Di Nɔmba Dɛm 19:17 - Krio Fɔs Oli Baybul

¹⁷ Fɔ put sɔm ashis we dɛn tek kɔmɔt pan di sakrifays we dɛn mek fɔ klin dɛnsɛf, insay wan jɔg ɛn put frɛsh wata pan am fɔ di pɔsin we nɔ klin na PAPA GƆD yay.

Di Nɔmba Dɛm 19:17 Referans Kwoze

Rɛvɛleshɔn 7:17

bikɔs di Ship we de na di ples we di ay chia we kiŋ kin sidɔm, de, insɛf go de gyad dɛn lɛkɛ pɔsin we de mɛn ship. Nain go kɛr dɛn go na di say we da wata we de bɔs na grɔn we de gi layf, de. Gɔd go mek dɛn nɔ kray igen.”

Jɔn 7:38

Dɛn rayt na Gɔd in Buk se, ‘If ɛnibɔdi biliv pan mi, plɛnti plɛnti wata we de gi layf go de kɔmɔt insay in at, ɛn i nɔ go tap.’”

Sɔlɔmɔn In Siŋ Dɛm 4:15

Fawnten we de na gadin, wata wɛl we de gi layf, ɛn riva we de rɔndɔŋ kɔmɔt Libanɔn.

Di Nɔmba Dɛm 19:9

Na wan man we klin fɔ gɛda di yɔŋ uman kaw in ashis ɛn put am na ples we klin na PAPA GƆD yay bɔt we nɔ de insay di kamp. Dɛn go kip am de fɔ mek di Izrɛlayt dɛn put am na wata we dɛn kin yuz fɔ was fɔ mek dɛn klin na PAPA GƆD yay. Na fɔ yuz am fɔ mek dɛnsɛf klin afta dɛn dɔn sin.

Jɛnɛsis 26:19

Ayzak in wokman dɛnsɛf bin de dig dig rawnd di vali na Gɛra te dɛn fɛn sɔnsay we wata bɔs na di grɔn.

Di Ibru Pipul Dɛn 9:13

Fɔstɛm dɛn bin de tek got blɔd, man kaw blɔd, ɛn asis we kɔmɔt pan yɔŋ kaw we dɛn bɔn skata dɛn pan pipul we nɔ klin na Gɔd in yay, fɔ mek dɛn go klin.

Di Nɔmba Dɛm 19:18

Dɛn wan man we klin na PAPA GƆD yay fɔ tek sɔm pan di Isɔp lif, dip am insay di wata ɛn sprinkul am na di tɛnt pan ɔl di tin dɛn we de de, ɛnibɔdi we de de ɛn pan ɛnibɔdi we dɔn tɔch mɔtalman bon ɔ ɛni grev ɔ sɔmbɔdi we dɛn dɔn kil ɔ sɔmbɔdi we day nachɔral wan.

Di Nɔmba Dɛm 31:23

ɛn ɛni ɔda tin we nɔ go pwɛl if i go na faya, fɔ go de. Di lɔ se na da tɛm de i go klin. I se bɔt dɛn fɔ was am bak wit da wata we de mek dɛn klin na PAPA GƆD yay. Dɔn wetin go pwɛl we i go na faya, i se, dɛn jɛs gɛt fɔ was am wit da wata de mek i go klin na PAPA GƆD yay.

Izikɛl 36:25

A go sprinkul klin wata pan una, ɛn una go klin pan ɔl una dɔti dɛm, ɛn a go was una klin pan ɔl una lay lay gɔd dɛm.

Zɛkaraya 13:1

Da de de, wan fawnten go de we di pipul na Devid in os ɛn di pipul dɛn we tap na Jerusɛlɛm go go so dat dɛn go mek dɛnsɛf klin na PAPA GƆD yay ɛn dɛn sin go kɔmɔt.