Di Nɔmba Dɛm 19:18 - Krio Fɔs Oli Baybul

¹⁸ Dɛn wan man we klin na PAPA GƆD yay fɔ tek sɔm pan di Isɔp lif, dip am insay di wata ɛn sprinkul am na di tɛnt pan ɔl di tin dɛn we de de, ɛnibɔdi we de de ɛn pan ɛnibɔdi we dɔn tɔch mɔtalman bon ɔ ɛni grev ɔ sɔmbɔdi we dɛn dɔn kil ɔ sɔmbɔdi we day nachɔral wan.

Di Nɔmba Dɛm 19:18 Referans Kwoze

Di Ibru Pipul Dɛn 9:14

If di bif dɛn blɔd bin gɛt pawa fɔ klin pipul, dat min se, Krays in blɔd gɛt pawa pas di bif dɛn blɔd fɔ klin wi at. I tek insɛf we nɔ sin wande, mek sakrifays fɔ wi, ɛn na Gɔd in Spirit we de sote go gi am pawa fɔ sakrifays insɛf. Fɔseka dat, Krays mek wi at klin, so dat wi nɔ go du bad igen we go mek wi day, bɔt wi go sav Gɔd we gɛt layf sote go.

Di Nɔmba Dɛm 19:9

Na wan man we klin fɔ gɛda di yɔŋ uman kaw in ashis ɛn put am na ples we klin na PAPA GƆD yay bɔt we nɔ de insay di kamp. Dɛn go kip am de fɔ mek di Izrɛlayt dɛn put am na wata we dɛn kin yuz fɔ was fɔ mek dɛn klin na PAPA GƆD yay. Na fɔ yuz am fɔ mek dɛnsɛf klin afta dɛn dɔn sin.

1 Kɔrint 1:30

Bɔt Gɔd dɔn mek una gɛt wanwɔd wit Jizɔs Krays; Gɔd dɔn mek Krays bi di sɛns we wi fɔ gɛt. Krays dɔn mek ɔltin rayt bitwin wi ɛn Gɔd, i dɔn mek wi bi Gɔd yon pipul ɛn i dɔn mek wi fri; na Gɔd mek Krays du ɔl dat.

Jɔn 17:19

Ɛn a gi yu mi layf fɔseka dɛn so dat dɛnsɛf go gi yu dɛn layf wit ɔl dɛn at.

Jɔn 17:17

Lɛ yu wɔd dɛn, we na tru mek dɛn bi yu yon pipul.

Di Sam Dɛm 51:7

Pul mi fɔlt pan mi ɛn was mi klin; mek a wayt lɛk shatin.

Di Ibru Pipul Dɛn 9:19

Lɔntɛm, Mozis bin tɛl ɔl di pipul dɛn ɔl di lɔ dɛn we Gɔd se dɛn fɔ fala. Mozis tɛl dɛn ɔl di lɔ dɛn fɔs, dɔn i tek gras we dɛn kɔl “isɔp” ɛn ship ia we dɛn kɔla wit rɛd, dɔk dɛn insay kaw blɔd ɛn insay wata, dɔn i ib ib am ɔlsay pan di Lɔ buk ɛn pan ɔl di pipul dɛn.

Di Nɔmba Dɛm 19:17

Fɔ put sɔm ashis we dɛn tek kɔmɔt pan di sakrifays we dɛn mek fɔ klin dɛnsɛf, insay wan jɔg ɛn put frɛsh wata pan am fɔ di pɔsin we nɔ klin na PAPA GƆD yay.

Di Nɔmba Dɛm 19:19

Na di tɔd de ɛn di de we mek sɛvin, di man we klin fɔ sprinkul di man we nɔ klin ɛn na di de we mek sɛvin i fɔ klin. Di pɔsin we dɛn de mek klin fɔ was in klos ɛn was wit di wata bɔt i nɔ go klin na PAPA GƆD yay te ivintɛm.

Ayzaya 52:15

na so i go shɔk plɛnti neshɔn dɛm; kiŋ dɛn go sɛt dɛn mɔt fɔseka am; bikɔs di tin we dɛn nɔ ɛva tɛl dɛn bɔt, dɛn go si, ɛn na di tin we dɛn nɔ yɛri bɔt wande, dɛn go ɔndastand.

Di Sam Dɛm 51:9

Pul mi sin kɔmɔt pan mi ɛn fɔgiv mi.