Di Nɔmba Dɛm 23:15 - Krio Fɔs Oli Baybul

¹⁵ Belam tɛl Belak lɛ i wet fɔ am usay dɛn de mek sakrifays bikɔs in de go mit PAPA GƆD oba say.

Di Nɔmba Dɛm 23:15 Referans Kwoze

Di Nɔmba Dɛm 23:3

Dɔn Belam tɛl Belak lɛ i wet fɔ am usay dɛn mek di sakrifays. I se in go go na kɔna, sɔntɛm PAPA GƆD go go mit am de ɛn ɛnitin we i tɛl am, in go tɛl Belak. Na so in wan tek go ɔp wan il.

Di Nɔmba Dɛm 22:8

Belam se mek dɛn slip de da nɛt de dɔn i go tɛl dɛn wetin na PAPA GƆD in ansa we i go gi am. So di Moabayt dɛn bigman dɛn slip de.

Di Nɔmba Dɛm 23:14

So Belak kɛr Belam go na di Zofim fil we de pantap Pizga ɛn na de i bil sɛvin ɔlta usay i sakrifays wan man kaw ɛn wan man ship pan dɛn ɔl.

Di Nɔmba Dɛm 23:16

PAPA GƆD mit Belam ɛn gi am ɔda mɛsej fɔ go bak go tɛl Belak.

Jɔshwa 24:10

Instɛd, PAPA GƆD se in mek Balaam blɛs Izrɛl. PAPA GƆD se na da we de in bin pul Izrɛl kɔmɔt na Balaam in an.