Di Nɔmba Dɛm 22:12 - Krio Fɔs Oli Baybul

¹² Bɔt PAPA GƆD tɛl Belam se, “Nɔ go wit di mɛsenja dɛn. Yu nɔ go ebul ib swɛ pan dɛn pipul de bikɔs dɛn gɛt blɛsin.

Di Nɔmba Dɛm 22:12 Referans Kwoze

Lɛta Fɔ Ɛfisɔs 1:3

Lɛ wi prez Gɔd we na Masta Jizɔs Krays in Papa, bikɔs i dɔn blɛs wi we gɛt wanwɔd wit Krays wit ɔl dɛn blɛsin we de na ɛvin.

Ditarɔnɔmi 23:5

PAPA GƆD we na dɛn PAPA GƆD bin lɛk dɛn so i nɔ bin lisin to Belam, bifo dat, PAPA GƆD we na dɛn PAPA GƆD bin tɔn di swɛ to blɛsin.

Lɛta Fɔ Rom 11:29

Dɛn pipul we Gɔd dɔn pik, i dɔn pik dɛn; ɛn di blɛsin we i dɔn gi dɛn, i dɔn gi dɛn. Gɔd nɔ de chenj.

Jɛnɛsis 12:2

A go mek yu jɛnareshɔn bɔku te dɛn bi wanol neshɔn. A go blɛs yu ɛn mek yu femɔs, ɛn yu go bi blɛsin to ɔda pipul dɛn.

Ditarɔnɔmi 33:29

Di pipul dɛn na Izrɛl na pipul dɛn we gɛt lɔk! Nɔn ɔda neshɔn nɔ tan lɛkɛ dɛn. Na PAPA GƆD insɛf de fɛt fɔ dɛn, I de kɔba dɛn ɛn mek dɛn win dɛn fɛt dɛn! Dɛn ɛnimi dɛn go beg dɛn lɛ dɛn nɔ kil dɛn, bɔt dɛn go kapchɔ dɛn ɛnimi dɛn land ɛn waka fri wande.

Matyu 27:19

Wɛn Paylet sidɔm na di chia fɔ jɔj Jizɔs, Paylet in wɛf sɛn tɛl am se, “Nɔ gɛt natin fɔ du wit dis man we de waka tret, bikɔs las nɛt di drim we a drim bɔt am bin wɔri mi tumɔs.”

Mayka 6:5

Mi pikin dɛn, una mɛmba wetin Belak, di kiŋ na Moab bin plan fɔ una ɛn aw Belam we na Beɔ in bɔypikin bin ansa am. Una mɛmba wetin bin apin na rod we una kɔmɔt Akesia fɔ go Gilgal. If una ebul mɛmba dɛn tin ya, una go mɛmba wetin PAPA GƆD du fɔ sev una.”

Di Sam Dɛm 146:5

Di pɔsin, we gɛt di PAPA GƆD we Jekɔb bin de wɔship fɔ ɛp am gɛt blɛsin, i de abop pan PAPA GƆD, di waŋren PAPA GƆD, we nain i de wɔship,

Di Sam Dɛm 144:15

Di pipul we go gɛt dɛn blɛsin ya go gladi; dɛn go gladi mɔ we na yu na PAPA GƆD, di PAPA GƆD we dɛn de wɔship.

Di Nɔmba Dɛm 23:23

Nɔn majik nɔ de we go wok pan Izrɛl in pipul dɛn ɔ nɔbɔdi nɔ go ebul lukgrɔn fɔ di Izrɛlayt dɛn. Ɔlman go tɔk bɔt wetin PAPA GƆD dɔn du fɔ di Izrɛlayt dɛn.

Di Nɔmba Dɛm 23:3

Dɔn Belam tɛl Belak lɛ i wet fɔ am usay dɛn mek di sakrifays. I se in go go na kɔna, sɔntɛm PAPA GƆD go go mit am de ɛn ɛnitin we i tɛl am, in go tɛl Belak. Na so in wan tek go ɔp wan il.

Di Nɔmba Dɛm 22:6

I se Belam fɔ kam ib swɛ pan dɛn fɔ am bikɔs in nɔ ebul dɛn. I se dɛn gɛt pawa pas am bɔt sɔntɛm we Belam ib di swɛ pan dɛn, i go ebul fɛt dɛn ɛn bit dɛn dɔn i go drɛb dɛn kɔmɔt nain kɔntri. I sɛn to Belam se in no se ɛnibɔdi we i ib swɛ pan go gɛt swɛ ɛn ɛnibɔdi we i blɛs go gɛt blɛsin.

Di Nɔmba Dɛm 22:11

sɔm pipul dɔn kɔmɔt Ijipt we de ɔlsay na di land. I se Belak kɔl am fɔ go ib swɛ pan di pipul dɛn fɔ am ɛn sɔntɛm da tɛm de i go ebul fɛt dɛn ɛn drɛb dɛn.

Di Nɔmba Dɛm 22:13

Di nɛks de mɔnin, Belam grap ɛn tɛl di bigman dɛn we Belak sɛn se lɛ dɛn go bak saful bikɔs PAPA GƆD nɔ gri mek i go wit dɛn.

Di Nɔmba Dɛm 23:8

Aw mi fɔ ebul ib swɛ pan udat PAPA GƆD nɔ swɛ? Aw a go ebul mek dɛn alaki if PAPA GƆD nɔ mek dɛn alaki?

Di Nɔmba Dɛm 24:9

I kin mek lɛk we layɔn kin lidɔm fɔ slip lɛkɛ uman layɔn we nɔbɔdi nɔ kres fɔ wek am. Lɛ udat blɛs dɛn, gɛt blɛsin ɛn lɛ swɛ fala ɔl udat ib swɛ pan dɛn.

Ditarɔnɔmi 2:7

Mozis mɛmba dɛn se PAPA GƆD bin de blɛs ɔltin we dɛn bin de du ɛn ɔl di fɔti ia we dɛn de waka, dɛn nɔ slip aŋri wande; I bin de du ɔltin fɔ dɛn we dɛn bin de na di ɛmti ples we pipul nɔ go ebul tap.

Ditarɔnɔmi 7:14

Mozis se dɛn layf go bɛtɛ pas ɔl ɔda neshɔn dɛn na di wɔl, ɛn okobo ɛn uman we nɔ de bɔn, nɔ go de pan dɛn ɔ dɛn animal dɛn.

Ditarɔnɔmi 28:6

Blɛsin go de pan ɛnitin we dɛn put an pan.

2 Kronikuls 31:10

Azaraya di men Man dɛn we de mek sakrifays fɔ pipul sin we kɔmɔt na Zedɔk in fmaili ansa am se, “Frɔm we dɛn begin fɔ briŋ kɔmtribyushɔn dɛm kam na PAPA GƆD in os wi dɔn it ɛn bɛlful ɛn plɛnti lɛf. Bikɔs PAPA GƆD blɛs in pipul dɛm so wi gɛt dɛn bɔku bɔku tin dɛn ya.

Ayzaya 61:9

Dɛn go no dɛn jɛnareshɔn dɛn na di neshɔn dɛm, ɛn di difrɛn difrɛn pipul dɛm na di wɔl, go no dɛn pikin dɛm; ɔl udat si dɛm go no dɛn se, na dɛn na di pipul dɛn we PAPA GƆD dɔn blɛs.