Di Nɔmba Dɛm 23:22 - Krio Fɔs Oli Baybul

²² PAPA GƆD pul dɛn kɔmɔt Ijipt; dɛn gɛt trɛnk lɛk wayl animal.

Di Nɔmba Dɛm 23:22 Referans Kwoze

Ditarɔnɔmi 33:17

Ifrem ɛn Manasɛ dɛn tawzin tawzin fɛt man dɛn trɔŋ, we yu si dɛn, dɛn fayn lɛk bush kaw in fɔs-bɔy-pikin. Dɛn gɛt trɛnk lɛk bush kaw we dɛn go tek kil ɔl dɛn ɛnimi ɛn pul dɛn kɔmɔt usay dɛn de.

Di Nɔmba Dɛm 24:8

PAPA GƆD pul dɛn kɔmɔt Ijipt; ɛn gi dɛn trɛnk lɛk dɛn wayl animal. Dɛn de bit ɔl dɛn neshɔn we nɔ lɛk dɛn ɛn nyamanyama dɛn bon dɛn, dɔn, na dɛn aro dɛn kin tek chuk dɛn.

Di Sam Dɛm 22:21

Ansa mi ɛn pul mi kɔmɔt na wulf mɔt. Nɔ lɛf mi gi dɛn fɔ kil mi.

Ɛksodɔs 20:2

“Mi na PAPA GƆD, di PAPA GƆD we una fɔ wɔship we pul una kɔmɔt na Ijipt usay una na bin de as slev.

Di Sam Dɛm 92:10

Yu mek mi pawaful lɛk udat gɛt babu bon; dɔn yu put frɛsh ɔyl pan mi fɔ anɔynt mi.

Di Sam Dɛm 68:35

PAPA GƆD, yu wɔndaful! Yu du fɔ fred usay yu de. Yu we na Izrɛl dɛn PAPA GƆD de gi pawa ɛn trɛnk to yu pipul. Una lɛ wi prez PAPA GƆD!

Di Nɔmba Dɛm 22:5

sɛn sɔm mɛsenja fɔ go kɔl Belam fɔ am. Belam we na Beɔ in bɔypikin we bin tap na Pɛtɔ nia Riva Yufretis usay i kɔmɔt. Belak tɛl am se sɔm pipul dɔn kɔmɔt Ijipt we dɔn ful di land ɛn dɛn de nia am.

Ɛksodɔs 14:18

Ɛn wɛn a dɔn dɔnawe wit di Ijipshian dɛn dɔn, dɛn go no fɔ tru se mi na PAPA GƆD.”

Ɛksodɔs 9:16

Bɔt a nɔ mek dɛn day bikɔs a gɛt mi rizin. A want sho dɛn mi pawa so pipul dɛn ɔlsay na di wɔl go yɛri bɔt mi.

Jɔshwa 2:10

Reab se dɛn bin dɔn yɛri bɔt aw PAPA GƆD mek di rɛd si dray lɛ di Izrɛlayt dɛn krɔs. I se dɛn bin yɛri igen bɔt aw dɛn bin nyakanyaka dɛn tu Amorayt kiŋ, Sayɔn ɛn Og we bin de na di ist pat na Riva Jɔdan.

Ayzaya 34:7

Uman bush kaw go day wit dɛm, ɛn yɔŋ man kaw wit di bigman kaw dɛn. Dɛn lan go gɛ soso blɔd, ɛn di fat go mek dɛn dɔti gud fɔ plant.

Ɛksodɔs 12:41

ɛn na di vɛri de we mek dɛn fo ɔndrɛd ɛn tati ia ɔl di Izrɛlayt famili dɛn kɔmɔt na Ijipt.

Ɛksodɔs 12:51

ɛn na di vɛri de we PAPA GƆD pul dɛn kɔmɔt na Ijipt bay fambul dɛn du am.