Di Nɔmba Dɛm 23:21 - Krio Fɔs Oli Baybul

²¹ I nɔ de luk se Izrɛl in jɛnareshɔn bin du am bad ɔ pan ɔl di bad tin dɛn we di Izrɛlayt dɛn dɔn du. PAPA GƆD we na dɛn PAPA GƆD de wit dɛn; nain de tɔk fɔ dɛn.

Di Nɔmba Dɛm 23:21 Referans Kwoze

Di Sam Dɛm 23:4

Pan ɔl we sɔntɛnde a kin de pan trɔbul we kin mek a skyad, I kin yuz in pawa fɔ mek a no se i de wit mi. A nɔ go fred wans a no se yu de wit mi. Na yu de kɔba pan ɔlkayn bad tin.

Matyu 1:23

“Wan yɔŋ uman we nɔ no bɔt man yet go gɛt bɛlɛ ɛn i go bɔn bɔy pikin, dɛn go gi di pikin nem Imanyuɛl” (Imanyuɛl min se, Gɔd de wit wi).

Jɛrimaya 50:20

PAPA GƆD se, dɛn dez dɛn de ɛn da tɛm de, dɛn go luk fɔ sin na Izrɛl, bɔt dɛn no go fɛn natin; dɛn go luk fɔ sin na Juda bɔt dɛn nɔ go fɛn natin; bikɔs a go fɔgiv di wan dɛm we a nɔ go kil.

Ayzaya 38:17

Yɛs, na bin fɔ mi yon bɛtɛ na dat mek mi at pwɛl bad bad wan; Bɔt yu dɔn briŋ mi layf kam bak mek i nɔ go na ɛl, Bikɔs yu dɔn put mi sin dɛn ɔl biɛn mi.

Di Sam Dɛm 46:11

PAPA GƆD, we na wi ami kɔmanda de wit wi di PAPA GƆD we wi papa Jekɔb bin de wɔship nain na wi sikyɔriti.

Ayzaya 33:22

Bikɔs PAPA GƆD na wi jɔj, PAPA GƆD na wi rula. PAPA GƆD na wi kiŋ; i go sev wi.

Ayzaya 8:10

Una ɛŋed o, bɔt i nɔ go min natin; una tɔk wetin una fil, na fɔ natin, bikɔs PAPA GƆD de wit wi.

Ayzaya 1:18

PAPA Gɔd se, “Kam naw naw lɛ we ɛŋed togɛda, i lɛk una sin dɛn rɛd lɛk blɔd, dɛn go wayt lɛk shatin; i lɛk dɛn rɛd lɛk krimsin, dɛn go tan lɛk kɔtinwul.

Lɛta Fɔ Rom 6:14

Una nɔ fɔ mek sin rul una layf igen, bikɔs una nɔ de ɔnda di lɔ naw, bɔt na di lɛk we Gɔd lɛk una ɛn di sɔri we i sɔri fɔ una de rul una layf naw, pan ɔl we wi nɔ fit fɔ mek Gɔd lɛk wi so ɔ sɔri fɔ wi so.

Ayzaya 41:10

Nɔ fred, bikɔs a de wit yu, nɔ pwɛl at, bikɔs mi na yu Gɔd; a go gi yu trɛnk, a go ɛp yu, a go ol yu ɔp wit mi raytan we de win ɔltɛm.

Di Sam Dɛm 118:15

Pipul go yɛri we PAPA GƆD in pipul de ala wit gladi na dɛn kamp bikɔs dɛn dɔn win dɛn ɛnimi: dɛn se, “Wi win bikɔs ɔf PAPA GƆD in pawa.

Di Sam Dɛm 97:1

PAPA GƆD de rul ɔlsay so lɛ ɔl di pipul na wɔl gladi! Lɛ ivin di wan dɛn we de fa jɔyn fɔ gladi.

Ditarɔnɔmi 33:5

Dɛn bin kam gɛt kiŋ na Izrɛl we ɔl di bigman dɛn na Izrɛl bin de, ɛn ɔl di pipul dɛn na Izrɛl bin de de

Izikɛl 48:35

Di distans rawnd di siti go bi nayn kilomita. Ɛn di siti in nem, frɔm naw te go, go bi, PAPA GƆD de de.”

