Di Nɔmba Dɛm 21:4 - Krio Fɔs Oli Baybul

⁴ Dɛn bin de waka kɔmɔt na Mawnt Ɔ bay di rod fɔ go na di Rɛd Si so dat dɛn nɔ go pas insay Idɔm. Bɔt we di pipul dɛn nɔ ebul bia na rod igen,

Di Nɔmba Dɛm 21:4 Referans Kwoze

Ɛksodɔs 6:9

We Mozis tɛl di Izrɛlayt dɛn wetin PAPA GƆD se, dɛn nɔ lisin to am sɛf. Dɛn at bin pwɛl bikɔs ɔf aw dɛn bin de sɔfa lɛkɛ slev.

Di Jɔj Dɛm 11:18

Nain dɛn go rawnd Idɔm ɛn Moab, ɛn kam bɔs na di ist pat na Moab. I se dɛn bin kamp na di ɔda pat na Riva Anɔn bɔt dɛn nɔ bin go insay Moab, bikɔs na Riva Anɔn na dɛn bawndri.

Di Nɔmba Dɛm 32:7

I tɛl dɛn se dɛn want fɔ pwɛl dɛn kɔmpin Izrɛlayt dɛn at ɛn mek dɛn nɔ go oba na di land we PAPA GƆD dɔn gi dɛn.

Apɔsul Dɛn Wok 14:22

Pɔl ɛn Banabas kɔrej di pipul dɛn we bin biliv pan Jizɔs ɛn dɛn tɛl dɛn mek dɛn biliv pan Jizɔs mɔ ɛn mɔ. Pɔl ɛn Banabas tɛl di pipul dɛn se, “Ɔlman we biliv pan Jizɔs gɛt fɔ sɔfa plɛnti na dis wɔl fɔ mek dɛn go de ɔnda Gɔd in rul.”

Di Nɔmba Dɛm 33:41

Dɛn lɛf Mawnt Ɔ go kamp na Zalmona.

Di Nɔmba Dɛm 32:9

I tɛl dɛn bɔt aw afta dɛn bin dɔn pas na di Ɛshkɔl Vali fɔ wach di land, dɛn pwɛl di ɔda Izrɛlayt dɛn at ɛn nɔ mek dɛn want fɔ go na di land we PAPA GƆD bin dɔn gi dɛn.

Ditarɔnɔmi 1:40

Mozis tɛl di Izrɛlayt dɛn se lɛ dɛn jɔs tɔn bak go na di ɛmti ples we pipul nɔ go ebul tap ɛn fala di rod we de go na di Rɛd Si.

Di Nɔmba Dɛm 20:27

Mozis du wetin PAPA GƆD se. Dɛn go ɔp Mawnt Ɔ usay ɔl di Izrɛlayt dɛn go si dɛn ɛn

Di Nɔmba Dɛm 14:25

As di Amalɛkayt dɛn ɛn di Kenanayt dɛn tap na di vali dɛn, una tɔn bak tumara ɛn pas bay di ɛmti land we pɔsin nɔ go ebul tap na di sem rod fɔ go na di Rɛd Si.

Ditarɔnɔmi 2:1

Mozis se, we dɛn bin tɔn go bak na di ɛmti ples we pɔsin nɔ go ebul tap, dɛn bin go to di Rɛd Si jɛs lɛk aw PAPA GƆD bin se dɛn fɔ waka. Dɛn bin jɛs de go rawnd di il dɛn na Idɔm.

2 Kiŋ 3:8

Kiŋ Jɛoshafat aks Kiŋ Joram us rod dɛn fɔ yuz fɔ atak. Joram ansa am se lɛ dɛn yuz di land we pɔsin nɔ de tap na Idɔm.