Di Nɔmba Dɛm 22:6 - Krio Fɔs Oli Baybul

⁶ I se Belam fɔ kam ib swɛ pan dɛn fɔ am bikɔs in nɔ ebul dɛn. I se dɛn gɛt pawa pas am bɔt sɔntɛm we Belam ib di swɛ pan dɛn, i go ebul fɛt dɛn ɛn bit dɛn dɔn i go drɛb dɛn kɔmɔt nain kɔntri. I sɛn to Belam se in no se ɛnibɔdi we i ib swɛ pan go gɛt swɛ ɛn ɛnibɔdi we i blɛs go gɛt blɛsin.

Di Nɔmba Dɛm 22:6 Referans Kwoze

Di Nɔmba Dɛm 24:9

I kin mek lɛk we layɔn kin lidɔm fɔ slip lɛkɛ uman layɔn we nɔbɔdi nɔ kres fɔ wek am. Lɛ udat blɛs dɛn, gɛt blɛsin ɛn lɛ swɛ fala ɔl udat ib swɛ pan dɛn.

Apɔsul Dɛn Wok 16:16

Wande we wi bin de go na di ples we dɛn Ju pipul kin pre, wan slev titi kam mit wi. Dis titi bin gɛt dɛbul we bin de mek i ebul tɛl pipul wetin go bi.

Izikɛl 13:6

Dɛn dɔn tɔk wɔd dɛn we nɔto tru ɛn lay se tin go bi we nɔto tru; dɛn kin se ‘PAPA GƆD se;’ wɛn PAPA GƆD nɔ sɛn dɛn, stil dɛn de luk to PAPA GƆD fɔ du wetin dɛn se.

Nɛimaya 13:2

bikɔs dɛn nɔ bin gi dɛn Izrɛlayt tin fɔ it ɔ wata fɔ drink, bifo dat dɛn aya Belam fɔ swɛ dɛn. Bɔt PAPA GƆD tɔn di swɛ to blɛsin.

1 Kiŋ 22:13

Di mɛsenja we go kɔl Maykaya tɛl am se ɔl di ɔda prɔfɛt dɛn tɔk gud wɔd to di kiŋ ɛn na di sem tin dɛn ɔl tɔk; so in de advays am se wɛn i go to di kiŋ na wetin di ɔda prɔfɛt dɛn dɔn se insɛf fɔ se.

1 Kiŋ 22:8

Di kiŋ fɔ Izrɛl ansa Jɛoshafat se wan mɔ prɔfɛt stil de we kin aks PAPA GƆD, we nem Maykaya we na Imla in bɔypikin; i se bɔt in et Maykaya bikɔs wande i nɔ de tɛl am gud tin, pas bad tin. Jɛoshafat tɛl di kiŋ se lɛ i nɔ tɔk so.

1 Kiŋ 22:6

Di kiŋ fɔ Izrɛl sɛn kɔl ɔl di fo ɔndrɛd prɔfɛt dɛn ɛn aks dɛn if i fɔ go fɛt Ramɔt Giliad ɔ lɛ i nɔ go. Di prɔfɛt dɛn ɔl ansa am se lɛ i go, PAPA GƆD go mek i win.

1 Samiɛl 17:43

I aks Devid uskayn fityay de kech am we i de tek tik fɔ go mit am lɛk se in na dɔg. I yuz di Filistin dɛn gɔd dɛn nem fɔ swɛ Devid.

Ditarɔnɔmi 23:4

bikɔs dɛn nɔ bin gi di Izrɛlayt dɛn wata ɛn tin fɔ it we dɛn bin de kɔmɔt Ijipt, bifo dat, dɛn bin go tek Belam, Bɛɔ we kɔmɔt Pɛtɔ na Mɛsopotemia in pikin, ɛn pe am fɔ put swɛ pan dɛn.

Di Nɔmba Dɛm 22:17

bikɔs in go gi am gud tin ɛn i fɔ du wetin in di Belak se. I se Belam fɔ go ib swɛ pan dɛn pipul de fɔ am.

Di Nɔmba Dɛm 22:12

Bɔt PAPA GƆD tɛl Belam se, “Nɔ go wit di mɛsenja dɛn. Yu nɔ go ebul ib swɛ pan dɛn pipul de bikɔs dɛn gɛt blɛsin.

Jɛnɛsis 27:29

Mek bɔku neshɔn dɛn sav yu, ɛn lɛ pipul dɛn baw bifo yu. Mek yu rul oba yu brɔda dɛn ed, ɛn mek yu mama in jɛnareshɔn dɛn ɔl baw bifo yu. Mek swɛ de pan ɛniwan we go swɛ yu, ɛn mek PAPA GƆD blɛs dɛn wan we go blɛs yu.”

Jɛnɛsis 12:3

A go blɛs dɛn wan dɛn we go blɛs yu, ɛn swɛ udat go swɛ yu. Na yu go mek dɛn neshɔn na wɔl gɛt dɛn blɛsin.”

Prɔvabs 26:2

Swɛ nɔ de ol pɔsin fɔ wɔwɔ, i kin tan nɔmɔ lɛkɛ we kres bɔd de flay, flay ɛn nɔ gɛt say fɔ sidɔm.

Di Sam Dɛm 109:28

Dɛn go de swɛ gbay, bɔt yu go jɛs de blɛs mi; ɛnitɛm we dɛn atak mi, put dɛn pan shem ɛn disgres, bɔt mi, we na yu savant, go de gladi.

Jɔshwa 24:9

PAPA GƆD se na Balak, Zipɔ in pikin we na kiŋ na Moab, bin grap go fɛt Izrɛl, dɔn i sɛn Balaam fɔ go put swɛ pan Izrɛl.

Mayka 6:5

Mi pikin dɛn, una mɛmba wetin Belak, di kiŋ na Moab bin plan fɔ una ɛn aw Belam we na Beɔ in bɔypikin bin ansa am. Una mɛmba wetin bin apin na rod we una kɔmɔt Akesia fɔ go Gilgal. If una ebul mɛmba dɛn tin ya, una go mɛmba wetin PAPA GƆD du fɔ sev una.”

Di Nɔmba Dɛm 23:13

Belak tɛl Belam fɔ go wit am na ɔda pat usay i go ebul si dɛn; I tɛl Belam se na sɔm pan dɛn nɔmɔ i go si. I se Belam nɔ go si dɛn ɔl bɔt i fɔ ib di swɛ pan dɛn na da say de fɔ am.

Di Nɔmba Dɛm 23:27

Dɛn Belak tɛl Belam se i go kɛr am go ɔda say. I se sɔntɛm PAPA GƆD go gladi fɔ mek Belam ib swɛ pan di pipul dɛn fɔ am na da say de.