Di Nɔmba Dɛm 21:25 - Krio Fɔs Oli Baybul

²⁵ Izrɛl kapchɔ ɔl di Amɔrayt dɛn siti dɛn ɛn tap de. Ɛshbɔn ɛn ɔl di ɔda siti dɛn we de rawnd am bin miks pan di siti dɛn.

Di Nɔmba Dɛm 21:25 Referans Kwoze

Emɔs 2:10

A pul una kɔmɔt Ijipt ɛn mek una pas na di ɛmti land we pɔsin nɔ go ebul tap fɔ foti ia fɔ mek a go gi una di Amɔrayt dɛn land.

Izikɛl 16:53

“A go gi dɛn ɔl dɛn jɛntri bak, ɔl wetin Sɔdɔm ɛn in gyal pikin dɛn bin gɛt, ɛn ɔl wetin Sameria ɛn in gyal pikin dɛn bin gɛt, ɛn a go gi dɛn ɔl wetin una fɔ gɛt,

Izikɛl 16:49

Na dis yu sista Sɔdɔm gilti bɔt; in ɛn in gyal pikin dɛn bin prawd, dɛn bin gɛt tumɔs fɔ it ɛn bin gɛt alafia, bɔt dɛn nɔ bin ɛp di po wan dɛn ɛn di wan dɛm we kin want sɔntin bad bad wan na layf.

Izikɛl 16:46

Ɛn Sameria na yu big sista, we bin tap wit in gyal pikin dɛn, na di nɔt pat to una, ɛn Sɔdɔm na yu smɔl sista, we in ɛn in gyal pikin dɛn de na di sawt pat to una.

Jɛrimaya 48:45

“Pipul dɛn we de rɔnawe de sidɔm nia Ɛshbɔn ɛlplɛs wan; bikɔs faya dɔn kɔmɔt na Ɛshbɔn, faya we kɔmɔt na Siɔn in os; i dɔn nyakanyaka Moab in fɔrɛd, we na bɔypikin dɛn we de kɔz kɔnfyushɔn, dɛn krawn.

Jɛrimaya 48:34

“Ɛshbɔn ɛn Ɛlealɛ ala lawd lawd wan; dɛn yɛri as fa as Jaaz, frɔm Zoa to Oronaim ɛn Ɛglat Shɛlishia. Bikɔs di watasay dɛm na Nimrim dɔn tɔn ɛmti ples.

Jɛrimaya 48:2

Di no we ɔlman bin no bɔt Moab, nɔ de igen. Na Ɛshbɔn dɛn plan bad fɔ am: ‘Kam, lɛ wi mek i nɔ bi neshɔn igen!’ Una sɛf, Una dɛn kresman dɛm, dɛn go mek una mɔt sɛt; wa go mit una ɔltɛm.

Ayzaya 15:4

Ɛshbɔn ɛn Ilɛelɛ bin ala, ɛn dɛn de yɛri dɛn vɔys sote rich Jeaz; so di Moab sojaman dɛn ala; in at trimbul.

Sɔlɔmɔn In Siŋ Dɛm 7:4

Yu nɛk tan lɛk ayvri tawa. Yu yay dɛn tan lɛk dɛn watasay na Ɛshbɔn, nia di get na Bat Rabim. Yu nos tan lɛk Libanɔn tawa, usay yu go tinap si Damaskɔs.

Ditarɔnɔmi 2:12

Na di Ɔrayt dɛn bin de de fɔs, bɔt na Isɔ in pikin dɛn bin go fɛt ɛn kil dɛn ɛn tek di land na dɛn an, jɔs lɛkɛ aw Izrɛl bin du fɔ tek di land we PAPA GƆD bin gi dɛn.

Di Nɔmba Dɛm 21:31

So Izrɛl sɛtul na di Amɔrayt dɛn land.

Di Nɔmba Dɛm 21:26

Ɛshbɔn na bin di big siti usay Kiŋ Sayɔn we na bin di Amɔrayt dɛn kiŋ bin tap, afta i bin dɔn fɛt wit di fɔstɛm kiŋ na Moab ɛn tek ɔl in land dɛn nain an te rich Anɔn.

Di Jɔj Dɛm 11:26

Jɛftha se Izrɛl dɔn de na Ɛshbɔn ɛn Aroa ɛn dɛn vilej fɔ tri ɔndrɛd ia, wetindu dɛn nɔ bin dɔn tek dɛn land dɛn de na dɛn an lɔntɛm.

Di Nɔmba Dɛm 32:3

Ataroth, Dibɔn, Jezɛ, Nimra, Ɛshbɔn, Ɛliaylɛ, Sebam, Nibo ɛn Biɔn,

Jɔshwa 24:8

Jɔshwa se PAPA GƆD se, in kɛr dɛn go na di Amɔrayt dɛn land. I se di Amɔrayt dɛn fɛt dɛn bɔt in mek dɛn bit di Amɔrayt dɛn ɛn kapchɔ dɛn land, ɛn di Izrɛlayt dɛn no bɔt ɔl dat.