Di Nɔmba Dɛm 22:31 - Krio Fɔs Oli Baybul

³¹ Na da tɛm de PAPA GƆD opin Belam in yay fɔ si wetin de apin. I si PAPA GƆD in enjɛl tinap midul di rod wit in sɔd lɛkɛ udat rɛdi fɔ fɛt. As i si am so, i butu fɔ wɔship am.

Di Nɔmba Dɛm 22:31 Referans Kwoze

Jɛnɛsis 21:19

PAPA GƆD mek Ega si wan say we wata de bɔs ɔnda di grɔn. Insɛf tek in wata rɔba, ful am, ɛn gi di bɔbɔ wata fɔ drink.

Apɔsul Dɛn Wok 26:18

Yu fɔ opin dɛn yay; yu fɔ pul dɛn kɔmɔt na dak ɛn briŋ dɛn kam na layt. Yu fɔ pul dɛn kɔmɔt ɔnda Setan in pawa ɛn briŋ dɛn kam to Gɔd. Bikɔs dɛn biliv pan mi, Gɔd go padin dɛn sin, ɛn dɛn go de na di ples we dɛn pipul we Gɔd dɔn pik, go de.’

Lyuk 24:31

Wɛn Jizɔs du dat, wantɛm i tan lɛkɛ dɛn yay opin, dɛn no se na Jizɔs insɛf de wit dɛn, bɔt da sem tɛm de, Jizɔs jɛs lɔs pan dɛn.

Lyuk 24:16

Di tu man dɛn si Jizɔs, bɔt i tan lɛkɛ se sɔntin nɔ mek dɛn no se nain.

Jɔn 18:6

Wɛn Jizɔs se, “Na mi dis,” di pipul dɛn kip bak ɛn fɔdɔm na grɔn.

Di Sam Dɛm 9:20

PAPA GƆD mek di neshɔn dɛn fred yu. Mek lɛ dɛn no se, dɛn na ɔdinari mɔtalman.

1 Kronikuls 21:16

Devid es in yay ɛn in i si PAPA GƆD in enjɛl tinap midul di skay, ɛn i bin ol wan sɔd nain an we i tret oba Jerusɛlɛm. Nain Devid ɛn di bigman dɛn we bin wɛr saklɔth ɛn butu dɛn fes na grɔn.

Di Nɔmba Dɛm 24:16

Na pɔsin we de yɛri wetin PAPA GƆD de se de tɔk dis mɛsej, we no bɔt PAPA GƆD Ɔlmayti, pɔsin we kin si aw PAPA GƆD want mek i si, pɔsin we de lidɔm bifo PAPA GƆD ɛn we PAPA GƆD de opin in yay.

Di Nɔmba Dɛm 24:4

Na pɔsin we de yɛri wetin PAPA GƆD de se de tɔk dis mɛsej, pɔsin we kin si aw PAPA GƆD Ɔlmayti want mek i si, pɔsin we de lidɔm na grɔn bifo PAPA GƆD ɛn we PAPA GƆD de opin in yay:

Ɛksodɔs 34:8

Mozis kwik kwik wan butu na grɔn ɛn wɔship PAPA GƆD.

Di Nɔmba Dɛm 22:30

Nain di dɔŋki aks Belam if nɔto in na di dɔŋki we Belam bin de rayd ɔl di tɛm. I se, “A dɔn ɛva du yu so? Belam ansa am se nɔ.

Jɔshwa 5:13

Wande we Jɔshwa ɛn in pipul dɛn bin stil kamp nia Jɛriko, Jɔshwa jɔs si wan man we ol sɔd tinap bifo an, so Jɔshwa go mit am ɛn aks am se if i de fɔ dɛn ɔ i nɔ de fɔ dɛn.

Jɔshwa 5:14

Nain di man ansa an se nɔ o, a kam ya bikɔs mi na di kɔmanda fɔ PAPA GƆD in ami. Nain Jɔshwa butu na grɔn ɛn wɔship am ɛn aks am se, na wetin in go wan lɛ i du.