Di Nɔmba Dɛm 19:15 - Krio Fɔs Oli Baybul

¹⁵ ɛn ɛni bol ɔ pan ɔ ɛnitin we nɔ kɔba, insɛf nɔ go klin.

Di Nɔmba Dɛm 19:15 Referans Kwoze

Lɛvitikɔs 14:36

Dɛn di man we de mek sakrifays fɔ pipul sin go gi ɔda mek dɛn ɛmti di os bifo i go ɛgzamin am, ɔ nɔ so na ɔl wetin de insay di os i go se nɔ klin na PAPA GƆD yay; bɔt afta dɛn dɔn ɛmti di os, i kin go insay de naw.

Lɛvitikɔs 11:32

Fɔ put ɛnitin wɛda na tin we dɛn mek wit bod ɔ pisis ɔ lɛda ɔ bag ɔ ɛnitin we dɛn de put tin insay fɔ yus, we di day wan fɔdɔm pan, na wata ɛn i nɔ go klin na PAPA GƆD yay te ivintɛm; dɔn i go klin na PAPA GƆD yay.

Di Nɔmba Dɛm 31:20

I se dɛn fɔ mek shɔ se ɔl dɛn klos dɛn klin bifo PAPA GƆD wit ɛnitin we dɛn mek wit lɛda, got ia ɔ wud.

Di Nɔmba Dɛm 19:14

Na di lɔ dis bɔt ɛnibɔdi we day insay ɛni tɛnt: ɛnibɔdi we go insay di tɛnt ɛn ɔl udat tap de nɔ go klin fɔ sɛvin de,

Di Nɔmba Dɛm 19:16

Ɛnibɔdi we tɔch sɔmbɔdi we dɛn kil wit sɔd ɔ sɔmbɔdi we day nachɔral wan ɔ ɛnibɔdi we tɔch mɔtalman bon ɔ grev nɔ go klin na PAPA GƆD yay fɔ sɛvin de.

Lɛvitikɔs 11:33

Ɛn if ɛniwan fɔdɔm insay sɔntin we dɛn tek kle mek, ɔl wetin de insay de nɔ go klin na PAPA GƆD yay, na fɔ brok am.