Di Nɔmba Dɛm 20:15 - Krio Fɔs Oli Baybul

¹⁵ Aw dɛn lɔntɛm pipul bin go na Ijipt ɛn dɛn ɔl bin tap de fɔ lɔŋ. Aw di Ijipshian dɛn bin trit dɛn ɛn dɛn fɔstɛm-papa dɛn bad,

Di Nɔmba Dɛm 20:15 Referans Kwoze

Ditarɔnɔmi 26:6

Bɔt di Ijipshian dɛn nɔ bin trit dɛn gud atɔl; dɛn bin tɔn dɛn slev, bit dɛn ɛn mek dɛn wok fɔ dɛn lɛk dɔg.

Ɛksodɔs 12:40

Di Izrɛlayt dɛn bin de na Ijipt fɔ fo ɔndrɛd ɛn tati ia,

Jɛnɛsis 46:6

Dɛn tek ɔl dɛn animal ɛn di prɔpati we dɛn bin dɔn gɛt na Kenan go wit dɛn na Ijipt. Jekɔb bin kɛr ɔl in fambul dɛn go wit am.

Apɔsul Dɛn Wok 7:15

Jekɔb go na Ijipt, ɛn na de in ɛn ɔl in pikin dɛn de sote dɛn ɔl day.

Jɛnɛsis 15:13

Nain PAPA GƆD tɛl am se, “No naw fɔ tru tru se, yu jɛnareshɔn dɛn go bi trenja na ɔda kɔntri; dɛn go bi slev de ɛn dɛn go trit dɛn bad fɔ fo ɔndrɛd ia.

Apɔsul Dɛn Wok 7:19

Dis nyu kiŋ ya tek advantej pan wi pipul dɛn ɛn i mek wi pipul dɛn sɔfa bad. I fos wi grampapa papa dɛn fɔ trowe dɛn pikin na do, mek di pikin dɛn go day.

Di Nɔmba Dɛm 16:13

Dɛn se if i nɔ du so, we i pul dɛm na di say we dɛn bin de we fayn fɔ plant ɛn fɔ mɛn animal, ɛn briŋ dɛn fɔ kam day na di ɛmti land we pɔsin nɔ go ebul tap. Dɛn se naw Mozis wan mek lɛk bɔs pan dɛn.

Di Nɔmba Dɛm 11:5

Dɛn se dɛn mɛmba di fish, di kɔkumba, di wata mɛlɔn, di lif yabas, ɔdinari yabas ɛn gyalik we dɛn bin de it na Ijipt we dɛn nɔ bin gɛt fɔ pe fɔ.

Ɛksodɔs 5:14

Dɛn bit di Izrɛlayt edman dɛn. Fɔ di wok bikɔs dɛn nɔ ebul fɔ mek di kota kle blɔk we dɛn bin de mek fɔs tɛm.

Ɛksodɔs 1:22

So mek di kiŋ gi ɔda to ɔl in pipul dɛn fɔ mek dɛn trowe ɛni bɔypikin we dɛn Ibru uman go bɔn na Riva Nayl, bɔt dɛn fɔ lɛf di gyal pikin dɛn fɔ liv.

Ɛksodɔs 1:16

I se we dɛn go ɛp di Ibru uman dɛn we wan bɔn, dɛn fɔ kil ɛni bɔypikin as dɛn bɔn am, bɔt if na gyal pikin, dɛn fɔ mek i liv.

Di Nɔmba Dɛm 20:14

Mozis sɛn mɛsenja dɛn kɔmɔt na Kedɛsh to di Kiŋ na Idɔm. I se mek dɛn tɛl am se in brɔda we na Izrɛl nain sɛn dɛn. I se lɛ i mɛmba ɔl di waala we dɛn na Izrɛl dɔn pas.

Di Nɔmba Dɛm 20:16

bɔt we dɛn kray to PAPA GƆD, i yɛri dɛn ɛn sɛn wan enjɛl we pul dɛn kɔmɔt na Ijipt. I se dɛn fɔ tɛl am se da tɛm de we dɛn de na Kedɛsh so dɛn de nain kɔntri in bɔda,

Jɛnɛsis 46:7

I kɛr in bɔy ɛn gyal pikin dɛn ɛn dɛn pikin dɛn.

2 Samiɛl 12:18

Afta sɛvin de, di pikin day. Devid in wokman dɛn bin de fred fɔ tɛl am se di pikin dɔn day. Dɛn tɛl dɛnsɛf se di wan we di pikin nɔ day yet we dɛn de tɔk to Devid i nɔ yɛri, nɔto we di pikin dɔn day i go lisin to dɛn. Dɛn fred se Devid go du sɔntin we dɛn nɔ go lɛk.