Di Nɔmba Dɛm 23:4 - Krio Fɔs Oli Baybul

⁴ PAPA GƆD mit am de. Belam tɛl PAPA GƆD se in dɔn mek sɛvin ɔlta ɛn sakrifays wan man kaw ɛn wan man ship pan dɛn ɔl.

Di Nɔmba Dɛm 23:4 Referans Kwoze

Di Nɔmba Dɛm 23:16

PAPA GƆD mit Belam ɛn gi am ɔda mɛsej fɔ go bak go tɛl Belak.

Lɛta Fɔ Ɛfisɔs 2:9

Una nɔ gɛt natin fɔ tek bost, bikɔs nɔto ɛnitin we una du, sev una.

Lyuk 18:12

A de fast tu tɛm ɛvri wik, a de sheb ɔltin we a gɛt tɛn ɛn gi yu wan pat.’

Lɛta Fɔ Rom 3:27

So natin nɔ de we fɔ mek wi bost, bikɔs Gɔd de mek ɔltin rayt bitwin wi ɛn insɛf bikɔs wi biliv pan Jizɔs Krays, nɔto bikɔs wi de du wetin di Lɔ se.

Jɔn 16:2

Dɛn go drɛb una kɔmɔt na dɛn Ju mitin os, ɛn tɛm de kam we ɛnibɔdi we kil una sɛf go tink se i de du wetin Gɔd want am fɔ du.

Matyu 20:12

Dɛn se, ‘Di lebra dɛn we yu tek las, na wan awa nɔmɔ dɛn wok, bɔt wi wok ol de ɛn di san bit wi, dɔn yu kam gi wi di sem pe.’

Di Nɔmba Dɛm 23:1

Belam se fɔ bil sɛvin ɔlta de fɔ am ɛn fɔ gi am sɛvin man kaw ɛn sɛvin manship.

Di Nɔmba Dɛm 22:20

Da nɛt de PAPA GƆD kam mit Belam ɛn tɛl am se, “Sins dɛn man dɛn ya dɔn kam kɔl yu, go wit dɛn, bɔt na wetin a tɛl yu nɔmɔ fɔ du, yu fɔ du.

Di Nɔmba Dɛm 22:9

PAPA GƆD in go mit Belam ɛn aks am se, “Udat na dɛn pipul ya we de wit yu?

Di Nɔmba Dɛm 23:3

Dɔn Belam tɛl Belak lɛ i wet fɔ am usay dɛn mek di sakrifays. I se in go go na kɔna, sɔntɛm PAPA GƆD go go mit am de ɛn ɛnitin we i tɛl am, in go tɛl Belak. Na so in wan tek go ɔp wan il.

Di Nɔmba Dɛm 23:5

PAPA GƆD gi Belam mɛsej we i se i fɔ go bak go gi Belak.