Di Nɔmba Dɛm 23:23 - Krio Fɔs Oli Baybul

²³ Nɔn majik nɔ de we go wok pan Izrɛl in pipul dɛn ɔ nɔbɔdi nɔ go ebul lukgrɔn fɔ di Izrɛlayt dɛn. Ɔlman go tɔk bɔt wetin PAPA GƆD dɔn du fɔ di Izrɛlayt dɛn.

Di Nɔmba Dɛm 23:23 Referans Kwoze

Jɔshwa 13:22

Wan pan di pipul dɛn we di Izrɛlayt dɛn bin kil, na bin di lukgrɔn man we nem Bɛɔ in pikin we nem Balama.

Matyu 12:27

Ɛn if na Biɛlzibɔb we na di dɛbul dɛn edman in pawa a de tek drɛb dɛbul; udat de gi dɛn pipul we de fala una, pawa fɔ drɛb dɛbul? Ɔl wetin dɛn de du de sho se una nɔ rayt.

Di Sam Dɛm 64:9

Mɔtalman go fred PAPA GƆD ɛn se PAPA GƆD big; dɔn dɛn go de wɔnda pan wetin PAPA GƆD de du.

Lɛta Fɔ Rom 16:20

I nɔ go te igen Gɔd we de gi kol at, go pwɛl Setan in pawa ɛn put am ɔnda una. Mek wi Masta Jizɔs Krays sho una aw i gud.

Di Nɔmba Dɛm 24:1

We Belam si se PAPA GƆD in at gladi fɔ blɛs Izrɛl, i nɔ bɔda fɔ lukgrɔn lɛkɛ aw i bin de du, i jɛs tɔn in fes de luk na di ɛmti land we pɔsin nɔ go ebul tap.

Rɛvɛleshɔn 12:9

Dɛn drɛb di big dragɔn kɔmɔt na ɛvin, ib am dɔŋ na wɔl! Nain na da snek we dɛn kɔl Dɛbul ɔ Setan, we bin de mek di ol wɔl ful. Dɛn ib am dɔŋ na wɔl, wit ɔl in mɛsenja dɛn.

Apɔsul Dɛn Wok 10:38

Una no se Gɔd bin gi Jizɔs we kɔmɔt Nazarɛt in Spirit ɛn in pawa. Jizɔs bin de go ɔlɔbɔt de du gud fɔ pipul ɛn i mɛn ɔl dɛn wan we bin gɛt dɛbul insay dɛn. I bin ebul du ɔl dɛn tin ya bikɔs Gɔd bin de wit am.

Matyu 16:18

Ɛn Pita, a de tɛl yu se: yu na rɔk, ɛn na pan dis rɔk ya a go bil mi chɔch, ɛn day sɛf nɔ go ebul am.

Mayka 7:15

I se mek PAPA GƆD ple mirekul fɔ dɛn lɛk aw i bin du we dɛn kɔmɔt Ijipt.

Apɔsul Dɛn Wok 4:16

Dɛn aks dɛn kɔmpin se, “Wetin wi fɔ du wit Pita ɛn Jɔn? Ɔlman na Jerusɛlɛm dɔn si se na dɛn dɔn mɛn da man we nɔ bin ebul waka; nɔto kɔna dis tin bi ɛn wi nɔ go se na lay.

Matyu 12:25

Jizɔs bin no wetin dɛn bin de mɛmba na dɛn at, so i se, “Ɛni kɔntri we di pipul dɛn de fɛt dɛnsɛf, da kɔntri de nɔ go las. Ɛn ɛni tɔŋ ɔ fambul we de fɛt dɛnsɛf, go pwɛl.

Ayzaya 41:4

Na udat dɔn wok ɛn du dis kayn tin, de kɔl di jɛnareshɔn dɛn nem frɔm di biginin? Na mi, PAPA GƆD we na di fɔs, ɛn di las; na mi na Im.

Apɔsul Dɛn Wok 5:12

Di apɔsul dɛn bin de du plɛnti wɔndaful tin fɔ di pipul dɛn. Ɔl dɛn pipul we bin biliv pan Jizɔs Krays kin mit lɛkɛ fambul na di ples we dɛn kɔl Sɔlɔmɔn in Viranda.

Di Sam Dɛm 31:19

Noto kɔmɔn gud tin, yu dɔn kip fɔ udat gɛt fred fɔ yu we de wɔship yu. Usay pipul bɔku, na de yu de gi gud tin to udat go to yu fɔ kɔba am.

Apɔsul Dɛn Wok 15:12

Nɔbɔdi na di mitin nɔ se fiŋ wɛn dɛn yɛri wetin Banabas ɛn Pɔl de tɔk bɔt ɔl di wɔndaful wok dɛn we Gɔd mek dɛn du fɔ dɛn pipul we nɔto bin Ju.

Apɔsul Dɛn Wok 5:14

Ɛn mɔ ɛn mɔ pipul bin de kam jɔyn to di pipul dɛn we bin biliv pan Jizɔs Krays.

Jɔn 11:47

So di Faresi dɛn ɛn dɛn bigman we de mek sakrifays fɔ pipul sin kɔl mitin wit di ɔda Ju bigman dɛn. Dɛn se, “Wetin wi fɔ du? Una luk ɔl di wɔndaful wok dɛn we dis man ya de du!

Daniɛl 9:15

So duya PAPA GƆD we na wi Gɔd, yu we pul yu pipul dɛn kɔmɔt Ijipt wit yu pawa, dɔn gɛt gud nem te dis tɛm ya; wi dɔn kɔmit sin, wi dɔn du bad.

Jɛnɛsis 3:15

A go mek yu ɛn di uman et unasɛf; in pikin dɛn ɛn yu yon pikin dɛn go bi ɛnimi fɔ layf. In pikin go wap yu ed, ɛn yu go bɛt in il.”

Izikɛl 21:21

Bikɔs di kiŋ na Babilɔn tinap usay di rod sheb, usay di tu rod bigin fɔ mek majik; i shek di aro dɛn, ɛn lukgrɔn to di tɛrafim, dɔn luk aw di liva tan, fɔ fɛnɔt.

Ditarɔnɔmi 3:24

I se i pre to PAPA GƆD se, ‘PAPA GƆD we pas ɔl dɛn ɔda gɔd dɛn, a no se yu jɔs bigin sho mi yu pawa. Nɔn ɔda gɔd nɔ de ɔp na Ɛvin ɔ dis wɔl we ebul du di kayn tin dɛn we yu kin du.

Ayzaya 44:25

Mi PAPA GƆD we de mek di lay we dɛn layman dɛn de lay bɔt tumara, nɔ min natin, ɛn we tɔn di mɛrɛsinman dɛn to fulman; we nɔ tek sɛns wɔd mek natin, ɛn mek dɛn sɛns tɔn fulish tin;