Di Nɔmba Dɛm 19:19 - Krio Fɔs Oli Baybul

¹⁹ Na di tɔd de ɛn di de we mek sɛvin, di man we klin fɔ sprinkul di man we nɔ klin ɛn na di de we mek sɛvin i fɔ klin. Di pɔsin we dɛn de mek klin fɔ was in klos ɛn was wit di wata bɔt i nɔ go klin na PAPA GƆD yay te ivintɛm.

Di Nɔmba Dɛm 19:19 Referans Kwoze

Jɔn In Fɔs Lɛta 1:7

Bɔt if wi de waka na di layt lɛkɛ we in na di layt, wi jɔyn an wit wi kɔmpin dɛn; Gɔd in Pikin, dat na Jizɔs, in blɔd go pul ɔl wi sin kɔmɔt pan wi ɛn mek wi klin.

Di Ibru Pipul Dɛn 10:22

So, lɛ wi biliv pan Jizɔs Krays gud wan; lɛ wi kam klos Gɔd wit ɔl wi at, bikɔs Jizɔs in blɔd dɔn klin wi at; ɛn wi na pipul we dɔn was wi bɔdi na di klin wata.

Izikɛl 36:25

A go sprinkul klin wata pan una, ɛn una go klin pan ɔl una dɔti dɛm, ɛn a go was una klin pan ɔl una lay lay gɔd dɛm.

Di Nɔmba Dɛm 19:12

I fɔ was wit di wata di de we mek tri ɛn di de we mek sɛvin dɔn i go klin. If i nɔ was wit di wata di de we mek tri ɛn di de we mek sɛvin, dɔn i nɔ go klin.

Lɛvitikɔs 14:9

Afta di sɛvin de dɔn pas i go krep in ed bak, shev in biabia, ɛn pul ɔl di ia we de nain yay. Dɛn i go was in klos dɛn ɛn was in bɔdi bak bifo i klin prɔpa wan na PAPA GƆD yay.

Jud In Lɛta 1:23

Una fɔ drɔ sɔm pipul kwik kɔmɔt na di faya ɛn sev dɛn; una fɔ tek tɛm we una de tek sɔri at ɛp sɔm pipul, una nɔ fɔ mek di klos sɛf we dɛn wɛr wɛn dɛn de pan sin tɔch una bɔdi, dat min se una nɔ fɔ go klos ɛnibɔdi we de du bad.

Taytɔs 2:14

I sakrifays in layf fɔ pul wi kɔmɔt pan di bad ɛn dɔti layf we wi bin liv, fɔ mek wi klin so dat wi go bi in yon pipul dɛn we want du wetin gud wit ɔl wi at.

Di Nɔmba Dɛm 31:19

I se ɛnibɔdi we dɔn kil pɔsin ɔ tɔch ɛnibɔdi we dɛn kil, fɔ kɔmɔt na di kamp fɔ sɛvin de. Di de we mek tri ɛn di de we mek sɛvin, dɛn fɔ was dɛnsɛf ɛn di wan we dɛn kapchɔ we de wit dɛn, mek dɛn go klin na PAPA GƆD yay.

Jɛnɛsis 2:2

Bay di tɛm we di de we mek sɛvin rich, PAPA GƆD bin dɔn dɔn ɔl wetin i bin de du, so i blo da de de.

Ɛksodɔs 19:10

PAPA GƆD tɔk bak to Mozis, I se, “Go dɔŋ to di pipul dɛn ɛn tɛl dɛn se lɛ dɛn kip dɛnsɛf piɔ ɛn oli. Dɛn fɔ du dat tide ɛn tumara: ɛn lɛ dɛn was dɛn klos ɛn

Di Nɔmba Dɛm 19:13

Ɛniwan we nɔ gri fɔ was insɛf fɔ klin na PAPA GƆD yay afta we i ol dedebɔdi, de bamfa PAPA GƆD in Tɛnt. Dɛn fɔ drɛb da pɔsin de mek i kɔmɔt na Izrɛl. Bikɔs dɛn nɔ sprinkul da wata we fɔ mek am klin pan am, i nɔ klin ɛn na so i go de as pɔsin we nɔ klin.

Di Nɔmba Dɛm 19:18

Dɛn wan man we klin na PAPA GƆD yay fɔ tek sɔm pan di Isɔp lif, dip am insay di wata ɛn sprinkul am na di tɛnt pan ɔl di tin dɛn we de de, ɛnibɔdi we de de ɛn pan ɛnibɔdi we dɔn tɔch mɔtalman bon ɔ ɛni grev ɔ sɔmbɔdi we dɛn dɔn kil ɔ sɔmbɔdi we day nachɔral wan.

Lɛvitikɔs 14:7

ɛn i go sprinkul am sɛvin tɛm pan di man we gɛt di bad sik; dɔn di man we de mek sakrifays fɔ pipul sin go lɛ ɔlman no se i klin na PAPA GƆD yay ɛn i go lɛf di layf bɔd fɔ flay go usay i want.

Di Nɔmba Dɛm 31:24

Di de we mek sɛvin, dɛn fɔ was dɛn klos dɛn fɔ klin na PAPA GƆD yay. Dɛn i se, da tɛm de dɛn kin go insay di kamp.