Di Nɔmba Dɛm 22:36 - Krio Fɔs Oli Baybul

³⁶ Wɛn Kiŋ Belak yɛri se Belam kam, i go mit am na rod na wan Moabayt siti we de na Anɔn bɔda insay in kɔntri.

Di Nɔmba Dɛm 22:36 Referans Kwoze

Apɔsul Dɛn Wok 28:15

Wɛn di Kristiɛn dɛn na Rom yɛri se wi de kam na Rom, sɔm mit wi na di makit na Apiɔs ɛn sɔm mit wi na wan ples we nem Tri Trenja Os. Wɛn Pɔl si dɛn, dat kɔrej am, i tɛl Gɔd tɛnki.

Jɛrimaya 48:20

Moab dɔn shem, bikɔs i dɔn broko broko; ala kray! Una anawns am nia Riva Anɔn se, Moab dɔn tɔn gud fɔ natin ples.

Ayzaya 16:2

Lɛk bɔd dɛn we de flay flay, lɛk we bɔd pikin dɛn we nɔ ebul flay yet, de difrɛn difrɛn say, na so Moab in gyal pikin dɛn de usay di wata shala na Riva Anɔn.

Di Jɔj Dɛm 11:18

Nain dɛn go rawnd Idɔm ɛn Moab, ɛn kam bɔs na di ist pat na Moab. I se dɛn bin kamp na di ɔda pat na Riva Anɔn bɔt dɛn nɔ bin go insay Moab, bikɔs na Riva Anɔn na dɛn bawndri.

Ditarɔnɔmi 3:8

Mozis se na di sem tɛm dɛn bin kapchɔ di tu land dɛn na tu Amɔrayt kiŋ dɛn an biɛn Riva Jɔdan, frɔm Anɔn Vali te rich Mawnt Amɔn.

Ditarɔnɔmi 2:24

Mozis tɛl di Izrɛlayt dɛn se PAPA GƆD se dɛn fɔ pak dɛn tiŋs dɛn lɛ dɛn go krɔs Riva Anɔn fɔ go fɛt Sayɔn, we na di Amɔrayt dɛn kiŋ na Ɛshbɔn. I se dɛn fɔ fɛt am ɛn kapchɔ in land ɛn tek am fɔ dɛnsɛf, bikɔs in dɔn gi dɛn pawa fɔ bit an.

Ɛksodɔs 18:7

Mozis insɛf go mit in fadɛnlɔ, i lidɔm na grɔn fɔ sho rɛspɛkt ɛn kis am nain jɔ; dɛn aks dɛnsɛf aw dɛn de du, dɔn dɛn go insay Mozis in tɛnt.

Jɛnɛsis 46:29

Josɛf dɔn rɛdi in ɔs ɛn karej ɛn go de go mit in dadi Izrɛl. As Josɛf rich to in dadi so, i grip am ɛn kray fɔ lɔŋ pan am wit gladi.

Jɛnɛsis 18:2

I es in ed ɔp ɛn si tri man dɛn tinap bifo am. We i si dɛn, i grap kwik go mit dɛn ɛn butu in fes na grɔn.

Jɛnɛsis 14:17

We Ebram dɔn bit Kiŋ Kɛdɔlaoma ɛn di ɔda kiŋ dɛn, di kiŋ na Sɔdɔm bin go mit am na di vali na Shavɛ we dɛn kin kɔl Kiŋ in Vali.

1 Samiɛl 13:10

As i dɔn so, nain Samiɛl kam ɛn Sɔl go fɔ tɛl am adu.

Di Nɔmba Dɛm 22:35

PAPA GƆD in enjɛl tɛl am se i kin go wit di man dɛn bɔt na wetin i tɛl am fɔ tɔk nɔmɔ Belam fɔ tɔk. So Belam go wit di man dɛn.

Di Nɔmba Dɛm 22:37

Belak aks Belam wetindu i nɔ bin kam we i bin sɛn fɔ am ɔjɛnt wan. I se if Belam min to se i nɔ ebul pe am bɛtɛ.