Di Sam Dɛm 103:12

lɛkɛ aw Ist de fa frɔm Wɛst, na so PAPA GƆD dɔn push wi sin fa frɔm wi.

Di Sam Dɛm 46:7

PAPA GƆD, we na wi ami kɔmanda de wit wi di PAPA GƆD we wi papa Jekɔb bin de wɔship nain na wi sikyɔriti.

Di Sam Dɛm 32:5

A gri se a bin de mek rebɛl pan PAPA GƆD ɛn kɔnfɛs mi sin. A mekɔp mi maynd ɛn se “A mɔs kɔnfɛs mi sin to PAPA GƆD.” Wɛn a du am, yu fɔgiv mi ɛn nɔ pɔnish mi igen

Di Sam Dɛm 32:2

I fayn fɔ da pɔsin we nɔ miks pan bɛnbɛn PAPA GƆD nɔ de kip natin nain at fɔ am.

2 Kronikuls 13:12

So, PAPA GƆD de wit wi ɛn nain na wi lida, ɛn in man dɛn we de mek sakrifays fɔ pipul sin de wit dɛn batul trɔmpɛt dɛn fɔ blo fɔ kɔl wi fɔ fɛt una. Duya Izrɛl in bɔypikin dɛm, una nɔ fɛt PAPA GƆD we na una papa dɛn Gɔd, bikɔs una nɔ go ebul.”

Di Jɔj Dɛm 6:13

Nain Gidiɔn se, duya in beg, lɛ i ɛskyuz am, in wan aks am se if PAPA GƆD de wit dɛn, wetindu ɔl dɛn disgresful tin dɛn de, de mit dɛn. Gidiɔn aks se aw bɔt dɛn wɔnda tin dɛn we dɛn fɔstɛmpapa dɛn bin de tɛl dɛn bɔt; lɛk aw PAPA GƆD pul dɛn kɔmɔt Ijipt. Gidiɔn se PAPA GƆD luk dɔn fɔgɛt bɔt dɛn naw ɛn i dɔn alaw di Midianayt dɛn fɔ rul dɛn.

Ɛksodɔs 34:9

Mozis tɔk to PAPA GƆD se, if fɔ tru tru se PAPA GƆD lɛk am, lɛ i go wit dɛn. I se di pipul dɛn traŋayes bad, bɔt lɛ i fɔgiv dɛn sin ɛn tek dɛn as in yon pipul.

Ɛksodɔs 13:21

Santɛm, PAPA GƆD kin de bifo dɛn lɛkɛ brayt klawd de gayd dɛn na rod, ɛn wɛn nɛt kam, i kin de bifo dɛn lɛkɛ faya fɔ de sho dɛn layt.

2 Kɔrint 6:16

Aw dɛn tin we mɔtalman de mek fɔ pre to go de na Gɔd in Os? Wi na Gɔd we gɛt layf sote go ɛn we de gi layf, in os! Lɛkɛ aw Gɔd insɛf se, “A go tap to mi pipul dɛn ɛn a go liv wit dɛn; a go bi dɛn Gɔd, ɛn dɛn go bi mi pipul.”

2 Kɔrint 5:19

Wi de tɛl pipul se Gɔd de mek mɔtalman bi Gɔd in padi dɛn tru Krays. Gɔd nɔ de mak mɔtalman in sin igen fɔ pɔnish am bambay, ɛn i dɔn tɛl wi fɔ tɛl dɛn aw dɛn go bi in padi dɛn.

2 Kɔrint 2:14

Wi tɛl Gɔd tɛnki! We wi gɛt wanwɔd wit Krays, Gɔd de mek wi win ɔltɛm. Gɔd de yus wi fɔ mek ɔl wetin pɔsin fɔ no bɔt Krays prɛd ɔlɔbɔt lɛkɛ swit smɛl.

Lɛta Fɔ Rom 8:1

Gɔd nɔ de kɔndɛm dɛn pipul we gɛt wanwɔd wit Jizɔs Krays.

Ayzaya 12:6

Una siŋ lawd lawd wan wit gladi gladi, una we tap na Zayɔn, bikɔs di Oli Wan na Izrɛl we tap wit una, gɛt big rɛspɛkt.”

