Aao in bɔypikin. I bin de wit Devid di tɛm we di Filistin dɛn bin gɛda fɔ fɛt di man dɛn na Izrɛl we dɛn ɛnd-ɔp fɔ rɔnawe.

Matyu 13:35

I bin de pul parebul, so dat wetin di prɔfɛt bin tɔk go bi tru, we i se, “I go pul parebul wɛn i de tɔk to di pipul dɛn. I go tɛl dɛn bɔt di tin dɛn we dɛn nɔ bin no frɔm di tɛm we di wɔl bigin.”

Abakɔk 2:6

Di pipul dɛn na ɔl dɛn neshɔn we dɛn dɔn kapchɔ go barɔf ɛn aks if i nɔ du so. Dɛn go swɛ dɛn fɔ we dɛn jɛs de buli pipul dɛn ɛn mek dɛn pe we go mek dɛn jɛntri.

Izikɛl 20:49

Nain a se, “E Papa Gɔd we na Gɔd! Dɛn de tɔk bɔt mi se, “nɔto in ebul mekɔp stori dɛn we gɛt minin?”

Izikɛl 17:2

“Mɔtalman, pul wan stori we gɛt minin, to di Izrɛlayt dɛn.

2 Samiɛl 21:21

I bin jɛs de fɔ de kɔs Izrɛl so na Devid in brɔda we na Jonɛthan dat na Shimɛay in bɔypikin kil am.

1 Samiɛl 17:45

Devid tɛl di Filistin se di Filistin de yuz sɔd ɛn spia fɔ fɛt am bɔt in di Devid gɛt PAPA GƆD nɔmɔ wit am fɔ fɛt di Filistin. I se PAPA GƆD Ɔlmayti nain gɛt di ami we di Filistin de chalenj.

1 Samiɛl 17:36

Devid tɛl Sɔl se in dɔn kil layɔn ɛn bia so di Filistin we na ithɛn go bi lɛk dɛn bikɔs i dɔn chalenj PAPA GƆD we nɔ de day in ami.

1 Samiɛl 17:10

I se in de chalenj di Izrɛlayt dɛn da de de so lɛ dɛn mek in ɛn wan man nɔmɔ fɛt.

Di Nɔmba Dɛm 24:21

Wɛn i si di Kɛnayt dɛn, i se, una nɔ fɔ wɔri bɔt usay una de slip, una sef lɛk we bɔd bil in os insay insay ston.

Di Nɔmba Dɛm 22:17

bikɔs in go gi am gud tin ɛn i fɔ du wetin in di Belak se. I se Belam fɔ go ib swɛ pan dɛn pipul de fɔ am.

Di Nɔmba Dɛm 22:11

sɔm pipul dɔn kɔmɔt Ijipt we de ɔlsay na di land. I se Belak kɔl am fɔ go ib swɛ pan di pipul dɛn fɔ am ɛn sɔntɛm da tɛm de i go ebul fɛt dɛn ɛn drɛb dɛn.

Jɛnɛsis 28:7

Ɛn Jekɔb tek in mama ɛn papa dɛn wɔd ɛn go Padan Aram.

Jɛnɛsis 28:2

Bifo dat, go na Padan Aram, usay yu grampa Bɛthuɛl kɔmɔt ɛn mared wan pan yu ɔnkul Leban in gyal pikin dɛn.

Jɛnɛsis 10:22

Shɛm in bɔypikin dɛn na Ilam, Ashɔ, Apakshad, Lud, ɛn Aram.

Di Nɔmba Dɛm 23:6

Wɛn i go bak i mit Belak ɛn in man dɛn tinap nia di sakrifays.

Di Sam Dɛm 49:5

Wetin mek a fɔ skyad we tin traŋa ɛn i tan lɛkɛ se di wan dɛn we de mek tufes de buli mi?