Di Nɔmba Dɛm 19:16 - Krio Fɔs Oli Baybul

¹⁶ Ɛnibɔdi we tɔch sɔmbɔdi we dɛn kil wit sɔd ɔ sɔmbɔdi we day nachɔral wan ɔ ɛnibɔdi we tɔch mɔtalman bon ɔ grev nɔ go klin na PAPA GƆD yay fɔ sɛvin de.

Di Nɔmba Dɛm 19:16 Referans Kwoze

Matyu 23:27

“I go bad fɔ una dɛn Faresi ɛn dɛn Ju Lɔ ticha; una na ipokrit! Una tan lɛkɛ grev we dɛn kɔba wit wayt pent, we luk fayn, bɔt na soso bon ɛn rɔtin bɔdi lib insay de.

Di Nɔmba Dɛm 31:19

I se ɛnibɔdi we dɔn kil pɔsin ɔ tɔch ɛnibɔdi we dɛn kil, fɔ kɔmɔt na di kamp fɔ sɛvin de. Di de we mek tri ɛn di de we mek sɛvin, dɛn fɔ was dɛnsɛf ɛn di wan we dɛn kapchɔ we de wit dɛn, mek dɛn go klin na PAPA GƆD yay.

Lyuk 11:44

I go bad fɔ una dɛn Faresi! Una tan lɛkɛ grev we pipul nɔ de si so dɛn de waka pan am ɛn dɛn nɔ no sɛf se na grev dɛn de mas.”

Di Nɔmba Dɛm 19:11

Ɛnibɔdi we ol dedebɔdi nɔ go klin na PAPA GƆD yay fɔ sɛvin de.

Di Nɔmba Dɛm 19:15

ɛn ɛni bol ɔ pan ɔ ɛnitin we nɔ kɔba, insɛf nɔ go klin.

Ayzaya 52:11

Una go, una go, una go yanda, nɔ tɔch natin we dɔti na PAPA GƆD in yay; kɔmɔt to am go, go mek unasɛf klin na PAPA GƆD in yay, una we de tot di tin dɛn we dɛn de yuz na PAPA GƆD in os.

Lɛvitikɔs 21:1

Dɛn PAPA GƆD tɛl Mozis fɔ tɛl di man dɛn we de mek sakrifays fɔ pipul sin, dat na Erɔn in bɔypikin dɛn, se, dɛn nɔn nɔ fɔ mek dɛn nɔ klin na PAPA GƆD yay fɔseka ɛni dɛn fambul we dɔn day,

Di Nɔmba Dɛm 5:2

tɛl di Izrɛlayt dɛn nɔ fɔ gri mek ɛni pan dɛn kɔmpin we gɛt sik na dɛn bɔdi we ɔda pɔsin go kech tap insay di kamp. Dɛn fɔ drɛb am. If di pɔsin de pul sɔm kayn bad wata na ɛnisay nain bɔdi ɔ if na pɔsin we nɔ klin bikɔs i dɔn tɔch dedebɔdi sɛf, nɔ fɔ gri mek dɛn ɔl de insay di kamp.

Di Nɔmba Dɛm 6:6

Ɔl di tɛm we in na Nazirayt we i dɔn gi insɛf to PAPA GƆD, i nɔ fɔ go nia dedebɔdi.

Di Nɔmba Dɛm 9:6

Bɔt sɔm pan dɛn nɔ bin ebul fɔ jɔyn dɛn pan di gladi-gladi as dɛn nɔ bin klin na PAPA GƆD yay sins dɛn bin dɔn tɔch dedebɔdi. So da de de dɛn go mit Mozis ɛn Erɔn

Izikɛl 44:26

Afta i dɔn dɔti insɛf, i go kɔnt fɔ insɛf, sɛvin de, dɛn i go klin.