Di Nɔmba Dɛm 23:24 - Krio Fɔs Oli Baybul

²⁴ Di pipul de grap lɛk uman layɔn ɛn i de mek lɛk layɔn we nɔ go blo pas i it wetin i dɔn kech ɛn drink dɛn wan we i kech, dɛn blɔd.

Di Nɔmba Dɛm 23:24 Referans Kwoze

Jɛnɛsis 49:9

Juda, yu tan lɛkɛ yɔŋ layɔn, we dɔn kil ɛn it dɔn. Lɛkɛ layɔn nɔmɔ yu butu ɛn lidɔm Lɛkɛ uman layɔn, nɔbɔdi nɔ gɛt maynd fɔ ambɔg am.

Jɛnɛsis 49:27

“Bɛnjamin tan lɛkɛ bad bad wulf we de kil ɛn pwɛl in ɛnimi na mɔnin dɔn ivintɛm i de sheb wetin i kil.”

Rɛvɛleshɔn 5:5

Wɛn wan pan di bigman dɛn si se a de kray, i se, “Lɛf fɔ kray; luk, da pɔsin we dɛn kɔl di Layɔn we kɔmɔt na Juda trayb, di wan we na wan pan Devid in grampikin pikin dɛm, dɔn win ɔlsay. I kin pul di tin dɛn we dɛn tek fasin di pepa sɛvin say ɛn opin am.”

Zɛkaraya 12:6

I se, da de de, i go mek di Juda fambul lɛk pɔt we de na faya insay bush, lɛk opin faya usay dray gras de; ɛn dɛn go nyakanyaka ɔl di neshɔn dɛn we lɛf, ɛn Jerusɛlɛm go lɛf usay i de, di sem Jerusɛlɛm.

Di Nɔmba Dɛm 24:17

A de si am, bɔt nɔto naw: a de luk am, bɔt i de fa. Wan sta go kɔmɔt na Izrɛl in jɛnareshɔn ɛn i go bi kiŋ na Izrɛl. I go bit di Moabayt lida dɛn ɛn brok dɛn wan we de kak dɛn fɛda dɔŋ.

Neum 2:11

Usay Layɔn dɛn os de, di kev we yɔŋ layɔn dɛn de usay di layɔn kin kɛr bif we i dɔn kil, usay in pikin dɛn de ɛn nɔ gɛt nɔbɔdi fɔ ambɔg am?

Emɔs 3:8

Wɛn layɔn ala, udat nɔ go fred? We PAPA GƆD, we na GƆD, dɔn tɔk, us prɔfɛt go lɔk in mɔt?

Daniɛl 2:44

Ɛn dɛn tɛm dɛn de we di kiŋ dɛn go de rul, PAPA GƆD na ɛvin go briŋ in yon kindɔm we nɔ go ɛva fɔdɔm, ɛn in pawa nɔ go go na ɔda pipul an; ɛn I go brok ɔl dɛn kindɔm we bin dɔn de bifo am pyɛt pyɛt, ɛn dɔn dɛn kpatakpata wan; in go tinap sote go;

Ayzaya 31:4

Bikɔs na dis PAPA GƆD tɛl mi, Lɛk we layɔn ɔ yɔŋ layɔn de grɔmbul we i kech tin fɔ it, ɛn we dɛn shɛpad dɛn fɔ gɛda go atak am, di ala we dɛn de ala nɔ de skyad am ɛn dɛn nɔys nɔ de shek am, Na so PAPA GƆD Ɔlmayti go kam dɔn fɔ fɛt na Mawnt Zayɔn ɛn nain il.

Prɔvabs 30:30

wan, na di layɔn we gɛt trɛnk pas ɔl dɛn animal, wɛn i es in ed ɔp de waka, i nɔ de luk biɛn.

Di Sam Dɛm 17:12

Dɛn de mek lɛk we aŋri layɔn de ayd fɔ fɔdɔm ɛnitin we nɔ de si am.

Ditarɔnɔmi 33:20

Mozis tɔk bɔt di Gad fambul dɛn se, Blɛsin de fɔ di wan we mek di Gad fambul dɛn land big! Gad de waka saful saful lɛkɛ Layɔn; i mɔs si se i skrap in ɛnimi bifo in at kol.

Di Nɔmba Dɛm 23:25

Dɛn Belak tɛl Belam se if i nɔ de swɛ dɛn, i nɔ fɔ blɛs dɛn atɔl.

Neum 2:12

Di layɔn kin chɛr di bif we go du gi in pikin dɛn ɛn gi di uman layɔn insɛf pan am; i de ful in kev wit animal dɛn we i dɔn kil, na so so af af bif kin de nain os.

1 Kiŋ 10:20

Di stɛp dɛn ɔl gɛt tu tu layɔn; wan na lɛft an wan na raytan. Dɛn nɔ mek dis kayn chia ya wande fɔ ɛni ɔda kiŋ.

2 Kronikuls 9:18

Di chia gɛt siks stɛp, dɔn i mek pantap di bak rɛst, rawnd. Di tu sayd dɛn gɛt say fɔ rɛst an, dɔn i kav tu layɔn ɛn put dɛn fɔ tinap na di tu sayd.