Di Nɔmba Dɛm 21:29 - Krio Fɔs Oli Baybul

²⁹ E Moab, una alaki! Di pipul dɛn na Kimɔsh, una dɔn dɔn! I dɔn mek in bɔypikin dɛn rɔnawe ɛn Kiŋ Sayɔn, di kiŋ fɔ di Amɔrayt dɛn dɔn kech ɔl in gyal pikin dɛn.

Di Nɔmba Dɛm 21:29 Referans Kwoze

Jɛrimaya 48:46

Swɛ dɔn fɔdɔm pan yu, Yu Moab! Di pipul dɛm na Chɛmɔsh, dɔn dɔn; bikɔs dɛn dɔn kapchɔ una bɔypikin, ɛn go tek yu gyalpikin dɛm mek slev.

2 Kiŋ 23:13

Josaya pwɛl di ɔlta dɛn we Kiŋ Sɔlɔmɔn bin bil na di ist pat na Jerusɛlɛm na Mawnt Ɔliv fɔ de wɔship da dɔti Ashtorɛt we dɛn Sidonian dɛn de wɔship ɛn da dɔti Kɛmɔsh we dɛn Moabayt dɛn de wɔship ɛn di ɔda dɔti Molɛk we dɛn Amonayt dɛn de wɔship.

Di Jɔj Dɛm 11:24

I mek dɛn aks am igen se if i nɔ go tek wetin Chɛmɔsh we na dɛn gɔd gi am. I se so dɛn de kip ɔl wetin PAPA GƆD we na dɛn PAPA GƆD dɔn gi dɛn.

Jɛrimaya 48:7

Wetindu, na bikɔs una bin abop pan una ples dɛn we una de ayd ɛn pan una jɛntri, dɛn go kapchɔ yusɛf; ɛn Chɛmɔsh go go ɛgzayl wit in man dɛm we de mek sakrifays fɔ pipul sin, ɛn dɛn bigman dɛm.

1 Kiŋ 11:33

I se wetin mek in de du dat na bikɔs dɛn dɔn kɔmɔt to am ɛn go wɔship Ashtorɛt, dɛn Sidonian dɛn gɔd wit Kɛmɔsh, dɛn Moabayt yon gɔd, ɛn Molɛk, dɛn Amonayt dɛnsɛf yon gɔd. I se dɛn nɔ du wetin i tɛl dɛn, ɛn sɛf nɔ obe in lɔ we Sɔlɔmɔn in papa Devid bin de obe.

1 Kiŋ 11:7

Na pantap wan il na Jerusɛlɛm Sɔlɔmɔn bil ples fɔ de wɔship Kɛmɔsh, dat na di Moabayt dɛn yon gɔd, di ɔda gɔd we PAPA GƆD et bad bad wan. I bin bil ples bak fɔ di ɔda gɔd we nem Molɛk, di Amonayt dɛn gɔd we PAPA GƆD bin et insɛf bad bad wan.

Jɛrimaya 48:13

Datɛnde, Moab go shem fɔseka Chɛmɔsh, lɛkɛ aw Izrɛl bin bi shem fɔseka Bɛtɛl, we dɛn bin biliv bad bad wan.

Ayzaya 16:2

Lɛk bɔd dɛn we de flay flay, lɛk we bɔd pikin dɛn we nɔ ebul flay yet, de difrɛn difrɛn say, na so Moab in gyal pikin dɛn de usay di wata shala na Riva Anɔn.

Ayzaya 15:5

Mi at de kray fɔ Moab; di wan dɛn we rɔnawe, runawe go Zoa, ɛn Ɛglat Shɛlishia. Bikɔ, na di rod fɔ klem go Luit, dɛn de kray we dɛn de go ɔp; na di rod fɔ go Orɔnaim dɛn de ala se, dɛn yon dɔn dɔn;

Di Nɔmba Dɛm 24:17

A de si am, bɔt nɔto naw: a de luk am, bɔt i de fa. Wan sta go kɔmɔt na Izrɛl in jɛnareshɔn ɛn i go bi kiŋ na Izrɛl. I go bit di Moabayt lida dɛn ɛn brok dɛn wan we de kak dɛn fɛda dɔŋ.

Jɛrimaya 48:45

“Pipul dɛn we de rɔnawe de sidɔm nia Ɛshbɔn ɛlplɛs wan; bikɔs faya dɔn kɔmɔt na Ɛshbɔn, faya we kɔmɔt na Siɔn in os; i dɔn nyakanyaka Moab in fɔrɛd, we na bɔypikin dɛn we de kɔz kɔnfyushɔn, dɛn krawn.