Di Nɔmba Dɛm 20:14 - Krio Fɔs Oli Baybul

¹⁴ Mozis sɛn mɛsenja dɛn kɔmɔt na Kedɛsh to di Kiŋ na Idɔm. I se mek dɛn tɛl am se in brɔda we na Izrɛl nain sɛn dɛn. I se lɛ i mɛmba ɔl di waala we dɛn na Izrɛl dɔn pas.

Di Nɔmba Dɛm 20:14 Referans Kwoze

Ditarɔnɔmi 23:7

Mozis tɛl di Izrɛlayt dɛn se, dɛn nɔ fɔ luk dɔŋ pan di Idɔmayt dɛn, bikɔs dɛn na dɛn fambul. Di Ijipshian dɛn na ɔda wan dɛn we dɛn nɔ fɔ luk dɔŋ pan; I se dɛn fɔ mɛmba se dɛn bin dɔn de na dɛn kɔntri.

Malakay 1:2

PAPA GƆD se in bin lɛk Izrɛl. Bɔt dɛn de aks am se aw i lɛk dɛn. I se i wan mek dɛn no se pan ɔl we Isɔ ɛn Jekɔb na brɔda, na Jekɔb in lɛk,

Jɔshwa 9:9

Dɛn ansa Jɔshwa se dɛn si dɛnsɛf lɛkɛ Jɔshwa dɛn slev dɛn ɛn kɔmɔt na wan fawe kɔntri. Dɛn kam fɔseka PAPA GƆD bikɔs dɛn dɔn yɛri bɔt an ɛn ɔl wetin i dɔn du na Ijipt,

Ɛksodɔs 18:8

Mozis ɛksplen to Jɛthro ɔl wetin PAPA GƆD du di kiŋ na Ijipt ɛn di Ijipshian dɛn fɔseka di Izrɛlayt dɛn. I tɛl am bɔt ɔl di prɔblɛm we dɛn gɛt na rod ɛn aw PAPA GƆD sev dɛn.

Jɛnɛsis 25:23

PAPA GƆD ansa am se, “Wande wande, di bɔypikin dɛn na yu bɛlɛ go bi tu neshɔn we nɔ go ɛva gri. Wan pan dɛn go trɔŋ pas in kɔmpin. Di big wan in yon jɛnareshɔn go de ɔnda di smɔl wan in yon jɛnareshɔn.”

Di Nɔmba Dɛm 13:26

Dɛn go bak to Mozis ɛn Erɔn ɛn di wanol Izrɛlayt kɔmyuniti we bin de nia Kedɛsh na di ɛmti land we pɔsin nɔ go ebul tap na Paran. Dɛn ripɔt to ɔlman ɛn sho dɛn di frut dɛn we dɛn briŋ kam.

Di Nɔmba Dɛm 20:15

Aw dɛn lɔntɛm pipul bin go na Ijipt ɛn dɛn ɔl bin tap de fɔ lɔŋ. Aw di Ijipshian dɛn bin trit dɛn ɛn dɛn fɔstɛm-papa dɛn bad,

Di Nɔmba Dɛm 20:22

Di wanol Izrɛlayt kɔmyuniti kɔmɔt na Kedɛsh go na Mawnt Ɔ.

Jɔshwa 2:9

ɛn tɛl dɛn se in no se, PAPA GƆD dɔn gi Izrɛl di land, ɛn bikɔs di pipul dɛn na Kenan de fred dɛn, dat dɔn mek dɛn fil lɛkɛ kripul dɛn bifo Izrɛl.

Jɔshwa 2:10

Reab se dɛn bin dɔn yɛri bɔt aw PAPA GƆD mek di rɛd si dray lɛ di Izrɛlayt dɛn krɔs. I se dɛn bin yɛri igen bɔt aw dɛn bin nyakanyaka dɛn tu Amorayt kiŋ, Sayɔn ɛn Og we bin de na di ist pat na Riva Jɔdan.

Jɔshwa 9:10

wetin i bin du di tu Amorayt kiŋ; Kiŋ Sayɔn na Ɛshbɔn ɛn Kiŋ Og fɔ Beshan we bin tap na Ashtarɔt na di ist pat na Riva Jɔdan.

Emɔs 1:11

PAPA GƆD tɔk se: “Di pipul na Idɔm dɔn sin bɔku bɔku, ɛn a mɔs pɔnish dɛn fɔ dat. Dɛn grap go tek sɔd de rɔnata ɛn kil di Izrɛlayt dɛn we na dɛn brɔda, dɛn nɔ sho lɔv lɛk fɔ se dɛn na brɔda dɛn. Dɛn se dɛn vɛks, so dɛn nɔ bisin if dɛn na brɔda ɔ nɔto brɔda.

Jɛnɛsis 25:25

Di fɔs wan in bɔdi bin rɛd, soso ia bin kɔba in wanol bɔdi. Pɔsin go min se na klos i wɛr, so dɛn gi am nem Isɔ.

Jɛnɛsis 25:26

We di sɛkɛn wan bɔn, in grip Isɔ nain bakfut, so dɛn gi am nem Jekɔb. Ayzak bin ol siksti ia we Ribɛka bɔn dɛn twin ya.

Jɛnɛsis 32:29

Nain Jekɔb aks di man, wetin nain yon nem Bɔt di man aks am wetin mek i want fɔ no in yon nem. Dɔn i blɛs Jekɔb de.