Ɛksodɔs 3:12

Na de PAPA GƆD se, “A go de wit yu, ɛn fɔ sho se na mi sɛn yu we yu pul di Izrɛlayt dɛn kɔmɔt Ijipt, na dis mawnten una ɔl go kam wɔship mi.”

Di Nɔmba Dɛm 14:18

yu PAPA GƆD nɔ de vɛks kwik, yu gɛt beberebe lɔv ɛn yu rɛdi fɔ fɔgiv sin ɛn ɔda kayn rebɛl wok. Yu se yu PAPA GƆD nɔ de lɛf di pɔsin we du bad fɔ go skɔchfri, yu de pɔnish pikin dɛnsɛf fɔ dɛn papa dɛn sin te rich di gret gret grampikin dɛn.

Di Nɔmba Dɛm 14:19

Bay di kayn beberebe lɔv we yu gɛt, fɔgiv yu pipul dɛn sin jɛs lɛk aw yu bin dɔn de fɔgiv dɛn frɔm we dɛn lɛf Ijipt.

Ditarɔnɔmi 9:24

I se we in tink gud, di Izrɛlayt dɛn nɔ bin de yɛri PAPA GƆD in wɔd frɔm di de we in no dɛn.

Ditarɔnɔmi 31:23

PAPA GƆD bin gi Jɔshwa we na Nɔn in bɔypikin di pawa fɔ bi Izrɛl dɛn lida, ɛn bin tɛl am se, lɛ i tinap lɛk man, ɛn lɛ i nɔ fred natin; nain na di pɔsin we fɔ kɛr di Izrɛlayt dɛn go na di land we i bin dɔn swɛ se in go gi dɛn, ɛn in go de wit am.

Ditarɔnɔmi 32:5

Bɔt dɛn nɔ waka tret wi am, so dɛn nɔ fit fɔ bi in pipul, dɛn na sinful ɛn bɛn bɛn pipul.

Lɛvitikɔs 9:24

Wantɛm, wantɛm, nain PAPA GƆD sɛn faya we bɔn di bɔn ɔfrin ɛn di fat we bin de na di ɔlta. Wɛn di Izrɛlayt dɛn si dat, dɛn ala ɛn butu dɛn fes na grɔn.

Di Nɔmba Dɛm 9:22

If i kɔba di Tɛnt fɔ wande o, ɔ wan mɔnt o ɔ ivin wan ia sɛf, di Izrɛlayt dɛn go de na kamp ɛn nɔ muf bɔt wans i grap, dɛn go go.

Di Nɔmba Dɛm 16:3

Dɛn ɔl mek wanwɔd ɛn nɔ gri wit wetin Mozis ɛn Erɔn se. Dɛn tɛl Mozis ɛn Erɔn se dɛn dɔn pasmak. Dɛn se ɔlman na Izrɛl oli ɛn PAPA GƆD de wit dɛnsɛf so wetin mek Mozis ɛn Erɔn fɔ de mek lɛk se dɛn bɛtɛ pas di ɔda pipul dɛn na PAPA GƆD in yay.

1 Samiɛl 25:28

I se duya mek Devid fɔgiv am. I se PAPA GƆD go mɔs mek i rul te go sins i de fɛt fɔ PAPA GƆD ɛn pre se natin bad nɔ go ɛva mit am wans i nɔ day yet.

Di Sam Dɛm 99:2

PAPA GƆD de na Zayɔn as Kiŋ; bɔt i de rul di wanol wɔl.

Di Sam Dɛm 135:21

Lɛ ɔlman prez PAPA GƆD na Zayɔn. Na Jerusɛlɛm i tap. Lɛ wi ɔl prez PAPA GƆD.

Ayzaya 33:21

Bɔt na de PAPA GƆD go de fɔ wi as kiŋ ples we gɛt wayd riva dɛn ɛn watasay dɛm, usay nɔn big ship we slev dɛn de padul go go, nɔn mayti ship nɔ go ebul pas de.

Joɛl 2:27

I se dɛn go no se i de wit di pipul na Izrɛl, ɛn dat in PAPA GƆD, na dɛn GƆD ɛn dɛn nɔ gɛt nɔn ɔda wan. Ɛn i nɔ go mek in pipul shem igen